Colby, nutaqqanun inulrammiinnunlu akhuurhaiyigiyaqqut, qangannuaq utiqtuq miitiqatigihimanirnin inulrammiinnin hulinikkullu havaktinin Taloyoami, Kugluktumi Iqaluktuuttiamilu. Hamma uqautait aquinirmini:
“Kitikmeonmi aullaarnira quvianaqpiaqtuq uumatimnun. Aquijutitka aullaqtiqtut Taloyoami. Tunngahuktitauvaktunga havaktinin ilihaqtuninlu iliharvikmi tahamani tuniyauvaktungalu hivulliqpaaqpiamik Inuktitut atighamnik: ‘Colby Umilik’ tukilik ‘Colby umilik’ uumannga ilihalihaaqtuni ilihaiyimin. Uqautivaktatka ilihaqtun ilihaiyillu mighaagut nutaqqani pilaarutainni hulivakpaktaptiknilu havakviptikni. Uqaqatigivaktatkalu aallat hulinikkut havaktiit Nunavut Kavamatkunni havakviinni. Quvianaqtuq uqarvigikhaqaqpakkama havakviptigut tahamaniitillunga.
Tuliq aquivigiyara Kugluktuk. Quvianaqtumik miitiqaqtigivaktara nunallaami Angayukhiq Titiraqliqiyia. Tunivaktuq amigaittunik ilitturipkaitjutikhanik mighaagut pinahuarutini havaktauyukhanilu tatja piliqtut Kugluktumi. Upautihimavaktungalu inulrammiit katimaviani muqpaqatigivakhugillu ikpatimi inulrammiit tahamani.
Kingulliqpaaq aquivigiyara Iqaluktuuttiaq, taitai aalla piniqtuq Nunavunmi nunallaaq. Uqaqatigivaktatka ilangit ilihaiyiit iliharvikmik taapkuat hivituyunik akhuurhaivaktut havakviptiknik piliurninganik. Taimaalu, uqaqatigivaktatka amigaittut nutaqqat inulrammiillu. Taimaalu, nakuuyumik miitiqatigivaktara Minista Keith Peterson.”
Hivayaqluta Qaritauyakkut Titiraqluta
867-975-5090 Iqalungmi
1-855-449-8118 humilliqaak Kaanatamit
Pulaarluta
Tun’ngahuktitpagavut inuit pulaaqtut havakviptiknut. Hivayalraaqluta pulaaqtinnatit titirariaptikni takuvikharnik.
Pingahuani Natiqaqtuq, Qamutiik Igluqpangani
PO Box 488 Iqaluit, NU X0A 0H0
Qilamiuqtuqaqqat Uqaqatigiyakhavut
Ihumagiguvit nutaramikluuniit ilihimayat qilamiuqtuqtumik ikayuqtauyukhamik, hivayaqlugit hapkuat nampangit qilamiuqlutit.