2018−ᒥᑦ ᐅᓂᒃᑳᓯ, ᓂᐱᓯ ᓵᓚᒃᓴᕋᓲᑕᐅᔪᑦ


2018−ᒥᑦ ᐅᓂᒃᑳᓯ, ᓂᐱᔅᓯᓐᓄᑦ ᓵᓚᒃᓴᕋᓱᖕᓂᕐᒧᑦ ᒪᓕᒃᑕᐅᔭᕆᐊᓖᑦᐅᔭᕆᐊᓖᑦ
 

ᓄᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖏᑦ ᐊᓕᐊᓇᐃᒍᓱᒃ ᑐᑦ ᑐᓴᖅᑎᑦᑎᔭᕆᐊᒃᓴᖅ ᐅᑭᐅᖑᔪᒥᑦ ᑎᓴᒪᓂᑦ, ᐅᓂᒃᑳᓯ, ᓂᐱᔅᓯᓐᓄᑦ ᓵᓚᒃᓴᕋᓱᖕᓂᖅ! ᓂᕆᐅᒃᐳᒍᑦ ᓂᐱᔅᓯᓐᓂ ᐃᓕᓐᓂᐊᖃᑎᔅᓯᓐᓂᓗ ᐃᓚᐅᖃᑕᐅᖁᔨᓪᓗᑕ ᐅᑭᐅᖑᔪᒥᑦ ᐃᓕᓐᓂᐊᒃᑲᓐᓂᕐᓗᓯᓗ ᓄᑕᕋᐃᑦ ᐱᔪᓐᓇᖅᑕᖏᓐᓂᑦ.

ᐱᒋᐊᓚᐅᖅᓯᒪᔪᖅ ᓵᓚᒃᓴᕋᓱᖕᓂᖅ ᒪᒃᑯᒃᑐᓄᑦ 2015−ᖑᑎᓪᓗᒍ − ᐅᔾᔨᖅᓴᑦᑎᐊᒃᑲᓐᓂᖁᔨᓪᓗᑕ ᑲᓇᑕᒥ ᓄᑕᖅᑲᐃᑦ ᐅᓪᓗᖓᓂᑦ, ᓄᑕᖃᐃᑦ ᐱᔪᓐᓇᐅᑎᖏᑦ, ᐊᒻᒪᓗ ᑎᑎᕋᕐᕕᑦᑎᓐᓂᑦ. ᑲᓇᑕᓕᒫᒥᑦ ᓄᑕᖃᓄᑦ ᐅᓪᓗᖓ ᖁᕕᐊᓲᑎᒋᔭᐅᕙᒃᑐᖅ ᓄᓇᕐᔪᐊᓕᒫᒥᑦ ᐊᕐᕌᒍᑕᒫᖅ ᓄᕕᐱᕆ 20−ᒃᑯᑦ ᓇᓗᓇᐃᖅᑕᐅᓯᒪᔪᖅ ᐊᑎᓕᐅᖅᑕᐅᓪᓗᓂ ᓄᓇᕐᔪᐊᒥᐅᑦ ᑲᑐᔾᔨᖃᑎᒌᖏᓐᓂᑦ ᐱᔪᓐᓇᕐᓂᕆᔭᖏᓐᓂᑦ ᐱᔪᓐᓇᐅᑎᒋᔭᐅᔪᑦ ᓄᑕᖃᓄᑦ.
 
2018−ᒥᑦ, ᐊᐱᕆᒃᑲᓐᓂᓕᕐᒥᔪᒍᑦ ᐃᓕᓐᓂᐊᕐᕕᐊᕈᓯᐅᔪᓂ ᓴᓇᙳᐊᖅᑕᐅᓯᒪᔪᓂᒃ ᑐᓂᔭᐅᔪᒪᔪᒍᑦ ᐃᓕᓐᓂᐊᖅᑎᓕᒫᑦ ᐃᓕᓐᓂᐊᕐᕕᐊᕈᓯᖏᓐᓂᑦ ᓴᓇᙳᐊᕐᓗᑎᒃ ᓴᕿᔮᖅᑎᑦᑎᓗᑎᒡᓗ ᑕᑯᔭᒃᓴᒥᑦ ᐃᒃᐱᒋᔭᐅᔪᓂ ᐅᑭᐅᖑᔪᒧᑦ ᐱᔾᔪᑕᐅᔪᒧᑦ!

 

ᓵᓚᒃᓴᕋᓱᖕᓂᕐᒧᑦ ᐱᔾᔪᑕᐅᔪᖅ 2018−ᒧᑦ

ᐅᑭᐅᖑᔪᖅ ᐱᔾᔪᑕᐅᓂᐊᖅᑐᖅ ᓄᑕᖃᓄᑦ ᐱᔪᓐᓇᕐᓂᖏᑦ ᐃᓕᓐᓂᐊᕐᓂᓕᕆᓂᕐᒥᑦ, ᓇᓂᔭᐅᔪᓐᓇᖅᑐᖅ ᑎᑎᕋᖅᑕᐅᓯᒪᓂᓕᖕᒥᑦ 28 ᐊᒻᒪᓗ 29−ᒥᑦ ᐊᖏᖃᑎᒌᒍᑎᒥᑦ ᐱᔪᓐᓇᐅᑎᖃᕐᓂᕐᒧᑦ ᓄᑕᖃᓄᑦ.
 
ᑎᑎᕋᖅᑕᐅᓯᒪᓂᓕᒃ 28−ᒥᑦ ᐅᖃᖅᓯᒪᔪᖅ ᓄᑕᕋᓕᒫᑦ ᐱᔪᓐᓇᐅᑎᖃᖅᐳᑦ ᐱᐅᔪᒥᑦ ᐃᓕᓐᓂᐊᖅᑎᑕᐅᔪᓐᓇᕐᓂᕐᒥᑦ. ᐃᑲᔪᖅᓱᖅᑕᐅᔭᕆᐊᓖᑦ ᐃᓕᓐᓂᐊᕆᐊᖃᑦᑕᖁᔭᐅᓗᑎᒃ ᖁᕝᕙᓯᓕᖕᒧᑦ ᐊᔪᙱᑕᒥᖕᓄᑦ.
 
ᑎᑎᕋᖅᑕᐅᓯᒪᓂᓕᒃ 29−ᒥᑦ ᐅᖃᖅᓯᒪᔪᖅ ᓄᑕᕋᐃᑦ ᐃᓕᓐᓂᐊᕐᓂᓕᕆᓂᖓ ᐃᑲᔪᕐᓂᖃᕆᐊᓕᒃ ᐊᒻᒪᓗ ᐱᕙᓪᓕᐊᑎᑦᑎᔭᕆᓕᒃ ᐊᔪᙱᑕᒥᖕᓄᑦ, ᐊᒻᒪᓗ ᐱᔪᓐᓇᖅᑕᒥᖕᓄᓪᓗ. ᐃᑲᔪᑎᖃᕆᐊᖃᕐᒥᔪᖅ ᐃᓕᓐᓂᐊᕐᓗᑎᒃ ᐃᓅᓯᖃᕈᓐᓇᕐᓂᕐᒥᑦ ᓴᐃᓕᔪᒥᒃ, ᓴᐳᔾᔨᔪᓐᓇᕐᓗᑎᒃ ᐊᕙᑎᒥᖕᓂᒃ, ᐊᒻᒪᓗ ᐃᓅᖃᑎᒥᖕᓂᓗ ᐃᒃᐱᒍᓱᑦᑎᐊᕈᓐᓇᕐᓗᑎᒃ.
 
ᑐᑭᓯᒋᐊᒃᑲᓐᓂᕈᒪᒍᕕᑦ ᑖᔅᓱᒥᖓ ᐱᔪᓐᓇᐅᑎᒥᒃ, ᑕᑯᒋᐊᕈᓐᓇᖅᐳᑎᑦ ᑐᓴᐅᒪᔾᔪᑎᒃᓴᒥᑦ ᐊᒻᒪᓗ ᐃᑲᔪᑎᒃᓴᒥᑦ ᑎᑎᕋᖅᑕᐅᓯᒪᔪᖅ ᐊᑐᐃᓐᓇᐅᑎᑕᐅᔪᖅ.

 

ᓵᓚᒃᓴᕋᓱᖕᓂᕐᒧᑦ ᒪᓕᒃᑕᐅᔭᕆᐊᓖᑦ                                                                                                                                                       

1.   2018−ᒥᑦ ᐅᓂᒃᑲᐅᓯᓕᕆᑎᑦᑕᕗᑦ, ᓂᐱᔅᓯᓐᓄᑦ ᓵᓚᒃᓴᕋᓱᖕᓂᐅᓂᐊᖅᑐᖅ ᒪᒃᐱᖅᑕᐅᓂᐊᖅᑐᖅ ᐅᑐᐱᕆ 10, 2018−ᒥᑦ ᐊᒻᒪᓗ ᒪᑐᔭᐅᓗᓂ 5−ᒥᑦ ᐅᓐᓄᒃᓴᒃᑯᑦ ᕿᑎᕐᒥᐅᑦ ᖃᐅᔨᓴᐅᑎᑎᒍᑦ ᓄᕕᐱᕆ 9, 2018−ᒥᑦ.

2.    ᓵᓚᒃᓴᕋᓱᖕᓂᖅ ᒪᒃᐲᖓᔪᖅ ᐃᓕᓐᓂᐊᕐᕕᐊᕈᓯᓕᒫᓄᑦ ᓄᓇᕗᒻᒥᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᕕᖕᓄᑦ ᐃᓕᓐᓂᐊᕆᐅᖅᓴᔪᓄᑦ ᖁᕝᕙᓯᓕᖕᓄᑦ 12−ᒧᑦ..

3.    ᐃᓕᔭᐅᖃᑕᐅᔪᑦ ᓴᓇᙳᐊᖅᓯᒪᔭᕆᐊᓖᑦ ᓴᕿᔮᖅᑎᑦᑎᓗᓂ ᐱᔪᓐᓇᐅᑎᐅᔪᑦ ᐃᓕᓐᓂᐊᕐᓂᓕᕆᓂᕐᒧᑦ.

4.    ᐃᓕᔭᐅᔪᑦ ᖃᐅᔨᓴᖅᑕᐅᓂᐊᖅᑐᑦ ᓄᑕᖃᓂᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩ ᐃᖃᓇᐃᔭᖅᑎᖏᓐᓂᑦ ᓴᓇᙳᐊᕐᓂᕐᒥᑦ, ᓇᑭᖔᓪᓚᑦᑖᕐᓂᖓ, ᐊᒻᒪᓗ ᖃᓄᖅ ᓄᑕᖃᐃᑦ ᐱᔪᓐᓇᐅᑎᖏᑦ ᐃᓕᓐᓂᐊᕐᓂᓕᕆᓂᕐᒧᑦ ᓴᖀᔮᖅᑎᑕᐅᖕᒪᖔᑕ.

5.    ᑭᒡᓕᖃᖅᑐᖅ ᐊᑕᐅᓯᕐᒥᑦ ᐃᓕᓯᓂᕐᒥᑦ ᐃᓕᓐᓂᐊᕐᕕᐊᕈᓯᕐᒥᖔᖅᑐᓂ.

6.     ᑎᑎᕋᕐᕕᓕᕆᓂᕐᒧᑦ, ᐃᓕᓐᓂᐊᕐᕕᐊᕈᓯᕐᓄᑦ ᐃᓕᓴᐃᔩᑦ ᑐᓂᓯᔭᕆᐊᓖᑦ ᓴᓇᙳᐊᖅᑕᐅᔪᓂ ᐃᓕᓐᓂᐊᕐᕕᐊᕈᓯᕐᒥᖔᖅᑐᓂ.

7.    ᐃᓕᔭᐅᔪᑦ ᐃᕐᖐᓐᓇᖅᑐᐊᒃᑯᑦ ᓇᒃᓯᐅᑎᔭᐅᓗᑎᒃ contact@rcynu.ca ᐊᒻᒪᓗ ᐃᓚᖃᓯᐅᑎᔭᕆᐊᓖᑦ ᐅᑯᓂᖓ:

  • ᓄᓇᓕᐅ ᐊᑎᖓ
  • ᐃᓕᓐᓂᐊᕐᕕᐅ ᐊᑎᖓ
  • ᐃᓕᓐᓂᐊᕐᕕᐅ ᖁᕙᓯᓕᖕᓂᖓ
  • ᐃᓕᓴᐃᔨᐅ ᐊᑎᖓ, ᐅᖃᓘᑎᖓ ᓈᓴᐅᑖ, ᐊᒻᒪᓗ ᐃᕐᖐᓐᓇᖅᑕᐅᑏᑦ
  • ᐃᓚᐅᖃᑕᐅᔫᑉ ᐃᓕᓐᓂᐊᖅᑎᐅ ᐊᑎᖓ, ᐊᒻᒪᓗ
  • ᓴᓇᙳᐊᖅᑕᐅᔪᖅ ᐊᔾᔨᖑᐊᖃᕆᐊᓕᑦ ᑕᑯᒃᓴᐅᑦᑎᐊᖅᑐᒥᑦ (JPG-ᑯᓪᓘᓐᓃᑦ ᐅᕝᕙᓗᓐᓃᑦ PNG files−ᑯᓪᓘᓐᓃᑦ)

8.    ᐃᓕᔭᐅᔪᑦ ᑐᓂᔭᐅᓯᒪᔭᕆᐊᓖᑦᓄᑕᖃᓂ ᒪᒃᑯᒃᑐᓂᓗ ᑭᒡᒐᖅᑐᐃᔨᓂᑦ ᐅᕙᓂ contact@rcynu.ca 5−ᒥᑦ ᐅᓐᓄᒃᓴᒃᑯᑦ ᕿᑎᕐᒥᐅᑦ ᖃᐅᔨᓴᐅᑎᑎᒍᑦ ᐅᓪᓗᑐᐃᓐᓇᕐᒥᑦ, ᓄᕕᐱᕆ, 9, 2018−ᒥᑦ.

9.    ᐃᓕᓴᐃᔨᐅᔪᑦ ᓴᓛᒃᓴᖃᑕᐅᔪᑦ ᓴᓇᖑᐊᖅᑕᐅᔪᓂ ᐊᑎᓕᐅᖁᔭᐅᓂᐊᖅᑐᑦ ᐊᖏᕈᑎᒥᒃ ᓇᒃᓯᐅᑎᔪᓐᓇᐅᑎᒥᒃ ᐃᔾᔪᐊᖅᑕᐅᔭᕆᐊᖃᖏᑦᑐᒥᑦ ᑎᑎᕋᕝᕕᒃᑎᓐᓂᒃ. ᐊᔾᔨᖑᐊᑦ ᓵᓚᒃᓴᖅᑐᓃᑦᑐᑦ ᓴᕿᔮᖅᑎᑕᐅᒐᔭᖅᑐᖅ ᐃᑭᐊᕿᕕᑦᑎᓐᓂ ᐊᒻᒪᓗ ᐊᕐᕌᒍᑕᒫᕐᒧᑦ ᐅᓂᒃᑳᓕᐊᓂᒃ.

 

ᓵᓚᒃᓴᕐᓂᖅ ᐊᒻᒪᓗ ᓵᓚᐅᒃᓴᐅᓯᐊᑦ

ᓵᓚᒃᓴᖅᑐᑦ ᖃᐅᔨᑎᑕᐅᓂᐊᖅᑐᑦ ᓄᑕᖃᓂ ᒪᒃᑯᒃᑐᓂᓗ ᑭᒡᒐᖅᑐᐃᔨᓂ ᓄᕕᐱᕆ 20, 2018−ᒥᑦ ᑲᓇᑕᓕᒫᒥᑦ ᓄᑕᖃᐃᑦ ᐅᓪᓗᖓᓂ. ᐊᑕᐅᓯᕐᒥᑦ ᓴᓚᒃᓴᐅᓯᐊᕋᔭᖅᑐᑦ ᐊᕕᒃᑐᖅᓯᒪᔪᑦ. ᐃᓕᓐᓂᐊᕐᕕᐊᕈᓯᐅᔪᑦ ᓵᓚᒃᓴᖅᑐᑦ ᓵᓚᒃᓴᐅᓯᐊᕐᒥᑦ ᑐᓂᔭᐅᓂᐊᖅᑐᑦ $500−ᒥᑦ ᐊᑭᖃᖅᑐᒥᑦ ᓂᕈᐊᖅᑕᐅᓇᔭᖅᑐᖅ ᐃᓕᓐᓂᐊᕐᕕᐊᕈᓯᐅᔪᓂ ᐊᒻᒪᓗ ᓄᑕᖃᑦ ᒪᒃᑯᒃᑐᓪᓗ ᑭᒡᒐᖅᑐᐃᔨᖏᓐᓂᑦ.

  • ᐃᓕᓐᓂᐊᕆᐅᖅᓴᔪᓄᑦ ᖁᕙᓯᓕᖕᓄᑦ 3−ᒧᑦ
  • ᖁᕝᕙᓯᓕᖕᓄᑦ 4−ᒥᑦ ᖁᕝᕙᓯᓕᖕᓄᑦ 7−ᒧᑦ
  • ᖁᕝᕙᓯᓕᖕᓄᑦ 8−ᒥᑦ ᖁᕝᕙᓯᓕᖕᒧᑦ 12−ᒧᑦ


ᐊᐱᖅᑯᑎᒃᓴᑦ

Iᐊᐱᖁᑎᒃᓴᖃᕈᕕᑦ ᓵᓚᒃᓴᕋᓱᖕᓂᕐᒧᑦ ᐅᕝᕙᓘᓐᓃᑦ ᓄᑕᖃᐃᑦ ᐱᔪᓐᓇᖅᑕᖏᓐᓂᒃ, ᖃᐅᔨᒋᐊᕈᓐᓇᖅᐳᑎᑦ ᑎᑎᕋᕐᕝᕕᑦᑎᓐᓄ ᐅᖃᓘᑎᒃᑯᑦ 1-855-449-8118 (ᐊᑭᖃᖏᑦᑐᒃᑯᑦ) ᐅᕝᕙᓘᓐᓃᑦ 867-975-5090 (ᐃᖃᓗᖕᓂ) ᐅᕝᕙᓘᓐᓃᑦ ᐃᑭᐊᕿᕕᒃᑯᑦ ᐅᕙᓂcontact@rcynu.ca.