Nunavut Kavamanganin tukhiqtauhimajuq hulidjutikhat kiunikkut ihumakkut aanniaqtailinikkut ihariaginiit ukunani inulgammiinni Nunavunmiutat ihumagijaujuq “tamaat naammagijaungitpiaqtut” uumannga Nutaqqanut Inulrammirnullu Uqaqtikhaanik Havagvingmin


TUHAQTITAUJUKHAQ

Taaqhivalirvia 7, 2020

Nunavut Kavamanganin tukhiqtauhimajuq hulidjutikhat kiunikkut ihumakkut aanniaqtailinikkut ihariaginiit ukunani inulgammiinni Nunavunmiutat ihumagijaujuq “tamaat naammagijaungitpiaqtut” uumannga Nutaqqanut Inulrammirnullu Uqaqtikhaanik Havagvingmin

Iqaluit, NU – Kiudjutit pihimajun Nunavut Kavamanganin Nunavunmi Ilihariaqpaalivingmillu (havagviit) naunaijaihimajun tukhiqtamingnik hulidjutikhanik havagutikhanik ukununga inulrammiinninuqaqtauhimajunik pitquidjutikhanik piliuqhimajun uvani Ihumavun Hugijaujukhat (Our Minds Matter): Una Inulrammiinnin-uqaqtauhimajunik Ihivriuqhiniq Ihumakkut Aanniaqtailinikkut Hanaqidjutikhat Inulrammiinni Nunavunmiutat (Ihumavun Hugijaujukhat), pidjutaanin Nutaqqanut Inulrammirnullu Uqaqtikhaanik Havagvingmin tamaat ihivriuqhimadjutaani uvani ihumakkut aanniaqtailinikkut hanaqidjutikhanik inulrammiinnun, taimaittun “tamaat naammagijaungitpiaqtut”.

Talvani unniudjuitiup tunidjutinganin May 2019mi, havakviit uqautijauvaktun tunihijukhat kiudjutinik ilaliutilugillu qanuriliurutikhanik tukhirutimingnik tuniutikhanik havagutikhanik pidquidjutinun talvuuna September 30-kut, 2019.

Una Nutaqqanut Inulrammirnullu Uqaqtikhaanik, Jane Bates uqaqtuq, “Havagviga utaqqittiaqpaktuq havakhimmaaqhunilu taimaatun havagviit kiungitkaangata tukhirutinun pijumanikkut uqautimingnik, qaangiutivakhutik amigaittun nutqaqvighat tuninikkut kiudjutinik, taimaatun kiudjutit tunijauhimajut piqaqtun naamangittunik ilitturipkaidjutikhanik qanuriliurutikhanik havakviit tuniutikhanik havagutikhanik pidquidjutinun, taimaalu taapkuat ilitturipkaidjutikhat aallanguqattaraangat naliinni kiudjutini.” Kingulliqpaakkut kiudjuti tunijaulihaaqtuq February 28, 2020mi.

Taapkunuunga titiqqidjutikkut pihimajuni, ilitturihimajugun angirutiqatigiigutiqaqtuq 6simi, ilainnangani angirutiqaqtigiigutiqaqtuq 5mi, angirutiqangittuq atauhirmi ukunani 15ni pitquidjutini piliuqtauhimajuni. Taapkunani pingahuni pitquidjutini, huli naunaijuittuq angiqatigiigutiqariaghaanik angirutiqangittaakhaanikluunniit.

“Tunihimajatka havagviit kiudjutait ihumagidjutimnik tautuktungalu tukhiqtauhimajut hulidjutikhat piqangittun piqpiarutikhanik, havakpiarumadjutikhanik, havaqatigiigutikhanik, ihumagijaunirniklu amigarnarnirnik taimaatun ihumakkut aanniaqtailinikkut ingulrammiit Nunavunmiutat pidjutikhainnik.”

Una RCYO uqautihimajaaq ihumaginiq ilitturipkarhugu Kamisina Ministait Katimajiinni, malikhugu Ilanga 34(2) uvani Nutaqqanut Inulrammirnullu Uqaqtikhaanik Maligaqmi.

###

Tuhaqtipkainikkut Uqarvigijakhaq:

Kim Foster
Atannguyaq Tuhaqtittiyinut Inungniklu Ilitturipkainiqmik
Uqaqtighaat Nutaqqat Inulrammiillu Havakviat
867-975-5091 | kfoster@rcynu.ca