ᖁᔭᓐᓇᒦᖑᔪᓯ ᐃᓚᐅᓚᐅᖅᑐᓕᒫᑦ ᓵᓚᒃᓴᕋᓱᒃᑐᓂᒃ ᓲᖑᓴᒋᐊᖃᙱᓐᓂᕐᒥᒃ ᐅᕝᕙᓘᓐᓃᑦ ᖃᓄᖅ ᐱᖃᓐᓇᕆᔭᑦᑎᐊᕙᐅᔪᓐᓇᕐᒪᖔᑦ.
ᐊᓕᐊᓇᐃᒍᓱᖃᑎᒋᑦᑎᐊᖅᐸᕗᑦ ᓵᓚᒃᓴᖅᑐᑦ!
ᐱᕙᓪᓕᐊᔪᓕᕆᔨᒃᑯᑦ
11/23/2021
ᐱᕙᓪᓕᐊᔪᑦ ᓴᖅᑭᑕᑦ
ᓄᕕᐱᕆ 23, 2021
ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ 2020-2021−ᒥ ᐊᕐᕌᒍᑕᒫᖅᓯᐅᑦ ᐅᓂᒃᑳᖅ
ᐃᖃᓗᐃᑦ, ᓄᓇᕗᑦ − ᐊᕐᕌᓂᒐᓚᒃᑎᑐᑦ ᐅᓂᒃᑳᓕᐅᕐᓂᖅ ᐊᕐᕌᒍᑕᒫᖅᓯᐅᑎᒥᒃ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᖓ ᐱᓇᔪᒃᑲᓐᓂᓚᐅᕋᓗᐊᖅᐳᖅ ᐃᓗᐃᑦᑐᒥᒃ ᑕᑯᔭᒃᓴᐅᓕᖅᑎᓐᓇᓱᐊᖅᖢᒍ ᒪᒃᑯᒃᑑᓪᓗᓂ ᖃᓄᐃᓐᓇᕐᒪᖔᖅ ᑭᒡᒐᖅᑐᐃᔨᖃᖅᖢᓂ ᓄᓇᕗᑦ ᒐᕙᒪᒃᑯᖏᑕ ᐱᔨᑦᑎᕋᐅᑎᒋᕙᒃᑕᖏᓐᓄᑦ.
11/15/2021
ᓄᕕᐱᕆ 20 ᑲᓇᑕᒥ ᓄᑕᕋᐅᑉ ᐃᓪᓗᕆᕙᐅᒃ − ᑖᓐᓇ ᐅᓪᓗᖅ ᑲᓇᑕᒥ ᖁᕕᐊᓲᑕᐅᔪᖅ ᐊᑎᓕᐅᖅᑎᐅᖃᑕᐅᓚᐅᖅᓯᒪᓂᕐᒧᑦ ᒪᕐᕈᖕᓂᒃ ᐱᓂᐊᕐᓂᕋᕈᑎᓂᒃ ᓄᑕᖅᑲᐃᑦ−ᐱᔪᓐᓇᐅᑎᖏᓐᓂᒃ: ᓄᓇᕐᔪᐊᒥ ᑲᑐᔾᔨᖃᑎᒌᑦ ᐱᔪᓐᓇᖕᓂᕆᔭᖏᑦ ᓄᑕᕋᐅᑉ (1959) ᐊᒻᒪᓗ ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᓪᓗᒋᑦ (1989).
ᑲᓇᑕ ᓄᓇᓕᒡᔪᐊᖑᓪᓗᓂ ᐊᑎᓕᐅᖃᑕᐅᓯᒪᓂᕐᒧᑦ ᑐᑭᖃᖅᑐᕐᓕ ᒐᕙᒪᐅᔪᐃᑦ ᑐᓴᕐᓂᕋᕐᓗᑎᒃ ᐊᖏᕐᓂᖏᑦ, ᐃᒃᐱᒍᓱᖕᓂᖏᓐᓂᒃ ᐊᒻᒪᓗ ᐃᑲᔪᖅᓯᕐᓂᖏᓐᓂᒃ ᓄᑕᖅᑲᐃᑦ ᐱᔪᓐᓇᐅᑎᖏᓐᓂᒃ ᐃᓅᓯᖏᓐᓂᒃ ᖃᓄᐃᑦᑐᒃᑰᕋᓗᐊᖅᐸᑕ, ᐅᕕᓂᖓᒍᑦ, ᐊᕐᓇᖅ/ᐊᖑᑕᐅᒐᓗᐊᖅᐸᑕ, ᓇᓕᐊᖕᓂᒃ ᐊᐃᑉᐸᖃᖃᑦᑕᕋᓗᐊᖅᐸᑕ, ᐊᔪᙱᓐᓂᖃᕋᓗᐊᖅᐸᑕ ᖃᓄᑐᐃᓐᓇᕐᓘᓃᑦ ᐊᓯᐊᓂᒃ.
10/25/2021
ᖁᔭᓐᓇᒦᒃ ᑕᒪᔅᓯᑦᑎᐊᖅ ᐃᓯᓚᐅᖅᑐᓄᑦ ᓄᑕᖅᑲᑦᑕ ᐱᔪᓐᓇᐅᑎᖏᓐᓄᑦ ᐅᕕᓂᕈᕐᒧᑦ ᑕᖅᓴᒃᓴᒧᑦ ᓵᓚᖃᕋᓲᑎᒧᑦ.
ᐊᓕᐊᓇᐃᒍᓱᖃᑎᒋᑦᑎᐊᖅᐸᕗᑦ ᓵᓚᒃᓴᖅᑐᑦ!
06/25/2021
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐱᒋᐊᕈᑎᑦ ᐅᖃᐅᓯᒃᓴᖏᑦ
ᔫᓂ 21-22, 2021
ᖁᔭᓐᓇᒦᒃ, ᑲᑎᒪᑎᑦᑎᔩ ᐅᓪᓗᒃᑯᓪᓗ. ᐅᓪᓗᒥ ᑕᕝᕙᓃᖃᑎᒋᔭᒃᑲ ᓕᓐ ᒫᑦ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᒃᑯᑦ ᑐᑭᒧᐊᒃᑎᑦᑎᔨᖓ, ᐊᒻᒪ ᑕᐃᕕᑦ ᖁᐊᕋᖅ, ᐊᑕᐅᑦᑎᒧᑦ ᑭᒡᒐᖅᑐᐃᓂᕐᒧᑦ ᐱᔨᑦᑎᕋᖅᑏᑦ ᐊᐅᓚᑦᑎᔨᖓ. ᓇᓗᓇᐃᖅᓯᔪᒪᒋᕗᖓᑦᑕᐅᖅ ᐱᓕᕆᔨᓪᓚᕆᖕᓂᒃ ᑎᓴᒪᓂᑦ ᐱᓪᓗᐊᑕᕐᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᔨᑦᑎᕋᕐᕕᖕᓄᑦ ᐱᓕᕆᕝᕕᒋᔭᐅᔪᓄᑦ ᑎᑎᕋᕐᕕᑦᑕ ᐱᓕᕆᕝᕕᒋᒐᔪᒃᐸᒃᑕᖏᑦ ᖃᖓᙳᕌᖓᑦ: ᐃᓕᓐᓂᐊᕐᓂᓕᕆᔨᒃᑯᑦ, ᐃᓄᓕᕆᔨᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐊᒻᒪ ᒪᓕᒐᓕᕆᔨᒃᑯᑦ. ᐅᐱᒍᓱᒃᐳᖓ ᑲᑎᒪᔨᕋᓛᑦ ᐃᓕᖕᓂᒃ ᐅᐸᒍᑎᓯᒪᖁᔨᓚᐅᕐᒪᑕ ᐅᓪᓗᒥᓗ ᑲᑎᒪᖃᑕᐅᖁᔨᓚᐅᕐᒪᑦ. ᑐᙵᓱᒋᑦ.
11/16/2020
ᓄᕕᐱᕆ 16, 2020
ᐊᐃᖓᐃ ᓄᓇᕗᒻᒥᐅᑦ:
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᑦ ᑎᑎᕋᕐᕕᖓ ᐱᓕᕆᖃᑦᑕᖅᐳᑦ ᓄᓇᕗᑦ ᒐᕙᒪᒃᑯᑦ ᐱᔨᑦᑎᕋᐅᑎᖏᑦ ᐋᖅᑭᐅᒪᑦᑎᐊᖁᓪᓗᒋᑦ, ᐊᔾᔨᒌᒃᑎᑦᑎᓗᑎᒃ, ᒪᓕᑦᑎᐊᕐᓗᑎᒡᓗ ᒪᒃᑯᑦᑐᑦ ᓄᓇᕗᒻᒥᐅᑦ ᐱᔭᕆᐊᓕᖏᓐᓂᒃ ᒪᓕᒃᑐᓂᒃ ᐊᒻᒪ ᐃᑲᔪᖅᑐᐃᓗᑎᒃ ᒪᒃᑯᒃᑐᑦ ᐱᔪᓐᓇᐅᑎᖏᓐᓂᒃ, ᖃᑕᙳᑎᖏᑕᓗ, ᑕᑎᒋᔭᖏᓐᓄᑦ. ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᑦ ᑎᑎᕋᕐᕕᖓ ᑭᒃᑯᑐᐃᓐᓇᓄᑦ ᑕᑎᒋᔭᐅᔪᓐᓇᖅᐳᑦ, ᐅᖃᐅᓯᖃᕈᒪᕗᖓ ᓇᓗᓇᐃᖅᑕᐅᓯᒪᔪᒥᒃ ᐱᔾᔪᑎᖓᓂᒃ ᓄᓇᕗᒻᒥ ᐊᔪᐃᓐᓇᕆᐊᕐᕕᖕᒥ ᐃᖅᑲᖅᑐᐃᕕᒃᑯᑦ ᐃᓱᒪᓕᐅᕈᑕᐅᔪᖅ ᖃᓄᐃᓕᔭᐅᓂᖓ ᐊᓈᓇᒋᔭᐅᔪᖅ ᐸᓯᔭᒃᓴᐅᓂᕋᖅᑕᐅᓪᓗᓂ ᕿᑐᕐᙵᒥᓂᒃ ᑕᓪᓕᒪᓂᒃ ᐅᑭᐅᓕᖕᒥᒃ "ᐋᓐᓂᖅᓯᕆᕐᔪᐊᕐᓂᖓᓄᑦ".
09/22/2020
ᐱᕙᓪᓕᐊᔪᑦ ᓴᖅᑭᑕᑦ
ᓯᑎᐱᕆ 22, 2020
ᐃᖃᓗᐃᑦ, ᓄᓇᕗᑦ – ᐃᓚᒋᔭᐅᓪᓗᓂ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ (ᑭᒡᒐᖅᑐᐃᔨ) 2019-2020 ᐊᕐᕌᒍᓕᒫᖅᓯᐅᑎᒧᑦ ᐅᓂᒃᑳᒥᑦ, ᐱᓇᔪᒃᓯᒪᓚᐅᕐᑐᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᐊ ᕿᒥᕐᕈᑎᑦᑎᓪᓗᓂ ᖃᓄᐃᒻᒪᖔᑦ ᒪᒃᑯᒃᓗᓂ ᓄᓇᕗᒻᒥᐅᑕᐅᓗᓂ, ᐱᓪᓗᒍ ᓄᓇᕗᑦ ᒐᕙᒪᒃᑯᖏᑦᑕ ᐱᔨᑦᑎᕋᐅᑎᖏᑦ.
ᖃᓄᐃᓕᐅᕈᒫᕐᓂᐊᕐᓂᖅ ᖃᓄᐃᓕᖓᓂᖏᓐᓂᑦ ᒪᒃᑯᑦᑐᑦ ᓄᓇᕗᒻᒥᐅᑦ ᕿᒥᕐᕈᔭᐅᓂᖓ "ᐊᑐᐃᓐᓇᐅᑎᑦᓯᓂᕐᒧᑦ ᐊᑐᖅᑕᐅᓂᐊᖅᑐᑦ ᑐᓴᐅᒪᔾᔪᑎᑦᓴᓂᑦ ᐊᑐᖅᑕᐅᒍᓐᓇᖅᑐᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ ᐃᓱᒪᓕᐅᖅᑎᓄᑦ ᑐᓴᖅᑎᑦᓯᓂᕐᒧᑦ ᐃᓱᒪᓕᐅᕈᑎᖏᓐᓂᑦ ᐃᑲᔪᕐᓂᕐᒥᓪᓗ ᐊᑐᐃᓐᓇᐅᑎᑦᓯᓂᕐᒥᑦ ᑐᑭᓯᓇᑦᓯᐊᖅᑐᓂᑦ, ᐱᓕᕆᖃᑎᒌᓪᓗᓂ ᑐᑭᒧᐊᑦᑎᑦᓯᓂᕐᒥᑦ ᖃᓄᖅ ᓯᕗᒧᐊᑦᓯᐊᕐᓂᕐᒧᑦ", ᐅᖃᕐᑐᖅ ᑭᒡᒐᖅᑐᐃᔨ, ᔭᐃᓐ ᐸᐃᑦᔅ.
07/07/2020
ᐱᕙᓪᓕᐊᔪᑦ ᓴᖅᑭᑕᑦ
ᓴᖅᑭᑕᐅᑲᐅᑎᒋᒋᐊᓕᒃ
ᔪᓚᐃ 7, 2020
ᐃᖃᓗᐃᑦ, ᓄᓇᕗᑦ − ᑭᐅᔾᔪᑕᐅᔪᑦ ᐱᔭᐅᔪᑦ ᒐᕙᒪᒃᑯᓐᓂᑦ ᓄᓇᕗᒻᒥ ᓄᓇᕗᒻᒥᓪᓗ ᓯᓚᑦᑐᖅᓴᕐᕕᒻᒥ (ᐱᓕᕆᕝᕕᒋᔭᐅᔪᓂᑦ) ᓇᓗᓇᐃᔭᐃᔪᓂᑦ ᑐᑦᓯᕋᐅᑎᖏᓐᓂᑦ ᖃᓄᐃᓕᐅᖁᔨᓂᕐᒥᑦ ᐊᑦᑐᐃᓂᕐᒧᑦ ᒪᒃᑯᑦᑐᓂᑦ-ᑐᓴᐅᒪᑎᑦᓯᓂᕐᒧᑦ ᐊᑐᓕᖁᔭᐅᔪᓂᑦ ᐃᓱᒪᕗᑦ ᓱᖁᑕᐅᔪᑦ: ᒪᒃᑯᑦᑐᓂᑦ-ᑐᓴᐅᒪᑎᑦᓯᓂᕐᒧᑦ ᕿᒥᕐᕈᓂᕐᒧᑦ ᐃᓱᒪᓕᕆᓂᕐᒧᑦ ᐱᔨᑦᓯᕋᕐᓂᕐᒧᑦ ᒪᒃᑯᑦᑐᓂ ᓄᓇᕗᒻᒥᐅᓂᑦ (ᐃᓱᒪᕗᑦ ᓱᖁᑕᐅᔪᑦ), ᐱᔾᔪᑎᒋᑦᓱᒍ ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐊᓪᓚᕝᕕᖓ ᐊᑦᑐᐊᓂᖃᖅᑐᓂᑦ ᕿᒥᕐᕈᓂᕐᓄᑦ ᐃᓱᒪᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ ᒪᒃᑯᑦᑐᓂᑦ, “ᓈᒻᒪᖏᑦᑐᓪᓚᕆᐅᒋᐊᓂᑦ”.
ᐅᓂᒃᑳᓕᐊᕆᔭᐅᔪᖅ ᓴᖅᑭᑕᐅᑎᓪᓗᒋᑦ ᒪᐃ 2019-ᒥ, ᐱᓕᕆᕝᕖᑦ ᐅᖃᐅᔾᔭᐅᓚᐅᖅᐳᑦ ᑭᐅᔭᕆᐊᖃᕐᓂᖏᓐᓂᒃ, ᖃᓄᐃᓕᐅᕆᐊᖃᖅᑕᖏᓐᓂᒡᓗ ᑐᓴᖅᑎᑕᐅᓪᓗᑎᒃ ᐊᑐᓕᖁᔭᐅᔪᑦ ᐊᑐᓕᖅᑎᑕᐅᔪᓐᓇᕈᑦᓴᖏᓐᓂᒃ, ᓯᑦᑎᒻᕙ 30, 2019.
10/09/2019
ᐱᕙᓪᓕᐊᔪᑦ ᓴᖅᑭᑕᑦ
ᓴᖅᑭᑕᐅᑲᐅᑎᒋᔭᕆᐊᓕᒃ
05/21/2019
ᐱᕙᓪᓕᐊᔪᑦ ᓴᖅᑭᑕᑦ
ᒪᐃ 22, 2019
ᐃᖃᓗᐃᑦ, ᓄᓇᕗᑦ - ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐊᓪᓚᕝᕕᖓ (RCYO) ᐱᔭᕇᖅᓯᔪᑦ ᐅᓂᒃᑳᖓᓐᓂᑦ ᐃᓱᒪᓕᕆᓂᕐᒧᑦ ᐱᔨᑦᓯᕋᕐᓂᕐᒧᑦ ᒪᒃᑯᑦᑐᓄᑦ ᓄᓇᕗᒻᒥᐅᓄᑦ. ᐅᓪᓗᒥ, ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐊᓪᓚᕝᕕᖓ ᓴᖅᑭᑎᑦᓯᓂᐊᖅᑐᖅ ᐅᓂᒃᑳᖓᓐᓂᑦ, ᐃᓱᒪᕗᑦ ᐊᑑᑎᖃᓪᓚᕆᖅᑐᖅ: ᒪᒃᑯᑦᑐᓂᑦ- ᑐᓴᐅᒪᑎᑦᓯᓂᕐᒧᑦ ᕿᒥᕐᕈᓂᖅ ᐃᓱᒪᓕᕆᓂᕐᒧᑦ ᐱᔨᑦᓯᕋᕐᓂᕐᒧᑦ ᒪᒃᑯᑦᑐᓄᑦ ᓄᓇᕗᒻᒥᐅᓄᑦ.
ᐅᓂᒃᑳᒥᑦ, ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐊᓪᓚᕝᕕᖓ ᑐᓂᓯᔪᑦ 15-ᓂ ᐊᑐᓕᖁᔭᐅᔾᔪᑎᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ. ᑖᓐᓇ ᐅᓂᒃᑳᖅ ᓇᓗᓇᐃᖅᓯᒻᒥᔪᖅ ᐊᓪᓚᕝᕕᐅᑉ ᖃᐅᔨᓴᕐᓂᕐᒧᑦ ᐱᓕᕆᔾᔪᓯᖓᓂᑦ, ᖃᐅᔨᔾᔪᑎᖏᓐᓂᑦ, ᓇᓗᓇᐃᔭᐃᓂᐊᕐᒧᓪᓗ ᓂᐱᖃᕐᓂᖏᓐᓄᑦ ᒪᒃᑯᑦᑐᑦ ᓄᓇᕗᒻᒥᐅᑦ ᐃᓱᒪᒋᔭᖏᓐᓂᓪᓗ ᖃᓄᖅ ᐱᐅᓯᕚᓪᓕᑎᑦᓯᓂᕐᒧᑦ ᐃᓱᒪᓕᕆᓂᕐᒧᑦ ᐊᑐᖅᑕᐅᖃᖅᑕᖅᑐᓂᑦ ᐊᑲᐅᓂᖅᓴᒃᑯᑦ ᐃᑲᔫᑎᒋᔪᓐᓇᖅᑕᖏᓐᓂᑦ.
Pages
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.