Nutaqqanut Inulramirnullu Uqaqtikhaanik Havagvia tunijuq unniudjutimik uvani ihumaliqinikkut hulidjutikhanik inulrammiinnun Nunavunmiunnik


INUNGNUT TUHAQTIDJUTIKHAQ
Qiqaijarluarvia 22, 2019

Iqaluit, NU - Una Nutaqqanut Inulramiinnullu Uqaqtikhaanik Havagvia (RCYO) iniqhimaliqtun ihivriuqhinirmiknik uumani ihumaliqinikkut hulidjutikhainnik inulrammiinnun Nunavunmiunnun. Ublumi, ukuat RCYO-kut tuniniaqtait unniudjutitik, Our Minds Matter (Ihumavun Hugijaujukhat): Una Inulrammiinnin-Uqautainnin Ihivriuqniq Ihumaliqinikkut hulidjutikainnik inulrammiinnun Nunavunmiunnun.

Unniudjutimi, ukuat, RCYO tunihimajut 15nik pidquidjutikhanik Nunavut Kavamatkunnun. Una unniudjuti nainaijaqhimajuqlu havagviup ihivriuqhinikkut havagutainnik, ilitturihimajainnik, taimaalu naunaiqhaqhimajait nipiit inulrammiit Nunavunmiut ihumagijainniklu qanuqtun pimmarighaqtaarutikhainnik ihumaliqinikkut pidjutainnik nakuutqijanik havagutikhanik ihariagijainnun.

“Ilihimajuni ukunani Articles 24mi uvanilu 39mi uvani Nunarjuami Katimajiit Angiqatigiigutaa Pilaarutaitigut Nutaqqat, tamaita nutaqqat inulrammiillu pidjutiqaqtut nakuujunik aanniaqtailinikkut munaridjutikhanun, ilaujullu ihumami aanniaqtailinikkut munaridjutikhanun, kavaillu ikajuqtakhait hapkuat pilaarutit” uqaqtuq Nutaqqanut Inulramiinnullu Uqaqtikhaa, Sherry McNeil-Mulak.

Piqaraluaqhuni nakuujunik piniarhimadjutikhanik havagumaqpiaqtuniklu inungnik havaktun tuninikkut ihumakkut aanniaqtainikkut hulidjutikhanik inulrammiinnun tamaani nunaptikni, tadja pidjuti angummadjutingittuq pingittuqlu havagutiginikkut ihariagijainnik Nunavutip nutaqqainnun inulrammiinnunlu. “Niriulimaitavun inirutikhat aallanguqtiqtaulutik pihimaittumik havagumadjutikhanik angijunik pidjutikhanik aallanguqtirnikkullu qanuqtun ikajuqpaktavun ihumakkut ihariagijainnik inulrammiin Nunavunmiun,” uqaqtuq McNeil-Mulak.

Una hivulliqpaangujuq tamaiini ihiviruqhiniq havaktaujuq RCYO-kunnin. Tuhaumapkainikkut uqaqtaujukhani naunaijaqhimanikkut unniudjutiup tuniningani piniaqtuq RCYO-kunni ublumi talvanga 9:30min 10:30mun ublaami.

###

Naunaittiarumaguffi:

Kim Foster
Atannguyaq Tuhaqtittiyinut Inungniklu Ilitturipkainiqmik
Uqaqtighaat Nutaqqat Inulrammiillu Havakviat
867-975-5091 | kfoster@rcynu.ca