ᓄᑕᖅᑲᑦ ᐅᖃᐅᓯᙱᑦ


ᓄᑕᖅᑲᐅᑉ ᓂᐱᖓ ᐃᓅᓱᒃᑑᑉ ᐃᓱᒪᒋᔭᐅ ᒪᒃᑯᑦᑐᓕᒫᑦ ᐱᔪᓐᓇᐅᑎᖃᖅᑐᑦ ᐃᓱᒪᒋᔭᒥᓂᒃ ᐅᖃᐅᓯᖃᕐᓂᕐᒥᑦ. ᐃᓐᓇᐃᑦ, ᐱᓗᐊᖅᑐᖅ ᒐᕙᒪᒃᑯᓐᓂᑦ ᐃᓱᒪᓕᐅᖅᑏᑦ, ᓈᓚᒋᐊᖃᖅᑐᑦ ᐃᓱᒪᒋᔭᖃᕐᓂᕐᒥᓪᓗ ᒪᒃᑯᑦᑑᑉ ᐃᓱᒪᒋᔭᖏᓐᓂᑦ ᐃᓱᒪᓕᐅᖅᑎᓪᓗᒋᑦ ᑭᒡᒐᖅᑐᐃᑦᓱᑎᒃ.

ᐃᓚᓕᐅᔾᔨᓂᕐᒥᑦ ᓂᐱᖏᓐᓂᑦ ᒪᒃᑯᑦᑑᑉ ᐱᓕᕆᐊᑦᑎᓐᓄᑦ ᐃᓚᐅᑎᑦᓯᓂᖏᑦᑑᖏᑦᑐᖅ ᐃᓱᒪᒋᔭᖏᓐᓂᑦ ᐃᓚᒋᔭᐅᓂᖏᓐᓄᓪᓗ ᒪᒃᑯᑦᑑᑉ ᐊᖓᔪᖅᑳᖏᑦ ᑲᒪᔨᒋᔭᖏᓐᓄᓘᓐᓃᑦ, ᐃᓚᒋᔭᐅᑎᑦᓯᓂᐅᕗᖅ ᒪᒃᑯᑦᑐᒥ ᐃᓱᒪᒋᔭᖏᓐᓂᓪᓗ ᐃᓱᒪᓕᐅᕐᕕᐅᓂᖏᓐᓄᑦ. ᑕᒪᓐᓇ ᐃᒪᓐᓇ ᑐᑭᖃᖏᓚᖅ ᒪᒃᑯᑦᑐᖅ ᐃᓱᒪᓕᐅᕆᐊᖃᕆᐊᖓᓂᑦ, ᑭᓯᐊᓂ ᐃᑲᔪᖅᑐᐃᓂᐅᖏᑦᑐᖅ ᐃᓱᒪᓕᐅᕆᔭᐅᔪᒥ ᐃᓱᒪᒋᔭᖃᕐᓂᕐᒧᑦ ᐊᑲᐅᓂᖅᐹᒥ ᒪᒃᑯᑦᑐᒧ (ᓄᑦ) ᐃᓚᒋᔭᐅᔪᓄᑦ. ᐃᓚᐅᑎᓪᓗᒋᑦ ᒪᒃᑯᑦᑐᖅ ᐃᓱᒪᓕᐅᕆᓂᕐᓄᑦ ᑐᕌᒐᐅᒋᕗᖅ ᐃᓕᓐᓂᐊᑎᑦᓯᓂᕐᒥᑦ ᑲᒪᒋᔭᖃᕆᐊᖃᕐᓂᕐᒧᑦ ᐃᓱᒪᓕᐅᕐᓂᕐᒥᑦ, ᐃᓚᒋᔭᐅᑎᓪᓗᒍ ᒪᒃᑯᑦᑐᖅ ᓵᑕᐅᔪᓐᓇᕐᓂᖓᓄᑦ ᖃᓄᐃᓕᐅᕐᓂᖏᓐᓄᑦ ᑲᒪᒋᔭᖃᕆᐊᖃᕐᓂᖏᓐᓄᓪᓗ ᐱᔪᓐᓇᕐᓂᕐᒧᑦ ᑎᒍᒥᐊᖅᑎᓄᑦ.

ᐃᓄᓕᒫᑦ ᐱᔪᓐᓇᐅᑎᖃᖅᑐᑦ. ᐱᔪᓐᓇᑎᖓ ᐃᓅᑉ ᐊᑕᐅᓯᐅᑉ ᐃᓇᖏᖅᓯᓚᖓᖏᑦᑐᖅ ᐱᔪᓐᓇᐅᑎᖓᓂᑦ ᐊᓯᐊᑕ ᐃᓅᑉ. ᓄᑕᖅᑲᑦ ᒪᒃᑯᑦᑐᓪᓗ ᐱᔭᕆᐊᑭᑦᑑᒻᒪᑕ ᑕᑎᖃᕐᓂᖏᓐᓄᓪᓗ ᐃᓐᓇᕐᓂᑦ ᐃᑲᔪᖅᑕᐅᕐᓂᕐᒧᑦ. ᐱᔭᕆᐊᑐᔪᓐᓇᖅᑐᖅ ᐃᓚᖏᓐᓄᑦ ᐃᓐᓇᕐᓄᑦ ᐃᑉᐱᒍᓱᓐᓂᕐᒥᑦ ᐱᔪᓐᓇᐅᑎᖏᓐᓂᑦ ᒪᒃᑯᑦᑐᑦ ᓇᒻᒥᓂᖅ ᐃᑉᐱᓐᓂᐊᑎᓪᓗᒋᑦ ᐃᑉᐱᒋᔭᐅᖃᑦᑕᖅᓯᒪᖏᓐᓂᕐᒧᑦ ᑎᒍᒥᐊᖅᑎᐅᑎᓪᓗᒋᑦ ᐱᔪᓐᓇᐅᑎᓂᑦ. ᐃᓐᓇᐅᑦᓱᑎᒃ, ᐃᑲᔪᕐᓂᕐᒥᑦ ᒪᒃᑯᑦᑐᑎᓐᓂᑦ ᐃᓅᓯᖃᑦᓯᐊᕐᓂᕐᒨᖓᕗᖅ ᑲᒪᒋᔭᕆᐊᖃᖅᑕᑎᓐᓂᑦ.