Jane Bates
Nutaqqanut Inulramirnullu Uqaqtikhaanik
Jane-iup unipkaanga aullaqtiqtuq Mississauga, Ontario-mi hikhinngunaittumi najurvigijaujumi tiguaqhiinni. Pijumaraaginnarhimavaktuq ikajurnikkut inulrammirnik, pidjutiutiguplugu Titiraqaliqhuni Inuliqijikkut talvannga Ryerson Iliharvikjuamin. Havalihaaliqhuni, upitpaktuq qaitquininganun ukiuqtaqtumin nuutiqhuni Whitehorse-mun.
Havaktilluni Yukon-mi, Jane hulidjutivaktain inuuhiin amigaittun inulrammiinni ilanginnilu talvuuna havagutimini nutaqqanun hapummidjutini, ilagiiktuni havagutini, qajangnaqtuni pidjutainni ihivriuqhinirni, inulrammiinni maligaliqidjutini, qajangnaqtuni hatummiarutini, mamiharnikkullu nunallaani miitirutiginirni. Tamaani havaamini, hivulliuqtauhimajuq uppiridjutaani nakuutqijaujuni pidjutikhainnun nutaramun.
Imaatun Winnie the Pooh-mi uumanilu Star Wars-mi quviagiqpiarutiqaqhuni, quviagijain aallakkiikniqarutit inuuhiup hailihimajain. Uinga Russ, qinmialu Gizmo naammagiqpiaqtaa nuutirnia Nunavunmun. Jane quviahuktuq havagutigiplugin inulrammiit Nunavunmiutaujun pipkainikkullu pilaarutait ikajuqtaujun.
Jarrett Parker
Aulapkaiyiat Nutaqqat Inulramiit Ikayuqtikhaq Pivikhaqautikhanik
Jarrett angiklihimajuq hivuraani kivataani Saskatchewan Kansas-milu, USA. Iniqtiqhimajaa Bachelor of Social Work (BSW) naunaitkunmik talvani University of Regina umingalu Master of Social Work (MSW) naunaitkunmik talvani University of Calgary. Havakpakhimajuq, aulahimaanginaqhunilu, haniqpani atangujaupluni talvani BSW MSWmilu ilihaqtunik iliharvingnin ikajuuhialiqijunik avatingni Kanatami.
Havaarijakhanut, ungahiktuni ukiuqtaqtumilu nunani, ihumagilluaqpagait tamaita nutaqqanun hapummidjutikhat, talvani ahinilu Aallait nunanginni. Una ilaqaqtuq itiqtipkainikkut/ihivriuqhinikkut, ajuqharnikkut ihivriuqhinirnik, nutaqqanik munaqtiujunik, nutaqqiqinikkullu, hivulliqpaangujuni havaktini, atanngujaunikkut, angajukhiinnilu atanngujani havaani. Havakpakhimajurlu tamangni inulramiit inirniqnunlu itiqtauvingni, amiraqhuutiqaqqan munaridjutikharnik, havakpakhimajurlu Armoured Reserve Havaktiuvakhimajuq 12lunik ukiunganik.
Jarrett akhuuqtuq ikiklijuumiriami ajuqhautinga neurodivergent uqaqhunilu angmaumajumik inuugiami uuminnga Attention Deficit Hyperactivity Disorder (ADHD). Quviagijaingit nunalaani qajangnairutikharnik, pivalliajaangat hivuliqtikharnik, hivunikhangitlu nuttaqqanun inulramiinunlu Nunavunmi.
Taima nuuliqhuni Iqalungnun, tikliutiut ilihaivakhimajuq, katimajijiuvakhunilu talvani Uquutaq Katimajiit, uvalu akiitumik ikajuqhuni hapkununga Ajuittiarutit Nunavunmi. Aalat ihumagijaujut ilaujut aulapkaibluni qijuknik havakniqmik, ihuaqhivaktaa igluni, taiguaqniq, uvalu haniqpani.
Kim Foster
Atanngujaq, Atugakhani Tuhagakhanullu
Nunaqaqpakhimajuq tamangnik Atlanticmi Pacificmilu Tariurmi, Kim nuuhimajuq talvunga Ukiuktaqtumi Tariurmun Iqalungni 2017mi.
Ikajuqhugit nutaqqat, inulramiit, ilailu, angijumik ilaujuq hapkununga Kim's inuuhianun, kinguani havaktut haffumunga Ronald McDonald House Charities® Hivuraani uvalu Qitqani Albertami.
2024-mi, Kim iniqhijut Upalungaijautiluaq Naunaitkut havaaghanik Ataniqtuqtuijut Havaaghanik Munaqhijut Havaaghanik tunijaujuq iligiikhutik Nunavut Kavamanga ukuallu York University's Schulich School of Business. Kim piqaqtuq ilitagirjuarutingnik tuhaqtitiliqinikkut talvanga Iliharvikjuangani Calgarymi unalu ilitagidjutikhanga tuhaqtitiliqinikkut talvanga Hivuraani Alberta Iliharvikjuangnik Qaritaujaliqijunik (S.A.I.T.).
Attauhiq quviagiqpiaqtaa aulagiangani, quviagijaa ilihagiami uvalu atuqhimajaminik aalanik pitquhinik niqiniklu. Kim quviagijaalu mikijunik aulaaqniqmik qinmimini, Hudsonmi; igajaangat; qanganuaq ilihailihaaliqhuni inmi minguliqhijaangat imaqaqtumik.
Nubiya Enuaraq - Havaguiqhimallaktuq
Nutaqqat Inulramiit Ikayuqtikhaq Ayuikhattiakhimayuq
Nubiya Enuaraq havalihaaqliqtuq Nutaqqat Inulramiit Ikayuqtikhaq Ayuiqhattiaqhimayuni Qiqaiyarluarvia 2020mi.
Nubiya ilihagiaqpakhimayuq Dalhousie Universitymi Halifax, Nova Scotiami, Imaruqtirvia 2017, iniqtiqhimavakhimayuq ilihaqtamingnik uqaqtiuvakhimayurlu ilihaqtunik iniqtirtunik talvanga Nunavut Ilihaliarpaarvingmi aituqtauplunilu Ilitagiryuarutingnik Ilihaqtamingni Nallunaqtunik talvani Ukiuktaqni Munarhinik Ilihaqtuni.
Talvanga iniqtiqhimavakhimayuq Munarhiliqinik Ayuiqhaqtukharnik ilihairutingnik talvanga havaktitauvakhimayuq allatqiinik hivutunirmiklu munarhiliqidjutingnik havaangani Qikiqtani Aanniarvingmi (QGH). Havaktitinani munarhiuvakhimayuq talvani Amigaqhuutiqaqtunik Aanniaqtunik Havagviani QGHmi. Nubiya akhurnaqtunik pivakhimayuq ilihairutingnik, ayuittiarutingnik havagiaqaqtainiklu talvuuna malrungnik ukiunganik titiqiqidjutiqaqhuni munarhiuvakhimayuq QGHmi ihumayurlu ihuaqtumik aituiniaqtuq tautugumainik havagviangani.
Havadjagiktaa ikayukhimaanginagumaplugit inungnik piyaanganik ihuaqtumik ikayuutikharnik, malikhautiplugitlu ihuaqtumik pidjutiqarniaqtun Nunavunmi piyaangat pidjutikharnik inugaingini. Talvuuna havaatigiyainik, nigiukhimayuq akhurhaidjutikharnik unalu/unaluuniit aituiyaangat pivalliadjutikharnik inuuhirinikkut nunalaani atugakhangitni.
Dustin Patar
Atanilluaq Atuqtauyukhanut Naunaiyaiyi/Ilittuqhaiyi
Inuuhimajuq San Francisco, California, angiklihimajuqlu avatingni United Statesmi Kanatamilu, Dustinmi naunaihimajuq nanminikkut nuutaanik avatingniitunik inungniklu. Taimaali ajungnaqtuq, Dustin ukpiguhuktut hapkua anginiqhait atuqtait tiguaqhimablugu hakugiktumik ihumabluni uvalu quviagijaminik unipkaaqniqmik; inuuhirmingni malikhautikhangit taima anugikkut aulavikharnik avaliqangitunik atuqtakharnik.
Iliharpakhimajingit, Dustum ingilravinga aadlangajuq inuuhinganut atuqtaminik. Malrungnik ukiunik piksasuuliurnikkut ilihaivakhimajuq, qun'ngiaqtuq unipkaanganik ajuitaminik. Ukiuni kinguani, ilihaqhuni haffuminga naunaitkutit ilihaqtamingnik ilitagidjutinik tuhaqtitinikkut hamanga Simon Fraser Iliharvikjuanganin, malikhugit iliharnikkut naunaitkutiqaqtut hamanga Iliharvikjuangani British Columbiami Iniqtiqhimajut Iliharviit Taiguangnikkut.
Inirami ilihaqtaminik, Dustin tununngani, tikittuq Iqalungmut Apitilirvia 2019-mi havagiami taiguagakhamik Nunatsiaq News-mut. Talvanganin, havakpakhimajuq talvani Inhabit Educationmi, CBC Northmi, akiqangitumiklu titiraqhimajunik. Ikajuqtuq ilihimajaujumik makpiraaliurninnga ukunatitut Kaanatami Press, Globe titiraqarvikkutlu, unalu Kaanatami Nunangit.
Dustin pihimangitkumik piksaliurunmik imaaluuniit hivuagut qaritaujamik, paqitaulajuq miqhurnirmik, ihuaqhailuni ilanganik akhaluutimik, imaaluuniit maniqanirmiinginaqtuq.
Ross Ferguson
Atanilluaq Atuqtauyukhanut Naunaiyaiyi/Ilittuqhaiyi
Ross inuuhimajuq angiklihimajuqlu qingmiqpaqaqtumik najugaani uataani New Brunswick-mi. Angiklivaliagaluaqtilugit hunat Ross ihumajuq attauhiq aalangajuq najugaa nunaqjuami, ihumagiinaqtuq aalanik pitquhiqaqtunik. 1988mi, una ihumagiinaqtuq pipkaidjutijaa pigiami tuglianik ilihainiq uumani inuuhigaluangit ihivriurniq unalu pitquhiliqinikkut ilihainiq. Quviagingitainik ihumaluutigiluangitainik hunaujuq ilihaqtamingnik nuutiqtunun nunaptingnun, Ross qimaktuq iliharvikjuanga. Talvanga aullaqtiqtuq qanuqtun pidjutihimajuq imaa "20-nik ukiunik aullaaqtittijuq" uataani Kanatap. Atuqtilugu una qulini ukiuni-hivituniani, Ross havaktut Rockiesmi iqalukhiuqtut maligahat, uvani Yukonmi hiuvani hivuliqhuqnikkut, uvalu hinaani British Columbiami havaliqhutik hananikkut havaanik.
Taima Ross utiqhimagami New Brunswickmun, ihumaliuqhimayuq tiglugianganik ilanganik ayungnautiqaqtunik ayuiqhaqhimaaqpakhimayuq talvuuna hivulliuyunik ilhaqpakhimajuq talvani iliharvikyuanganik. Una ihuaqhidjutauyuq iniqtiriangani ilitagiyauniq ihumaliqinikkut, uvalu inuuhiqattiaqnikkut havaqatigiikhutik tugaaqhimalugit Hiuvulliuyut Aallait nutaqqat munagidjutikhait. Havakpakhimagaluaqhuni nutaraq munagidjutikharnik inuuhiliqiyi havakti aulatitivakhimayuq New Brunswickmi, Rossmi aulatitiffaaffaaqtuq talvunga British Columbiami Yukonmilu.
Ross' ihumagijaingit ukiuqtaqtumi nuviktuq inuuhimini. Hilamiunginaqtuq, hinaktuqtuq qiniqhiabluni Qikiqtaalungmi hivutunirmik ihumagiinaqtaa. Ross, Iqalungniiqhuni, ikayuqtaaqtuq inulramingnun uvalu piyakhanik iqalukpingmik, hinaktuqhuni.
Wendy Makpah
Hanaqiyanguqtakhanun Naunaiyaiyi
Wendy inuuhimajuq Igluligaaryungmi angiklihimajurlu aalani nunani, ilaujut Kangiqliniqmi Winnipegmilu. Nuuhimajuq Iqalungnun 2021mi.
2023mi, Wendy iniqtiqhimajaa Titiqiqidjutiqaqtuq Iqaijaliqijunik (RMT) ilitaridjutikharnik talvuuna Nunavut Inuuhirinikkut Iliharviani. Ajungnaraluaqhuni avaliitumik ilaujaami ilihaidjutini talvanga, mihigimajuq attauhiqmin- attauhirmun tuhaaniq ihuaqhijuumirutijuq ajuiqtaminik. Kinguagun ajuiqhaqtiluni ajuiqhaqtittijuq aalanik ilihaidjutinik uuktuqtunik Iqalungni Kangiqlinirmilu.
2025mi, Wendy havaliqtuq havagviptingni Itiqtipkainikkut Hanaqijakhanik Naunaijaiji imaalu havakpakhunilu ukunani RCYO-kunni uvanilu Havagviani Uqauhikkut Kamisinami.
Wendy havagvingmiingitkaangat, malruuk nutarait malruuklu qinminik havakpiakpaktait. Qaffini ukiuni, miqhuqpaktuq. Ilaujuq havainiqmi miqhuqatigiiktunut piliuqhimajaillu aittuqtauvaktut ilaminut ilanginnullu havaqatiminut.
Philip Chen
Nutaqqat Inulramiit Ikayuqtikhaq Ayuikhattiakhimayuq
Philip angiklihimajuq Ottawami tunijauhimangituq Anishinabeg nunaani. Ilihimajaujuq quviagiblugu aadjikiingniq uvalu maligaliqinikkut, taimaali una ningautigijaa angajuqaaminun. Ukpiguhuktuq inuuhirmini atuqpakhimajaminik nagliguhuutigijait tahapkununga atuqtunun ukiuqaqtunun tuquffihungnirmun uvalu hulaqutainun iglumini ajukhautinun.
Philip tunijaujuq naunaitkunmik Anirnikkut Mamihaidjutinik hamanga Algonquin Collegemin uvani 2003mi uvalu Hiningnautinikkut Ikajuqti Naunaitkutinik hapkunuuna Thompson Rivers Iliharvikjuanganin uvani 2016mi.
Hakugiktumik havagumagami Ukiuqtaqtumi, atulihaaliqtilugu 2018 Philip ukiuqtaqtumungaqtuq havagiaqtukhuni hivuliqmik nunallaami tamaini naunaijainikkut tiibiirnikkut uvani ukiuqaqtuni Qikiqtarjuami. Kinguagun havalikhuni katulaatigut uvani Qikiqtani Aaniaqviani uvalu nipiubluni uqautigiblugu amigaiqjuumilugit kivgaqtuutit uvalu tunihibluni munagidjutinik qanitumun nunamingnun Nunavunmiunun.
Aulahimaaqtumik uqautigilugit ihuaqtut, aadjikiingnikkut, ihuaqtullu kivgaqtuutit, Philip havaliqtuq havagviptingnun Nutaqqanun Inulgamiqnunlu Uqaudjinikkut Ajuittiaqhimajuq uvani 2025mi.
Hilataani havaatigut inuuhiani, Philip ilihagumainaqtuq nutaanik uvalu aalatqiinik ajuikhautinik uvalu quviagijaa karaoke, baisikuqtuq, aulaarniq, uvalu qajaqturniq.
Funmilola Windokun
Nutaqqat Inulramiit Ikayuqtikhaq Ayuikhattiakhimayuq
Favour iniqtiqtaa Bachelor of Science Nanminikkut Auladjutinun uvani Ambrose Alli Iliharvikjuangani uvani Ekpoma, Nigeria uvani 2009mi. Nuugami Kanatamun 2014mi, iniqtiqhimajuq Nutaqqanun Inulgamiqnunlu Havaktiunikkut Naunaitkunmik uvani Reeves College uvani Edmonton, Albertami. Talvuuna mikhaatigun, pivalliavakhimajuq hakugiktumik ajuittiarutikharnik tuquffihuktitauhimajunik-naunaitunik munagidjutikharnik, ajungnautiqaqqan ihuaqhaidjutikharnik, ajungnautiqaqtunik, inulramiinunlu pivalliadjutikharnik.
Favour quviagijaa inuuhiqattiaqtuq ilihimajaujuq nagliguhuutiminik, qilamiunginikkut, pijaaqhunilu havaklugit qajangnaitumik, ikajungnikkut ilauqatigiingniq aalakiinun inulgamirnun.
Favour ilauliqtuq havagviptingni aujami ilihaqtuq uvani 2025mi, upalungaijaqtuq aularutilugu Bachelor of Social Work naunaitkutaa uvani 2026mi hivumuuqtilugu ikajungnikkut havaani akhuuqtuq quviahuktilugit attautit nunallaallu.
Favour ikajungitkaangami nutaqqanik, inulramirnik, ilaqaqtuniklu, quviagijaa qunngiagianganik piksasuunik, titiragianganik, hulilukaaqatigijaangatlu ilagijainik.
Poe Foster
Atanilluaq Atuqtauyukhanut Naunaiyaiyi/Ilittuqhaiyi
Avatqumajuq 25 ukiut atangujaunirmun havakhimajuq, Poe quviahuinaqtuq havaqatigiblugit nutaqqat ilaillu.
Poe ajuittiarnikkut kinguani idjuhikkut ihumakkullu aanniaqtailiniq, havaqatigiblugit qajangnautiqaqtut inulramiit, nutaqqat munarijaujut, pivallianirmun ajuqhautiqaqtut, aangajaanaqtunik taangakkullu mamihainirmun pinahuarutit, ukualu inulramiit aalakiinik qanuriniqaqtut itiqtauviit auladjutaini.
Poe piqaqtuq haffuminga bachelor naunaitkutaanik hamanga Iliharvikjuanganin Calgary unalu master's naunaitkutaa nanminiqaqtunun titqiqidjutinik akhuurutiqaqtuq inuliqinirmun hivuliqhunirmunlu hamanga Ilihaqvikjuanganin Fredericton.
Poe nuuttuq Iqalungnun ukiaghami 2025mi. Tamavjaini Poe inuuhirmini nunaqaqtuq Calgarymi, Alberta, kihimi iingujut kinguliit ukiut, nunaqaqtuq hamani Oregonmi ilanilu, malrungnik nutaaqaqtuq malruklu qinmik.
Havangitkaangami, Poe quviagijaa ilaminiiniq, taiguaqhuni, qungiaqhuni ulapqijunik, ilihaqhugillu nutaat hulilukaarutit, kitut muqpaujuuniq.
Colleen Chubbs
Nutaqqat Inulramiit Ikayuqtikhaq Ayuikhattiakhimayuq
Colleen quviahuktuq havaqatigiblugit ikajuqhugillu inuit.
Anginirhakkut havakpakhimajuq aanniaqtailiqijiini aalakiillu aanniaqjuaqtut najugaini, ilaujut havauhiqiniq, nutaranuat aanniaqviani, ukualu ihumamun aanniaqtailinirmun, havakhimaniq hivitujumik munarinirmun munaridjutini naavjaktuq 20 ukiut ukualu Inulirijitkuni aanniarutiqaqjuaqtut qulini 10 ukiuni.
Iqalungni, Colleen havaaqaqpakhimajuq uvani Inirnikhat hivitujumik munarijaujut najugaani, uvani Qikiqtani Aanniaqviani, uvanilu Akausisarvik Ihumamun Aanniaqtailinirmun Igluqpaani.
Colleen inuuhimajuq angiklihimajuqlu hivuraani hinaani Labrador nuutunilu hamunga Corner Brook, Newfoundland angajukhiit iliharviini inirami ilihaqjuumiriamini ilihautini. Colleen ihumagiinaqtaa Tununga uvalu 2020mi nuutuq Nunavunmun.
Colleen niviuktuq hivumuunirmun pijakhamun Nutaqqanun Inulramirnunlu Uqaqtiunirmun Taijauhimajuq ukunani RCYOkuni, mihigimajaa ilihimanikkut havakpakhimanikkullu munarittiarniq, nagliguhuutikkut, nagliguhungnikkullu.
Abigail “Abbie” Atienza
Nutaqqat Inulramiit Ikayuqtikhaq Ayuikhattiakhimayuq
Inuuhimayuq Philippine-mi, nuuttuq Mississauga, Ontario-mut, Abigail (Abbie) nunagiliqtaa Iqaluit 2009-mit. Iniqtiramiuk ilihaqtaminik talvanga Inuksuk Angajukhiit Iliharviani 2019mi, Abigail angiqtauvakhimajuq talvani Queen's Universitymi. Aullaqtiqtaa hivulliqpaanga ukiungani satellite campus-mi United Kingdom-mi Bader College-mi iniqtiqhugillu avaliiqtut ukiuni iliharvigjuangani Kingston, Ontario-mi, pipluni Bachelor of Science Inuuhirmut Nalunaqtuliqinirmun 2023-mi.
Havaliqtinnani hapkunani RCYOkuni, Abbie havakpakhimajuq Daaktinik Havaktukhaqhiuqti/Naunaijaiji uvani Qikiqtani Aaniarvikmi. Havaagijaingit munarihimaaqpaktuq havaktukhaqhiuqtunik naunaijaijaangatlu auladjutikharnik piqaqtukharnik munaqhiliqidjutikharnik Nunavunmiunun.
Pihimablugit inulramiit Nunavunmi pijaangnirit aadjikiiktumik uvalu pitquhirmun-ihuaqtut ikajuutit tapkua hakugikhijuumirutijut inuujaamingni nakuunikhamik uvalu quvianaqtumik inuuhirmingni hivuliujukhaq Abbiemin. Quviaginaqtaa havaqatigijaangat inulramiit nunalaamingni havaarivakhimajaingit Inulramiit Hivulliqtiupluni talvani YWCA-Agvik's NorthernLights Girls Club, theIqalungni Taigualiqiviktatqiqhiutimi "Crafternoons", Jack.org talvani ikajuqtuq pinahuarutimik piliurninnga uumunngaTalvaniitlutit Naunaitkut, ilihaqnikkut ikajuutit havaktauhimajut tunihijaangini inulramiinun ilihimaniqmik, ajuitamingnik, uvalu hapingitumik qajangnaitumik ikajuriangani kinaliqaaq kitut ajuqhautiqaqtut ihumakkut aaniaqtailinikkut. Tadja, Abbie kivgaqtuqtuq akiitumik uvalu Titiraqtiubluni hapkunaniNiqinik Nuatsivik Nunavunmi Niqitaqvikkutuvalu qangannuaq akiitumik ikajuqhuni hapkunaniKamatsiaqtut Ikajuqtiit Hivajautaa.
Havangnairaangami, quviarijaa qiniqhiabluni nutaanik atuutinik, uuktuqhugit piksaliutit, uvalu nagliguhuqatigiblugu "Iqaluit Taijauhimajuq" qinmi, Crosby, taiguaqtiluni nutaatqiamik R.F Kuang makpiraamik qungiaqhuniluuniin 'Smallville'.