ᓄᓇᕗᒻᒥᑦ ᓴᓇᐅᒐᖅ ᐃᒻᒥᒥᒃ−ᑭᒡᒐᖅᑐᐃᓂᖕᒧᑦ ᑲᑎᒪᓂᖅ ᐃᓕᓐᓂᐊᕐᑎᑦᑎᕗᑦ ᒪᒃᑯᒃᑐᓂᑦ ᓄᓇᕗᒻᒥᐅᓂᑦ "ᓂᐱᖃᕆᐊᕆᖅ"−ᒥᑦ

ᐱᕙᓪᓕᐊᔪᑦ ᓴᖅᑭᑕᑦ
ᓴᖅᑭᑕᐅᑲᐅᑎᒋᒋᐊᓕᒃ

ᔮᓐᓄᐊᕆ, 25, 2018

ᐃᖃᓗᐃᑦ, ᓄᓇᕗᑦ − ᑕᒪᑐᒪᓂ ᐱᓇᓱᐊᕈᓯᖕᒥᑦ, ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊ ᑲᑎᒪᑎᑦᑎᓛᖕᒪᑕ ᓄᓇᕗᒻᒥᑦ ᓴᓇᐅᒐᖕᒥᑦ ᐃᒻᒥᒥᒃ−ᑭᒡᒐᖅᑐᐃᓂᖕᒥᑦ, "ᓂᐱᖃᕆᐊᕆᑦ", ᐃᓕᓐᓂᐊᕐᑎᓄᑦ ᐊᕐᓴᕐᓂᖕᒥᑦ ᐃᖃᓗᖕᓂᑦ.

"ᐱᓇᓱᐊᖅᑕᐅᔪᖅ ᑕᒪᑐᒪᓂ ᑲᑎᒪᓂᖕᒥᑦ ᐃᓕᑦᑎᑎᑦᑎᓇᓱᒃᖢᑕ ᓄᑕᖅᑲᓂ ᒪᒃᑯᒃᑐᓂᒡᓗ ᐱᔪᓐᓇᐅᑎᖏᓐᓂᑦ ᑲᒪᒋᔭᒃᓴᖏᓐᓂᒡᓗ ᐃᑲᔪᕋᓱᐊᕐᓗᒋᓪᓗ ᐱᕈᖅᐸᓪᓕᐊᓂᖕᒥᑦ ᖁᓱᖏᓐᓂᕐᒥᒡᓗ ᐃᒻᒥᒥ−ᑭᒡᒐᖅᑐᐃᓕᒻᒪᒃᓴᓂᒃᑯᑦ", ᐅᖃᖅᑐᕕᓂᖅ ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ, ᓯᐅᕆ ᒪᒃᓂᐅᓪ−ᒧᓚᒃ. "ᑲᑎᒪᓂᖅ ᐋᖅᑭᒃᑕᐅᓚᐅᖅᑐᖅ ᑎᑎᕋᕐᕕᖕᒥᑦ ᐃᓱᒪᒋᔭᖃᖅᖢᑎᒃ ᒪᒃᑯᒃᑐᓂᑦ ᓄᓇᕗᒻᒥᐅᓂᑦ. ᐱᓇᓱᐊᖅᑕᕗᑦ ᓴᖅᑭᑦᑎᓗᑕ ᖁᕕᐊᓇᖅᑐᒥᑦ, ᑐᑭᖃᑦᑎᐊᕐᑐᒥ ᐊᔾᔨᒋᔭᒥᓪᓗ ᐃᑲᔫᑎᓂᐊᕐᓗᓂ ᐃᓕᓐᓂᐊᕐᑎᓄ ᖃᐅᔨᓗᑎᒃ ᐃᓚᐅᔪᓐᓴᖕᓂᖕᒥᓪᓗ," ᐅᖃᓚᐅᖅᑐᖅ ᒪᒃᓂᐅᓪ−ᒧᓚᒃ.

ᐅᓪᓗᒥᒧᑦ, ᑲᑎᒪᓃᑦ 244−ᓄᑦ ᐃᓕᓐᓂᐊᕐᑎᓄᑦ ᐊᑐᖅᑕᐅᓯᒪᓕᖅᐳᖅ 6−ᓂᑦ ᓄᓇᓕᖕᓂᑦ ᓄᓇᕗᒻᒥᑦ ᑖᒃᑯᐊᓗ ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊ ᐊᑐᐃᓐᓇᐅᑎᑦᑏᓐᓇᕐᓂᐊᖅᑐᑦ ᐃᓕᓐᓂᐊᕐᑎᓄᑦ, ᖁᑦᑎᖕᓂᓕᖕᓂ 7-ᒥᑦ 12-ᒧᑦ. ᑎᓯᐱᕆ 2017−ᒥᑦ, ᖁᑦᑎᖕᓂᓕᖕᒥᐅᑕᑦ 8−ᒥᑦ ᐃᓕᓐᓂᐊᕐᑏᑦ ᐊᑯᙵᓐᓂᕐᒥᐅᑕᑦ ᐃᓕᓐᓂᐊᕐᕕᖕᒥᑦ ᐃᓚᐅᓚᐅᖅᐳᑦ ᑲᑎᒪᓂᖕᓂᑦ, ᑕᒪᑐᒪᓂᓗ ᐱᓇᓱᐊᕈᓯᖕᒥᑦ ᑲᑎᒪᑎᑕᐅᓛᖅᑐᑦ ᖁᑦᑎᖕᓂᓕᖕᓂᕐᒥᐅᑕᐃᑦ 7−ᒥᑦ. 

"ᓄᑕᖅᑲᑦ ᐱᔪᓐᓇᖕᓂᖏᑦ ᐱᒻᒪᕆᐅᕗᑦ ᐅᕙᑦᑎᓐᓄᑦ," ᐅᖃᖅᑐᕕᓂᖅ ᔭᐃᒥᓯ ᕋᐃᖕᑭᓐ, ᐃᓕᓐᓂᐊᖅᑎᓄ ᐃᑲᔪᖅᑎ ᐊᕐᓴᕐᓂᖅ ᐃᓕᓐᓂᐊᕐᕕᖕᒥᑦ.  "ᐱᒻᒪᕆᐅᓇᓱᒋᔭᕋ ᐃᓕᓐᓂᐊᕐᑏᑦ ᐃᓕᓐᓂᐊᕐᕕᖕᒥᑦ ᐃᓚᐅᓗᑎᒃ ᐃᒪᐃᑦᑐᒥᑦ ᑲᑎᒪᓂᖕᒥᑦ ᐃᓗᐊᖅᓴᖁᓪᓗᒋᑦ ᐃᒻᒥᒥᒃ ᑭᒡᒐᖅᑐᐃᓂᖕᒥᑦ ᐱᔭᕆᐊᖃᕌᖓᒥᒃ. ᐱᒻᒪᕆᐅᔪᖅ ᑕᒪᓐᓇ ᐃᓕᓐᓂᐊᕐᑏᑦ ᐊᑐᕈᓐᓇᖅᑕᖏᑦ ᐃᓅᓯᓕᒫᒥᓂᒃ."

ᑐᑭᓯᒋᐊᒃᑲᓐᓂᕈᒪᒍᕕᑦ ᑲᑎᒪᓂᒃᓴᐅᑉ ᒥᒃᓵᓄᑦ ᐃᓚᓕᐅᑎᓯᒪᔪᑦ ᑕᑯᓗᒐ. ᐱᕙᓪᓕᐊᔪᓕᕆᔨᒃᑯᑦ ᖃᐅᖁᔭᐅᕗᑦ ᐃᓚᐅᓂᐊᕐᓗᑎᒃ ᔮᓄᐊᕆ 25−ᒥᑦ ᑲᑎᒪᓂᐅᓛᖅᑐᒥᑦ ᐊᖅᓴᕐᓂᖅ ᐃᓕᓐᓂᐊᕐᕕᐊᓂᑦ 12-45-ᒥᑦ 2-ᒧᐊᕋᓱᖕᓂᖓᓂᑦ ᐅᓐᓄᒃᓴᒃᑯᑦ. ᖃᐅᕙᒌᖅᓯᒪᓛᖅᐳᓯ ᑲᑎᒪᓂᐅᑉ ᓯᕗᓂᐊᓂᑦ ᐊᐱᖅᓱᕈᒪᒍᕕᑦ ᑭᒡᒐᖅᑐᐃᔨᒥᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ, ᐃᓕᓐᓂᐊᕐᕕᖕᒥᑦ ᐃᓕᓐᓂᐊᕐᑎᓂᒡᓗ.

###

ᑐᑭᓯᒋᐊᒃᑲᓂᕈᒪᒍᕕᑦ:

ᑭᒻ ᕚᔅᑐ
ᐊᐅᓚᑦᑎᔨ ᑐᓴᐅᒪᔪᓕᕆᓂᖕᓄᑦ ᑭᒃᑯᓕᒫᓄᓪᓗ ᐅᔾᔨᖅᓱᐃᑎᑦᑎᓂᖕᒧᑦ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᑦ ᑎᑎᕋᕐᕕᖓ 
867-975-5091 | kfoster@rcynu.ca