ᐊᒥᓱᑦ ᒪᒃᑯᒃᑐᐃᑦ ᐊᒻᒪᓗ/ᐅᕝᕙᓘᓐᓃᑦ ᖃᑕᙳᑎᖏᑦ ᐊᔪᕈᑎᖃᖅᐸᑕ ᐊᕕᒃᑐᖅᓯᒪᔫᑉ ᐱᔨᑦᑎᕋᐅᑎᖏᓐᓄᑦ, ᐅᕝᕙᓘᓐᓃᑦ ᐱᔨᑦᑎᕋᐅᑎᒥᒃ ᐱᔪᓐᓇᙱᑉᐸᑕ, ᐃᓱᒪᒋᖃᑦᑕᖅᑕᕗᑦ ᓱᓇᑦ ᑕᒪᑐᒧᙵ ᐊᕕᒃᑐᖅᓯᒪᔪᒥᑦ ᐱᔾᔪᑕᐅᖕᒪᖔᑕ. ᐊᔪᕐᓇᐅᑎᑕᖃᒃᑲᓐᓂᕋᔭᖅᐸᑦ ᐊᒻᒪᓗ ᐊᒃᑐᖅᓯᓗᓂ ᐊᓯᖏᓐᓂᒃ ᓄᓇᕗᒻᒥᐅᓂᑦ ᒪᒃᑯᒃᑐᓂᒃ ᐱᓕᕆᐊᖑᙱᓪᓗᓂ, ᐃᓕᑕᕆᖃᑦᑕᖅᑕᕗᑦ ᐊᔪᕐᓇᕈᑕᐅᔪᖅ ᐋᖅᑭᐅᒪᔪᖅ ᐱᔾᔪᑕᐅᔪᖅᑎᑐᑦ. ᐋᖅᑭᐅᒪᔪᖅ ᐱᔾᔪᑕᐅᔪᓄᑦ ᐊᑐᖅᑕᐅᕙᒃᑐᑦ ᑭᒡᒐᖅᑐᖅᑎᐅᓂᕐᒧᑦ ᐃᒪᓐᓈᖅᑐᐃᖃᑦᑕᖅᑐᑦ ᐱᔭᒃᓴᐅᑎᖃᖅᑐᒥᒃ ᐊᕕᒃᑐᖅᓯᒪᔪᒧᑦ(ᓄᑦ) ᐊᓯᐊᙳᖅᓯᖁᔨᓪᓗᑎᒃ ᒪᓕᒐᐅᔪᓂᒃ, ᐊᑐᐊᒐᓂᒃ, ᐊᑐᖅᑕᐅᔪᒃᓴᓂᒃ, ᑐᕌᖓᔪᓂᒃ, ᐊᒻᒪᓗ ᐱᔨᑦᑎᕋᐅᑎᓂᒃ ᐱᓕᕆᐊᕆᓂᐊᕐᓗᒋᑦ ᐱᔾᔪᑕᐅᔪᑦ.
ᐊᑐᓂ ᐋᖅᑭᐅᒪᔪᖅ ᐱᔾᔪᑕᐅᔪᒧᑦ, ᓯᕗᓕᐅᖅᑎᐅᔪᖅ ᐊᕕᒃᑐᖅᓯᒪᔪᖅ ᐃᓕᑕᕆᔭᐅᖃᑦᑕᖅᑐᖅ ᐱᔭᒃᓴᐅᑎᖃᕐᓂᖓᓄᑦ ᐱᓕᕆᐊᕆᓂᐊᕐᓗᒍ ᐱᔾᔪᑕᐅᔪᖅ. ᑭᓯᐊᓂ, ᐃᓚᖏᑦ ᐱᔾᔪᑕᐅᔪᑦ ᐊᑕᐅᓯᐅᖏᑦᑐᒥᒃ ᐊᕕᒃᑐᖅᓯᒪᔪᓂᑦ ᐱᓕᕆᖃᑎᒌᖕᓂᖃᕆᐊᖃᖅᑐᑦ ᐱᔾᔪᑕᐅᔪᖅ ᐱᓕᕆᐊᕆᓂᐊᕐᓗᒍ ᐃᓗᐃᑦᑑᖓᔪᒃᑯᑦ.
ᐋᖅᑭᐅᒪᔪᖅ ᐱᔾᔪᑕᐅᔪᑦ ᐅᕙᑦᑎᓐᓄᑦ ᖃᐅᔨᑎᑦᑎᔾᔪᑕᐅᖃᑦᑕᖅᑐᑦ ᐊᒥᓱᐃᖓᔪᒃᑯᑦ, ᐃᓚᐅᓪᓗᑎᒃ: ᐊᑕᐅᓯᕐᒥᒃ ᑭᒡᒐᖅᑐᐃᔪᖅ ᑲᒪᔭᖃᖅᑐᖁᑎᑦᑎᒍᑦ, ᒪᒃᑯᒃᑐᓂᑦ ᐊᒻᒪᓗ ᖃᑕᙳᑎᒌᓐᓂᑦ, ᓄᓇᓕᖕᒥᐅᓂᑦ, ᒪᓕᒐᓕᐅᖅᑎᓂᑦ, ᒪᒃᑯᒃᑐᑦ ᒪᓕᒐᓕᐅᕐᕕᓕᕆᔪᓂᑦ, ᐊᕕᒃᑐᖅᓯᒪᔪᓂᑦ, ᐊᒻᒪᓗ ᐅᓂᒃᑲᐅᑕᐅᔪᒃᑯᑦ ᑐᓴᒐᒃᓴᓕᕆᔨᓄᑦ.
ᐋᖅᑭᐅᒪᔪᒧᑦ ᖃᕆᑕᐅᔭᒥᑦ ᑐᖅᑯᖅᓯᓯᒪᕝᕕᕗᑦ ᐅᑭᐅᒥᑦ ᐅᑭᐅᒧᑦ ᑲᑎᑦᑎᕙᓪᓕᐊᓂᐅᔪᖅ ᑕᒪᐃᓐᓂᑦ ᐋᖅᑭᐅᒪᔪᒧᑦ ᐱᔾᔪᑕᐅᔪᓂᒃ ᐃᓕᑕᕆᔭᐅᔪᑦ RCYO-ᑯᓐᓄᑦ ᐅᕝᕙᓘᓐᓃᑦ ᑐᓂᔭᐅᔪᓂᒃ ᖃᐅᔨᑎᓐᓂᐊᕐᓗᒋᑦ.
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.