ᐊᒡᓚᒡᕕᒃᐳᑦ ᐃᑲᔪᖃᑦᑕᖅᑐᑦ ᓄᓇᕗᒻᒥᐅᑦ ᒪᒃᑯᒃᑐᖁᑎᖏᓐᓂᒃ ᖃᐅᔨᓇᓱᐊᕐᓗᑎᒃ ᐱᔪᓐᓇᐅᑎᒥᖕᓂᑦ ᓇᓗᓇᐃᖅᐸᒃᑭᓪᓗᑕ ᓄᓇᕗᑦ ᒐᕙᒪᒃᑯᖓ ᐃᑲᔪᖅᓯᕋᓗᐊᕐᒪᖔᑦ ᐸᐸᑦᑎᓇᓱᐊᕋᓗᐊᕐᒪᖔᓪᓗ ᑕᒪᒃᑯᓂᖓ ᐱᔪᓐᓇᐅᑎᒋᔭᐅᔪᓂᒃ.
ᐱᓗᐊᖅᑐᒥᑦ, ᒪᑯᓂᖓ ᓇᓗᓇᐃᖃᑦᑕᖅᐳᒍᑦ:
ᐱᓕᕆᐊᖓ ᐊᓪᓚᕝᕕᖓᑕ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ (RCYO) ᓇᓗᓇᐃᖅᓯᓂᕐᒧᑦ ᒪᓕᒐᐃᑦ, ᐊᑐᐊᒐᐃᑦ, ᐱᓕᕆᔾᔪᓰᑦ, ᐱᓕᕆᐊᑦ, ᐱᔨᑦᓯᕋᐅᑏᓪᓗ ᐃᓂᖏᓐᓃᒐᓗᐊᕐᒪᖔᑕ ᒐᕙᒪᒃᑯᓐᓂᑦ ᓄᓇᕗᒻᒥ (GN) ᐱᓕᕆᕝᕕᖏᓐᓂᑦ ᓂᕈᐊᖅᑕᐅᓯᒪᔪᓄᓪᓗ ᐱᔪᓐᓇᐅᑎᖃᖅᑐᓄᑦ (ᐱᓕᕆᕝᕖᑦ) ᐊᑐᐃᓐᓇᐅᑎᑦᓯᓂᕐᒧᑦ ᓈᒻᒪᑦᑐᓂᑦ, ᐊᔾᔨᒌᑎᑦᓯᓂᕐᒥᑦ, ᐱᔨᑦᓯᕋᑦᓯᐊᕐᓂᕐᒥᓪᓗ ᐱᔭᕆᐊᖃᖅᑕᖏᓐᓄᑦ ᐃᑲᔪᖅᑐᕐᓂᕐᒥᓪᓗ ᐱᔪᓐᓇᐅᑎᖏᓐᓂᑦ ᒪᒃᑯᑦᑐᐃᑦ ᓄᓇᕗᒻᒥᐅᑦ, ᐃᓚᒌᓪᓗ, ᑕᑎᒋᔭᖃᖅᑐᓄᑦ.
ᑭᓇᑐᐃᓐᓇᖅ ᐅᓐᓂᕐᓘᑎᖃᖅᐸᑦ ᐱᓕᕆᕝᕕᐅᑉ ᐱᔨᑦᓯᕋᕐᓂᖓᓂᑦ, ᐱᔪᓐᓇᖏᓐᓂᕐᒥᓪᓘᓐᓃᑦ ᐱᔨᑦᓯᕋᖅᑕᐅᓂᕐᒥᑦ ᒪᒃᑯᑦᑐᒧᑦ ᐊᒻᒪᓗ/ᐅᕝᕙᓘᓐᓃᑦ ᐃᓚᖏᑦ, ᖃᐅᔨᒃᑲᖅᑕᐅᔪᓐᓇᖅᑐᖅ ᐊᓪᓚᕝᕕᕗᑦ ᕿᒥᕐᕈᓂᐊᖅᑎᓪᓗᑕ. ᑕᒪᕐᒥᑦᑎᐊᖅ ᑐᓴᖅᑕᐅᔪᒃᓴᐃᑦ ᐅᖃᐅᓯᐅᔪᑦ ᐊᓪᓚᕝᕕᑎᓐᓄᑦ ᖃᐅᔨᔭᐅᔾᔮᙱᓐᓂᖏᓐᓂᒃ ᐅᖃᐅᓯᐅᔪᓐᓇᖅᓱᑎᓪᓗ ᑭᓇ ᐅᖃᐅᓯᖃᕐᒪᖔᑦ ᖃᐅᔨᔭᐅᙱᓪᓗᓂ.
ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ (ᑭᒡᒐᖅᑐᐃᔨ) ᓇᒻᒥᓂᖅ ᐃᖅᑲᓇᐃᔭᖅᑎᐅᕗᖅ ᒪᓕᒐᓕᐅᕐᕕᒻᒧᑦ ᓄᓇᕗᒻᒥ ᑭᒃᑯᑐᐃᓐᓇᓄᓪᓗ ᐅᖃᕆᐊᖅᑐᕐᕕᖃᖅᑕᖅᓱᓂ.
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕᐊ ᒫᓐᓇ ᐱᓕᕆᖃᑎᖃᖅᑐᖅ ᐱᖓᓱᓂᑦ ᐊᔾᔨᒌᖏᑦᑐᓂᑦ ᐱᓕᕆᐊᓂᑦ ᐃᓚᒋᓪᓗᒍ
ᑐᓴᐅᒪᑎᑦᑎᖃᑦᑕᕐᓂᖅ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᑦ ᐅᔾᔨᕈᓱᓕᖅᑎᑕᐅᓂᖏᑦ
ᓯᑕᒪᖓᓂᑦ ᐱᓕᕆᐊᑎᓐᓂᑦ ᐊᐅᓚᔾᔪᑕᐅᒍᓐᓇᖏᑦᑐᖅ ᐃᓚᒍᑖᓂ ᑭᒡᒐᖅᑐᐃᔨᖓᑕ ᐊᓪᓚᕝᕕᖓᓄ ᓄᑕᖅᑲᑦ ᒪᒃᑯᑦᑐᓪᓗ ᓱᓕ ᐱᒋᐊᖅᓯᒪᖏᑦᑐᖅ.