Colby O'Donnell, inulramiinun uqaqtiuyuq ayuittiagiikhimayuq talvuuna Ilaulukaaktunik Nuttaqqanun Inulramiingitlu Havakviani (RCYO), tikitpaktuq Ikpiaryumun Qiqaiyaqvia 2017mi, talvuuna pidjutiqaqpakhimayut katimaqatigiyaangat amigaitunik inuuhiriktunik inungnik, ilauhimayutlu ilangit munarhiuyunik taima hivunigaalukmik aulavakhimayut nunalaani ilauvakhimayut taima avatqukhugu qullinik ukiunganik. Havakpaktainik ilihimayainiklu talvani nunalaani malikhautikharnik atuqpaktainik Colbim ilaulukaagiyainik nuttaqqanik inulramiingitlu talvuuna pulaaqtiluni. Colby aituivakhimayut talvunga Inuujaq Iliharvianun ilihaqtunun talvuuna nuttaqqanun inulramiingit pidjutikhangit quyataqpaktuqlu ihuaqtunik ikayuutikharnik aituqtauvakhimayuq talvanga Robyn Qaunaq, iningniit iliharviat ilihaqtunik taima tunihimaanginaqtuq numiktirutikharnik inuktitut. Colbim nunalaanun pulaaqpaktainik talvunga Ikpiaruyukmun iniqtigivakhimayhuq katimaqatigiplugit Ilauyut talvanga Maligaliuryuarvingmi Nunavunmi; Isaac Shooyook ilaqatigivakhimaya tautuktuuyaagumayainik talvuuna hivunikharnik Nunavunmi nigiurutigiyaingitlu inulramiingit Nunavunmiutauyuni.
Talvani Qausuittuqmi, Colby quviahukpaktuq ilauyaangat talvani Qarmartalik Ilihaqvium tupautautuutikharnik unalu pidjutikharnik upautiyaangat havakhimaanginaqtunik havaktiit havagiaqtangnagiqpakhimayut ublaanuami nikhiugianganik nuttaqqat inulramiingitlu talvanga nunalaami. Colby aituivaktuq ilihaqtunik talvuuna RCYOnik umingalu akhuurutigiyaugiyait nuttaqqat inulramiingitlu pidjutikhangit talvuuna quviahuutigivakhimayait piksaliukhimayain havakhimayaingit tautuktitvakhimayut talvani iliharvingmi. Talvuuna pulaaqataqpakhimayainik nunalaanun, Colby katimaqatigivakhimayait amigaitun kavamatkuni ikayukhimaanginaqtunik nunalaanilu ilauyunik tuhaayaangat ihumagiyaingit ayungnautiqaqpaktaingit nuttaqqat inulramiingitlu talvani Qausuittuqmi.
Colby quviahukhimayuq taima ilauqatigivakamigit katimaqatiplugitlu nunalaani nunaqaqtunik talvani Ikpiaryukmi Qausuittuqmilu nigiukhimayuqlu aulahimaagianganik havaqatigiyaanganik tamaita hivutunikharniklu nuttaqqanun inulramiinunlu pidjutikhangit Nunavunmi.
Hivayaqluta Qaritauyakkut Titiraqluta
867-975-5090 Iqalungmi
1-855-449-8118 humilliqaak Kaanatamit
Pulaarluta
Tun’ngahuktitpagavut inuit pulaaqtut havakviptiknut. Hivayalraaqluta pulaaqtinnatit titirariaptikni takuvikharnik.
Pingahuani Natiqaqtuq, Qamutiik Igluqpangani
PO Box 488 Iqaluit, NU X0A 0H0
Qilamiuqtuqaqqat Uqaqatigiyakhavut
Ihumagiguvit nutaramikluuniit ilihimayat qilamiuqtuqtumik ikayuqtauyukhamik, hivayaqlugit hapkuat nampangit qilamiuqlutit.