Qaritauyakkuurutinut Ilitturinnaitunut Uqauhiit


Ilitturinnaitunut Naunaitkutat

Nutaqqanut Inulramirnullu Uqaqtikhaanik (RCY) aulapkaivagaat hapkua qaritauyakkuurutit naunaiqhitihimaplugit inuit hapkuninnga:

  • Pilaarutainik ihumagiyainiklu nutaqqat inulrammiillu
  • Havaaghait Uqaqtikhap
  • RCY-kut havagviat ikayuutaillu

Havagvikput ilitturinnaittunik ilitturipkailaittut hapkua qaritauyakkuurutit pulaarungni.

Innup Naunaitkutait

Hapkua qaritauyakkuurutit atauttikkut katitiriyuittuq naunaitkutautingnik, atiffitut, hivayautikpit nappaa qaritauyakkut titiraqaqviillu. Hapkua pivaktaqqut ilvit ilingnik tuyurungni qaritauyakkut iliqahiutigupkit naunaitkutatit.

Naunaitkutatit tuyurumangitkungni qaritauyakkuurutikkut, havakviptingnut takuyaqtuqlutit hivayaqlugilluuniit, kayumiktukkut titirakkulluuniit.

Naunaitkutat tuniyauhimayut uvaptingnut ilitturinnaitpaktavut malighugu Nutaqqanut Inulramirnullu Uqaqtikhaanik Piquyaat.

Katitiriyut Naunaitkutanik Qaritauyakkuurutikkut

Tamangnik qaritauyakkuurutinik aulapkaiyit atauttikkut katitirivaktut naunaitkutanik pulaaqhimayunit qaritauyanit. Hapkua qaritauyakkuurutit pulaarungni, qaritauyakkuurutinik aulapkaiyivut katitirivaktuq tutquumavaghuni naunaitkutanik ikittunik ihariagiyait aulayaami, qauyihaiyaami ihuaqhaiyaamilu qaritauyakkuurutinik. Hapkua naunaitkutat atuqpaktavut qauyihautigiplugit ihuaqhaitjutigiplugillu naunaitkutanut ikayuutiptingnut aulatjuhianullu qaritauyakkuurutivut

Hapkua ikayuutigivagait Uqaqtikhap nakuuyukkut havattiariami havaaghainik ataagut taapkua Nutaqqanut Inulramirnullu Uqaqtikhaanik Piquyat. Katitiriyut atuqpauhiillu naunaitkutanik aulattiaqtut malighugu ilanga 40 talvanngat Tuhagagharnik Tiguhinirmut Hapummiyaarnininirmut Hiamitirnaittunut Piquyanit.

Naunaitkutat katitiqtauvaktut qaritauyakkuurutiptingnit hapkuanguyut:

  • Upluq humunngaqtumilu pulaaqhimayutit;
  • Qaritauyakkuurutinit pulaaqpaktatit ikayuutillu atuqpaktatit;
  • Pulaaqtavit kingulliq qaritauyanit hamunga itqutjutiyut;
  • Qanurittumik qiniqhiatjutilik aulatjutiliklu qaritauyat; taapkualu
  • Qaritauyakkuurutinit naunaitkutait (IP) turaaqviat atuqpagaat qaritauyavit

IP-nut turaarutit ahiittunik nappalgit tuniyauvaktut tamangnut qaritauyakkuurutinik atuyuktunut qaritauyakkuurutinik aulapkaiyiinik (ISP). Una turaaqviat ilitturitjutaulaaqtuq qaritauyakkuurutinik aulapkaiyinit (hapkuatut gov.nu.ca taamnaluuniit mycompany.com).

IP-nut turaarutit ilittuqhitiqattayuittuq inungnik inmikkut. Ilaani, kihimi, atuqtaulaaqtuq ahinit naunaitkutallu paqittiyauyaami ilittuqhiyauyaamilu inungnit. Naunaitkutat katitiriyauyut qaritauyakkuurutinik aulapkaiyiptingnit ilittuqhititjutaulaaqtuq inungnik ilitturinnaitkaqpagait malighugu taamna Nutaqqanut Inulramirnullu Uqaqtikhaanik Piquyat.

Tutquumaviit (Cookies)

Hapkua qaritauyakkuurutit atuqpaktuttauq pulaarutivit tutquumaviinik ingilratjutigiplugu qaritauyakkuurutinik naunaiqhitjutigiplugu qanuq atuqtauvagiaghainik hapkua qaritauyakkuurutit. “Cookie” taapkua titiraanguyut mikiyut tutquumayut tuyuqtauvaktut qaritauyaqnut aulapkaiyiptigut tutquumavaghugu qaritauyanit pulaaqtilugu qaritauyakkuurutivut. Aulapkaiyiptingnik “ilihimapkaiyuktuq” naunaitkutanik hunanikiaq qiniqhiatjutivit pulaaqhimayaanik atuqtillugu qaritauyakkuurutivut.

Pulaarutingnit taapkua cookies katitiriyuittut naunaitkutanik ilittuqhitilaaqtunik ilingnik. Ungavaqtiqtauvaktut qiniqhiatjutit qaritauyanit qamitaugaangat. Atuyuittugut aularaayuktunik cookies-nik. Aulaarayuktut cookies qaritauyanit tutquumaviupluni upluq atuqtauhuiqvighaanut naunaitkutaniklu tutquumavaktuq atuqtaulaaqtut ilitturitjutigilugit ilingnik pulaaruvit qaritauyakkuurutinik.

Amiqhitjutit

Havagviat Nutaqqanut Inulramirnullu Uqaqtikhaanik munaqhivaktut naunaitkutarnik amiqhiniqmut parnaiyaiplutik munaqhiyaami qaritauyakkuurutinik hapkuninnga tiguyauttailiplugit ahinit.

RCY-kut qaritauyakkuurutait munaqhitjutinik ingilratjutilik amiqhiyuq atuqtauniariaghaanik pitquyauhimaittunit iliuraittailiplugit aallannguqtiqtailiplugillu naunaitkutanik ahiruqtiqtauttailiplugulu qaritauyakkuurutinik hapkunani. Ilittuqhittailivaktugut

qaritauyakkuurutinik pulaaqtunik atuqpauhiiniklu hapkua munaqhitjutikkut kihimi paqittigumik ahiruqtirinahuaqtunik qaritauyakkuurutainik.

Naunaitkutatit tunihimayatit hamuuna qaritauyakkuurutikkut amirnaiqpaktut RCY-kut aulapkaitjutait tikitkaangamigik. Kihimi, naunaitkutat ingilrayut qaritauyarnit aulapkaivianut amirnaqniaqtut. Qainginnarialiuyutit takuyaqtuqluta hivayaqlutaluuniit, kayumiktukkut titirakkulluuniit ihuariyakkut.