2022−ᒥᑦ ᓵᓚᒃᓴᕋᓱᖕᓂᖅ: ᓄᑕᖅᑲᑦ ᐱᔪᓐᓇᐅᑎᒃᑲ!


ᖁᔭᓐᓇᒦᖑᔪᓯ ᐃᓚᐅᓚᐅᖅᑐᓕᒫᑦ ᓵᓚᒃᓴᕋᓱᒃᑐᓂᒃ ᓲᖑᓴᒋᐊᖃᙱᓐᓂᕐᒥᒃ ᐅᕝᕙᓘᓐᓃᑦ ᖃᓄᖅ ᐱᖃᓐᓇᕆᔭᑦᑎᐊᕙᐅᔪᓐᓇᕐᒪᖔᑦ.

ᐊᓕᐊᓇᐃᒍᓱᖃᑎᒋᑦᑎᐊᖅᐸᕗᑦ ᓵᓚᒃᓴᖅᑐᑦ!

  

ᒪᒃᑯᒃᑐᓕᒫᑦ ᐱᔪᓐᓇᐅᑎᖃᖅᐳᑦ ᐃᓅᒋᐊᒃᓴᖅ ᓴᐳᔾᔭᐅᓯᒪᓗᑎᑦ ᐋᓐᓂᕐᓂᕐᒧᑦ, ᑎᒥᒃᑯᑦ ᐃᓱᒪᒃᑯᓪᓗ. ᐃᓄᓕᒫᑦ ᑲᒪᒋᔭᒃᓴᖃᖅᑐᐃᓐᓇᐅᕗᑦ ᐊᓯᖕᓂᒃ ᐋᓐᓂᖅᓯᕙᙱᓪᓗᓂ, ᑎᒥᒃᑯᑦ ᐃᓱᒪᒃᑯᓪᓗ.
- ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᑲᑎᒪᕕᒡᔪᐊᕐᓂᖓ ᓄᑕᖅᑲᑦ ᐱᔪᓐᓇᐅᑎᖏᓐᓄᑦ, ᐃᓚᖓ 19

ᖁᕕᐊᓱᒋᑦ ᑲᓇᑕᒥᑦ ᓄᑕᖅᑲᑦ ᐅᓪᓗᖓᓂᑦ!

_______________________________________________________________________________________________________

 

ᓄᕕᐱᕆ 20 ᐊᕐᕌᒍᑕᒫᑦ, ᑲᓇᑕᓕᒫᒥᑦ ᓄᑕᖃᓄᑦ ᐅᓪᓗᖓ ᖁᕕᐊᓲᑎᒋᔭᐅᕙᒃᑐᖅ ᐃᓕᓴᕆᔭᐅᓯᒪᓪᓗᓂ ᑲᓇᑕᐅᑉ ᐊᖏᖃᑎᒌᒃᓯᒪᓂᖓ ᓄᓇᕐᔪᐊᒥ ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᓪᓗᒋᑦ.

ᓄᑕᖅᑲᑦ ᐱᔪᓐᓇᐅᑎᖏᑦ ᐱᒋᔭᐅᕙᒃᐳᑦ ᑕᒪᕐᒥᑦᑎᐊᖅ ᒪᒃᑯᑦᑐᑦ ᐱᓯᒪᓪᓗᐊᖅᓱᓂᔾᔪᒃ, ᓲᕐᓗ ᐃᒪᓐᓇ, ᐊᑐᖅᑕᖃᖃᑦᑕᕈᓐᓇᕐᓂᖅ ᖁᐊᖅᓵᕐᓇᙱᑦᑐᒥᒃ ᐃᒪᕐᒥᒃ ᓂᕿᑦᑎᐊᕙᖕᓂᒡᓗ, ᐱᓕᕆᐊᕆᔪᓐᓇᓪᓗᐊᖅᑕᖏᓐᓄᓪᓘᓐᓃᑦ, ᓲᕐᓗ, ᐃᓕᓐᓂᐊᕆᐊᖅᐸᒡᓗᑎᒃ ᐃᓕᓐᓂᐊᖅᑎᑕᐅᕙᒡᓗᑎᒡᓗ ᓇᖕᒥᓂᖅ ᐅᖃᐅᓯᕐᒥᑎᒍᑦ. ᐊᑐᕈᓐᓇᕐᓂᖅ ᑕᒪᒃᑯᓂᖓ ᐃᑲᔪᖅᐸᒃᐳᖅ ᓄᑕᖅᑲᓂᒃ, ᒪᒃᑯᑦᑐᓂᒃ, ᐃᓚᖏᓐᓂᒡᓗ ᐱᐅᔪᓂᒃ ᓂᕈᐊᕆᔭᖃᕈᓐᓇᖅᐸᑦᓱᑎᒃ ᐃᓅᓯᕐᒥᓄᑦ, ᐃᑲᔪᖅᕈᑕᐅᕙᑦᑐᓂ ᐱᕈᖅᐸᓪᓕᐊᓂᖏᓐᓄᑦ ᐋᖅᑭᒃᓱᐃᕙᓪᓕᐊᕙᑦᓱᑎᓪᓗ ᐱᓕᕆᔪᓐᓇᑦᓯᐊᕐᓂᕐᒧᓪᓗ ᓄᓇᖅᑲᑎᒥᓄᑦ ᐃᒻᒥᓂᒃ, ᐃᓚᒥᓂᒃ ᓄᓇᓕᒻᒥᓂᓪᓗ ᒪᑭᑕᔪᓐᓇᖅᑎᑦᑎᕙᑦᓱᑎᒃ.

ᒪᒃᑯᒃᑐᓕᒫᑦ ᐱᔪᓐᓇᐅᑎᖃᖅᐳᑦ ᐃᓅᒋᐊᒃᓴᖅ ᓴᐳᔾᔭᐅᓯᒪᓗᑎᑦ ᐋᓐᓂᕐᓂᕐᒧᑦ, ᑎᒥᒃᑯᑦ ᐃᓱᒪᒃᑯᓪᓗ. ᐃᓄᓕᒫᑦ ᑲᒪᒋᔭᒃᓴᖃᖅᑐᐃᓐᓇᐅᕗᑦ ᐊᓯᖕᓂᒃ ᐋᓐᓂᖅᓯᕙᙱᓪᓗᓂ, ᑎᒥᒃᑯᑦ ᐃᓱᒪᒃᑯᓪᓗ.
 
ᖁᕕᐊᓲᑎᖃᖅᑎᓪᓗᒋᑦ ᑲᓇᑕᒥ ᓄᑕᖅᑲᑦ ᐅᓪᓗᖓ ᓄᕕᐱᕆ 20−ᒥ, ᓇᓗᓇᐃᒃᑯᑕᓕᐅᕐᓗᑎᑦ ᑕᑯᒃᓴᐅᑎᑦᑎᔪᒥᒃ ᐱᖃᓐᓇᕆᑦᑎᐊᖅᐸᐃᑦ ᐊᒻᒪ/ᐅᕝᕙᓘᓐᓃᑦ ᓲᖑᓴᖕᓂᖅ ᐃᓕᖕᓄᑦ ᖃᓄᖅ ᑐᑭᖃᕐᒪᙶᑦ.
 

ᑎᑎᖅᑐᒐᖅᓯᒪᔭᐃᑦ ᐅᕙᓃᑦᑐᓐᓇᖅᑐᖅ!

ᓵᓚᒃᓴᖅᑐᖅ ᐃᖃᓗᒐᓱᖕᓂᖅ ᐅᕝᕙᓘᓐᓃᑦ ᐊᐅᓪᓛᖅᓯᒪᓂᐊᕐᓗᓂ ᐊᔭᖅᑭᑦᑕᕈᑎ ᐊᑭᖃᖅᑎᒋᔪᖅ $500

__________________________________________________________________________________

ᑲᔪᖏᖅᓴᐃᔾᔪᑎᑖᕆᐊᖃᖅᐲᑦ? ᓄᑕᖅᑲᑦ ᐱᔪᓐᓇᐅᑎᖏᓐᓄᑦ ᐃᑲᔫᑎᒃᓴᑦ ᐅᕙᓂ ᓇᓂᔭᒃᓴᐅᔪᑦ.

__________________________________________________________________________________

ᓵᓚᒃᓴᕋᓱᖕᓂᕐᒧᑦ ᒪᓕᒃᑕᐅᔭᕆᐊᓖᑦ:

  1. ᐋᖅᑭᒃᓯᓗᑎᑦ ᑕᖅᓴᒥᒃ ᑕᑯᑎᑦᑎᔪᒥᒃ ᖃᓄᖅ ᐱᖃᓐᓇᕆᔭᑦᑎᐊᕙᐅᓂᖅ ᐊᒻᒪᓘᓐᓃᑦ ᓲᖑᓴᖕᓂᖅ ᑐᑭᖃᙱᒻᒪᖔᑦ ᐃᓕᖕᓄᑦ. ᐱᔪᓐᓇᐅᑎᓕᒫᑦ ᓄᑕᖅᑲᓄᑦ ᑎᑎᕋᖅᓯᒪᔪᐃᓐᓇᐃᑦ ᓄᓇᕐᔪᐊᒥ ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᓪᓗᒋᑦ.
  2. ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᐱᖓᓱᐃᓕᖅᑲᖓᔪᒥᒃ ᓂᕈᐊᖃᑦᑕᕐᓂᐊᖅᐳᑦ ᓴᓇᑐᓂᖏᑦ ᑕᒻᒪᖅᓯᒪᙱᓪᓗᑎᒡᓗ ᒪᓕᒃᑕᐅᓗᑎᒃ.
  3. ᓵᓚᔅᓴᖅᑐᖅ ᓇᓗᓇᐃᒃᑯᑕᔅᓴᕐᒥᑦ ᑕᖅᓴᖏᑦ ᐊᔾᔨᖓᓐᓂᒃ ᐅᕕᕈᓐᓃᑎᑕᐅᓛᖅᑐᑦ ᓄᓇᕗᓕᒫᒥᑦ ᑖᒃᑯᐊ ᑐᓂᐅᖅᑲᖅᑕᐅᓛᖅᑐᑦ.
  4. ᑖᒃᑯᐊ ᐱᖓᓱᑦ ᓵᓚᔅᓴᖅᑐᑦ ᐊᑐᓂᒃ ᐱᔾᔪᓯᐊᖅᑎᑕᐅᓛᖅᑐᑦ ᐃᖃᓗᒐᓱᑦᑐᖅᓯᐅᑎᓂᑦ ᐅᕝᕙᓘᓐᓃᑦ ᐊᐅᓪᓚᖅᓯᒪᔪᖅᓯᐅᑎᓂᑦ ᐊᑭᓕᓐᓂᑦ $500ᓄᑦ ᑎᑭᖅᑲᔪᓂᑦ ᐊᒻᒪᓗ ᐊᔾᔨᖐᙱᑦᑐᓂᑦ ᑖᒃᑯᐊ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᑭᓱᕈᓘᔭᖏᓐᓂᑦ ᐱᑖᕆᔭᐅᔅᓴᐅᔪᓂᑦ ᑖᒃᑯᐊᓗ ᐅᕕᓂᕈᐃᑦ ᐱᖃᑕᐅᓗᑎᑦ!
  5. ᓵᓚᔅᓴᕋᓱᐊᕐᓂᖅ ᑭᓪᓕᖃᖅᑎᑕᐅᔪᖅ ᓇᓗᓇᐃᒃᑯᑕᓄᑦ ᑕᐅᑦᑐᖓᓐᓂᒃ ᓴᓇᑎᑕᐅᔪᓄᑦ ᓄᕕᐱᕆ 20, 2022, 5ᒥ ᐅᓐᓄᒃᓴᒃᑯᑦ ᕿᑎᕐᒥᐅᑦ ᖃᐅᔨᓴᐅᔭᑎᖓᒍᑦ.
  6. ᐱᖃᑕᐅᓂᐊᖅᑐᑦ ᑐᓂᓯᔭᕆᐊᓖᑦ ᑖᒃᑯᓄᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓᓐᓄᑦ ᐅᕗᖓ contact@rcynu.ca ᐅᕝᕙᓘᓐᓃᑦ ᕙᐃᔅᐳᒃᑯᑦ (Facebook) (@NunavutRepresentativeforChildrenandYouth).
  7. ᓇᓗᓇᐃᒃᑯᑕᐅᑉ ᑕᐅᑦᑐᔅᓴᖓ ᓴᓇᔭᐃᑦ ᐱᖃᓯᐅᑎᓗᒍ, ᐊᒻᒪᓗ ᐊᑏᑦ, ᐅᑭᐅᑎᑦ, ᓄᓇᕕᑦ, ᐅᖄᓚᐅᑎᕕᑦ ᓈᓴᐅᑎᑕᖓ, ᐃᕐᖐᓈᖅᑕᐅᑎᒃᑯᑦ ᑐᕌᕈᑏᑦ, ᐊᒻᒪᓗ ᑎᑎᖅᑲᓂᐊᕐᕕᒃᑯᑦ ᑐᕌᕈᑏᑦ. ᕙᐃᔅᐳᒃᑯᑎᒍᑦ ᑐᓂᓯᓐᓂᕈᕕᑦ, ᑎᑎᕋᕐᕕᒋᓗᒍᑦ ᐅᕘᓇ @NunavutRepresentativeforChildrenandYouth ᑭᓇᐅᓂᓐᓂᑦ ᓇᓗᓇᐃᖅᓯᔾᔪᑎᑎᑦ ᐱᖃᓯᐅᑎᓗᒋᑦ.
  8. ᓵᓚᔅᓴᖅᑐᖅ ᖃᐅᔨᒃᑲᖅᑕᐅᒐᔭᖅᑐᑦ ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᐃᕐᖐᓈᖅᑕᐅᑎᒃᑯᑦ ᑎᑎᕋᕐᕕᐅᓗᑎᑦ ᓄᕕᐱᕆ 22ᒥ. ᓵᓚᔅᓴᖅᑐᑦ ᑭᒃᑯᑐᐃᓇᕐᓄᑦ ᐃᓄᓐᓄᑦ ᑐᓴᖅᑎᑦᑎᔾᔪᑕᐅᒐᔭᖅᑐᑦ ᓄᕕᐱᕆ 28, 2022ᒥ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐃᑭᐊᖅᑭᕕᖓᒍᑦ ᐊᒻᒪᓗ ᕙᐃᔅᓱᐳᒃᑯᑎᑦ, ᓄᓇᕗᒻᒥ ᐱᕙᓪᓕᐊᔪᒃᑯᑦ ᐊᒻᒪᓗ ᑭᕙᓪᓕᖅ ᐱᕙᓪᓕᐊᔪᒃᑯᑦ.

ᐸᓯᔭᒃᓴᐅᔾᔭᐃᒃᑯᑎ:

  • ᑖᓐᓇ ᓵᓚᒃᓴᖅᑎᑦᑎᒐᓱᐊᕐᓂᐅᔪᖅ ᓄᓇᕗᒻᒥᐅᓄᑐᐊᖅ ᒪᑐᐃᖓᑎᑕᐅᔪᖅ ᐅᑭᐅᓕᓐᓄᑦ 19ᓂᑦ ᑐᖔᓂᓪᓗ.
  • ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓ ᓵᑕᔅᓴᐅᔾᔮᖏᑦᑐᑦ ᑕᒻᒪᖅᓯᒪᓂᕐᒧᑦ ᐱᔭᐅᙲᓐᓇᖅᑐᖃᖅᓯᒪᑉᐸᑦ ᑖᒃᑯᐊ ᕙᐃᔅᓱᐳᒃᑯᑦ ᑲᙳᓇᖅᑐᓕᕆᔾᔪᑎᖏᓐᓄᑦ ᑭᓪᓕᖃᖅᑎᑦᑎᓂᕆᕙᑦᑕᖏᓐᓄᑦ.
  • ᓵᓚᔅᓴᖅᑐᖅ ᓇᓗᓇᐃᒃᑯᑕᖓᓐᓄᑦ ᑕᐅᑦᑐᔅᓴᖓᓐᓂᑦ ᓴᓇᔭᐅᓯᒪᔪᖅ ᐊᓯᔾᔨᖅᑕᐅᕌᕐᔪᑐᐃᓐᓇᕆᐊᓕᒃ ᑕᖅᓴᖓ ᐅᕕᓂᕈᓐᓄᑦ ᐊᔾᔨᓕᐅᖅᑕᐅᓕᖅᐸᑦ.
  • ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓ ᐱᔪᓐᓇᐅᑎᒥᓐᓂᒃ ᑎᒍᒥᐊᖅᑐᑦ ᑕᒪᐃᓐᓄᑦ ᓇᓗᓇᐃᒃᑯᑎᓄᑦ ᑕᐅᑦᑐᖏᓐᓂᑦ, ᐊᑎᖏᓐᓂᑦ, ᐅᑭᐅᖏᓐᓂᑦ, ᓄᓇᖃᕐᕕᖏᓐᓂᑦ ᑖᔅᓱᒪ ᐱᖃᑕᐅᔪᓄᑦ ᐊᒻᒪᓗ ᖃᕆᓴᐅᔭᒃᑯᑦ ᐃᑭᐊᖅᑭᕕᖏᑎᒍᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ ᐱᓕᕆᐊᕆᕙᑦᑕᖏᓐᓂᑦ, ᐊᒻᒪᓗ ᐅᑭᐅᖅᑕᖅᑐᒥᑦ ᐱᕙᓪᓕᐊᔪᓕᕆᔨᒃᑯᑦ ᑐᓴᒐᔅᓴᓕᕆᔩᑦ ᓴᖅᑭᑎᑦᑕᖏᓐᓂᑦ ᐱᕙᓪᓕᐊᔪᓂᑦ ᐅᖃᓕᒫᒐᕐᓂᑦ ᐊᒻᒪᓗ ᐃᑭᐊᖅᑭᕕᒃᑯᑎᒍᑦ ᓴᖅᑭᖅᑎᑕᐅᔪᓂᑦ.