ᓄᕕᑉᐱᕆ 24, 2016−ᒥᑦ, ᓄᓇᕗᒻᒥᑦ ᑭᒡᒐᖅᑐᐃᔨᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᒪᓕᒐᓕᐅᕐᕕᖕᒦᖑᐊᖅᑎᓪᓗᒋᑦ ᐱᖃᑕᐅᓚᐅᖅᐳᖅ. ᑲᑎᒪᓂᐅᓚᐅᖅᐳᖅ, ᑭᒡᒐᖅᑐᐃᔨᑦ ᐅᖃᓪᓚᖃᑎᖃᖅᑎᓪᓗᒋᑦ ᒪᒃᑯᒃᑐᑦ ᒥᓂᔅᑕᓄᑦ ᑭᒡᒐᖅᑐᐃᔨᓂᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊᓂ ᐊᒻᒪ ᑭᐅᖃᑦᑕᖅᖢᑎᑦ ᐊᐱᖅᑯᑎᓂᑦ ᐊᔾᔨᒌᖏᑦᑐᓂᒡᓗ ᐊᑲᐅᖏᓕᐅᕈᑎᓂ.
“ᑖᓐᓇ ᑲᑎᒪᓂᐅᓚᐅᖅᑐᖅ ᐊᑑᑦᑎᐊᓚᐅᖅᐳᖅ ᑲᑎᑦᑎᔪᓐᓇᓚᐅᕐᒪᑦ ᒪᒃᑯᒃᑐᓂᑦ ᓇᒥᑐᐃᓐᓇᖅ ᓄᓇᕗᒻᒥᑦ ᐊᒻᒪ ᑎᑎᕋᕐᕕᕗᑦ ᐊᓕᓇᐃᒍᓱᓚᐅᖅᐳᖅ ᐱᖃᑕᐅᔪᓐᓇᐅᓚᐅᕐᒪᑕ,” ᑭᒡᒐᖅᑐᐃᔨ ᓯᐅᕆ ᒪᒃᓃᔪ-ᒧᓚᒃ ᐅᖃᓚᐅᖅᐳᖅ. “ᐅᐱᒍᓱᓚᐅᖅᐳᒍ ᐊᑲᐅᓕᐅᕈᑎᓂᑦ ᒪᒃᑯᒃᑐᑦ ᐅᖃᕈᓐᓇᓚᐅᕐᒪᑕ ᐊᐱᖅᓱᕈᓐᓇᕐᓂᕆᓚᐅᖅᑕᒥᖕᓂᒃ.”
ᒪᒃᑯᒃᑐᑦ ᒥᓂᔅᑕᓄᑦ ᐊᑲᐅᓕᐅᕈᑎᑦ ᐅᖃᐅᓯᕆᓚᐅᖅᑕᖏᑦ ᐅᑯᐊᖑᓚᐅᖅᐳᖅ: ᐱᙳᐊᕐᕕᒃᑕᖃᕆᐊᖃᕐᓂᖓᓂ ᐊᒻᒪ ᓄᓇᓕᖕᓂᑦ ᐱᔨᑦᑎᕐᕖᑦ, ᐅᖃᐅᓯᕐᒧᑦ ᐊᓯᐅᔨᓂᖅ ᐊᒻᒪ ᐃᓄᒃᑎᑑᑲᓐᓂᕐᓂᖅᓴᐅᓕᕐᓗᑎᑦ ᐃᓕᓐᓂᐊᖅᑐᓕᕆᓂᕐᒧᑦ, ᓄᓇᕗᒻᒥᑦ ᐊᖓᔮᕐᓇᖅᑐᓄᑦ ᐃᒥᐊᓗᖕᒥᓪᓗ ᐅᐃᕆᓯᒪᔪᓄᑦ ᐃᓅᓯᖃᑦᑎᐊᓕᕋᓱᐊᕐᓂᕐᒧᑦ ᐊᒻᒪ ᐃᓱᒪᓕᕆᓂᕐᒧᑦ ᑐᓴᐅᒪᑎᑕᐅᒃᑲᓐᓂᕐᓂᕐᒧᑦ ᐊᒻᒪ ᐃᓅᓕᓴᕐᕕᖕᓂᑦ. ᑲᑎᒪᓚᐅᖅᑎᓪᓗᒋᑦ, ᑭᒡᒐᖅᑐᐃᔨᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊᓂ ᖃᐅᔨᓴᖅᓯᒪᕗᑦ ᐊᑲᐅᖏᓕᐅᕈᑎᓂᑦ ᒪᒃᑯᒃᑐᑦ ᐅᖃᕈᓐᓇᓚᐅᕐᒪᑕ ᑖᒃᑯᐊᓗ ᐅᕙᓐᓅᑲᐅᑎᒋᓂᐊᖅᑐᑦ, ᑐᒡᓕᐊᑕ ᒥᓂᔅᑕᑦ, ᒥᓂᔅᑕᓄᑦ ᐊᒻᒪ ᒪᓕᒐᓕᐅᖅᑎᓄᑦ.
ᑭᒡᒐᖅᑐᐃᔨᑦ ᐱᖃᑕᐅᓚᐅᖅᑐᑦ ᐊᕐᕌᒍᔪᖅ ᒪᒃᑯᒃᑐᑦ ᒪᓕᒐᓕᐅᕐᕕᖕᒥᑦ ᐃᑲᔪᕐᓂᖃᓚᐅᕆᕗᖅ ᑲᓇᑕᒥᑦ ᓱᕈᓯᕐᓄᑦ ᐅᓪᓗᖓᓂ, ᓇᓪᓕᐅᓐᓂᖅᓯᐅᓂᕆᓚᐅᖅᐸ ᓯᓚᕐᔪᐊᒥᑦ ᐱᔪᓐᓇᐅᑎᖏᓐᓄᑦ ᓱᕈᓯᕐᓄᑦ ᐊᕐᕌᒍᑕᒫᖅ ᓄᕕᑉᐱᕆ 20−ᒥᑦ.
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.