Hiamitiqtailiniq


Akhuuqtugut pitqutigiquplugu hiamitiqtailiniq naunaitkutinik inuit tamaita uqaqatigiyaativut. Imaatut, maligatigut piyukhauyugut hiamitiqtittailiniqmik titiraqhimayumi Havaktiuyut Nutaqqanut Inuulrammiinullu Maliganganut. Una havaaq akhuraaluk piyavut. Imaatut ittuq hivulliqpaami uqaqatigiguvit havakviptiknut – hivayautikkut, qaritauyakkut titiraruvit qanuqtulluuniit – hiamitipkailimaittugut naunaitkutanik uvaptiknut uqaqtarnik. Kihimi, piqaqtuq mikiumik pidjutiqaqqat piyukhauyugut, maligatigut, uqaqtukhauyugut uqaruptigu. Hapkuninnga:

  • uqarupta kinaliqaak qayangnaqtumik piliqqat
  • uqarupta kinaliqaak qilamiuqtumik ikayuqtauyukhaq

Ilaani hapkuat, piqaqtugut ilihimayauyuq “havaaq uqaqtauyukhaq.” Imaatut ittuq uqaqtukhauyugut una naunaitkutaq kinamut ikayuqtaaqtumut. Atauhiq pidjutiqaqtuq aadlanut uqaqtakhavut tuhaqtaptiknik. Imaa nutaraq ataani 12nik ukiuqaqtuq uqaqqat havakviptiknut ikayuqtauyumapluni. Ilaani, uqaqatigiumaniaqtugut nutarap angayuqqanganut munaqtinganulluuniit. Kihimi, taimaatut pilimaittugut ihumagigupta nutarap nakuutqiamut piyakhaukpat.