ᐃᑭᐊᖅᑭᕕᒻᒥ ᐃᒻᒥᓅᖓᔪᓄᑦ ᐅᖃᐅᓯᖅᑕᕆᔭᐅᔪᖅ


ᐃᒻᒥᓅᖓᔪᓄᑦ ᖃᐅᔨᒃᑲᐃᔾᔪᑎ

ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑲᒪᕙᑦᑐᑦ ᐃᑭᐊᖅᑭᕕᒻᒥᒃ ᑐᓴᐅᒪᑎᑦᓯᔾᔪᑎᒋᑦᓱᖑ ᑕᖅᑲᐅᖓ ᐃᓄᓐᓄᑦ ᐅᑯᐊ ᒥᑦᓵᓄᑦ:

  • ᐱᔪᓐᓇᐅᑎᖏᓐᓂᒃ ᐱᔪᒪᔭᕆᔭᖏᓐᓂᓪᓗ ᓄᑕᖅᑲᑦᒪ ᒪᒃᑯᑦᑐᓪᓗ
  • ᑲᒪᒋᔭᖏᑦ ᑭᒡᒐᖅᑐᐃᔨᐅᑉ
  • ᐱᔪᓐᓇᐅᑎᓕᕆᓂᕐᒧᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᐊᓪᓚᕝᕕᖓᑦ ᐱᔨᑦᓯᕋᐅᑎᖏᓪᓗ

ᐊᓪᓚᕝᕕᕗᑦ ᑐᓂᒪᓂᖃᖅᑐᖅ ᖃᐅᔨᓴᑦᓯᐊᕐᓂᕐᒧᑦ ᐃᓕᓐᓅᖓᔪᓂᒃ ᑕᑯᓂᐊᕈᕕᑦ ᑕᕝᕗᖓ.

ᐃᓕᓐᓅᖓᔪᑦ ᑐᓴᕋᑦᓴᐃᑦ

ᐅᓇ ᐃᑭᐊᖅᑭᕕᒃ ᓄᐊᑦᓯᓯᒋᓐᓇᑕᓐᖏᑦᑐᖅ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ ᐃᓕᓐᓂᒃ, ᓲᕐᓗ ᐊᑏᑦ, ᐅᖄᓚᐅᑏᑦ ᖃᕆᑕᐅᔭᒃᑯᓪᓘᓐᓃᑦ ᑐᕌᕈᑏᑦ. ᐱᓲᕆᔭᕗᑦ ᑭᓯᐊᓂ ᐃᕝᕕᑦ ᐅᕙᑦᑎᓐᓄᑦ ᐊᐅᓚᑦᑎᑦᓱᒪᒍᕕᐅᒃ ᖃᕆᑕᐅᔭᒃᑯᑦ ᑐᕌᕈᑏᑦ ᐱᖃᓯᐅᔾᔨᔪᖅ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ. ᐊᐅᓪᓚᑎᑦᓯᒍᒪᓐᖏᒃᑯᕕᑦ ᐅᕙᑦᑎᓐᓄᑦ ᐃᓕᓐᓅᖓᔪᓂᒃ ᖃᕆᑕᐅᔭᒃᑯᑦ ᑎᑎᕋᕐᓗᒋᑦ, ᑐᓐᖓᓱᑦᑎᑦᓯᕗᒍᑦ ᐃᓕᓐᓂᒃ ᖃᓄᐃᓕᒋᐊᖁᓪᓗᑎᑦ ᐊᓪᓚᕕᑦᑎᓐᓄᑦ ᖃᐃᓗᑎᑦ ᐅᖄᓚᐅᑎᒃᑯᑦ, ᓱᑲᑦᑕᒃᑯᑦ ᑎᑎᖅᑲᑎᒍᓪᓘᓐᓃᑦ. ᑐᓴᖅᑕᓕᒫᕗᑦ ᐃᓕᓐᓃᓐᖔᖅᑐᑦ ᑲᓐᖑᓇᖅᑑᑎᓲᕗᑦ ᑐᓐᖓᕕᒋᑦᓱᒋᑦ ᑭᒡᒐᖅᑐᐃᓂᕐᒧᑦ ᓄᑕᖅᑲᓂᒃ ᒪᒃᑯᑦᑐᓂᓪᓗ ᒪᓕᒐᕐᔪᐊᖅ.

ᓄᐊᑕᐅᓂᖏᑦ ᑐᓴᕋᑦᓴᐃᑦ ᐅᕙᓂ ᐃᑭᐊᖅᑭᕕᒻᒥ

ᐃᓘᓐᓇᑎᒃ ᖃᕆᑕᐅᔭᒃᑰᖓᔪᑦ ᐃᑭᐊᖅᑭᕖᑦ ᓄᐊᑦᓯᓯᖏᓐᓇᑕᖅᑐᑦ ᐃᓚᖏᓐᓂᒃ ᑐᓴᐅᒪᔭᐅᑦᓴᐃᓐᓇᕆᐊᓕᓐᓂᒃ ᑕᑯᓂᐊᖅᐸᑦᑐᓅᖓᔪᓂᒃ ᐃᑭᐊᖅᑭᕕᒻᒧᑦ. ᑕᑯᓂᐊᕈᕕᐅᒃ ᐃᑭᐊᖅᑭᕕᒃ, ᐃᑭᐊᖅᑭᕕᕗᑦ ᑲᑎᖅᓱᐃᓲᖅ ᑕᖅᑯᐃᓲᖑᑦᓱᓂᓗ ᑐᓴᕋᖅᓴᓂᒃ ᐱᔭᕆᐊᓕᓐᓂᒃ ᐊᐅᓚᓂᐅᔪᒧᑦ, ᖃᐅᔨᕐᓴᕐᓂᒧᑦ ᐊᒻᒪᓗ ᐱᕚᓪᓕᕈᑎᑦᓴᖏᓐᓄᑦ ᐃᑭᐊᖅᑭᕕᐅᑉ. ᐊᑑᓲᕗᑦ ᑖᒃᑯᐊ ᑐᓴᕋᑦᓴᐃᑦ ᕿᒥᕐᕈᒍᑎᒋᑦᓱᒋᑦ ᐱᕚᓪᓕᖁᓪᓗᒋᑦ ᑐᓴᐅᒪᔭᐅᔪᓅᖓᔪᑦ ᐱᔨᑦᓯᕋᐅᑏᑦ ᐊᐅᓚᓂᖓᓄᓪᓗ ᑖᑦᓱᒪᖓ ᐃᑭᐊᖅᑭᕕᐅᑉ. ᑕᒪᓐᓇ ᐃᑲᔪᕐᓂᖃᖅᑐᖅ ᑭᒡᒐᖅᑐᐃᔨᒥᒃ ᑲᔪᓯᑎᑦᓯᑦᓯᐊᑎᓪᓗᒍ ᑲᒪᒋᒋᐊᓕᒻᒥᓂᒃ ᐊᑖᓂ ᑭᒡᒐᖅᑕᐃᓂᕐᒧᑦ ᓄᑕᖅᑲᓂᒃ ᒪᒃᑯᑦᑐᓂᓪᓗ ᒪᓕᒐᕐᔪᐊᖓᑕ. ᓄᐊᑕᐅᓂᖏᑦ ᐊᑐᖅᑕᐅᓂᖏᓪᓗ ᑖᒃᑯᐊ ᑐᓴᕋᑦᓴᐃᑦ ᑐᓐᖓᕕᖃᖅᑐᑦ ᑎᑎᕋᖅᓯᒪᔪᒥᒃ 40 ᐊᑐᐃᓐᓇᖃᕐᓂᖅ ᑐᓴᕋᑦᓴᓅᖓᔪᓂᒃ ᓴᐳᑎᔭᐅᓂᖓᓄᓪᓗ ᐃᒻᒥᓅᖓᔪᓄᑦ ᒪᓕᒐᕐᔪᐊᑉ. ᑐᓴᕋᑦᓴᐃᑦ ᓄᐊᑕᐅᔪᑦ ᐃᑭᐊᖅᑭᕕᑦᑎᓐᓄᑦ ᐱᖃᓯᐅᔾᔨᔪᑦ:

  • ᐅᓪᓗᖅ ᖃᖓᒃᑯᓪᓗ ᑕᑯᓂᐊᕐᓂᕐᒪᖔᖅᐱᑦ;
  • ᐃᑭᐊᖅᑭᕕᐅᑉ ᒪᑉᐱᒐᖏᑦ ᐱᔨᑦᓯᕋᐅᑎᖏᓪᓘᓐᓃᑦ ᐊᑐᖅᑕᑎᑦ;
  • ᒪᑉᐱᒐᖅ ᓇᑭᓐᖔᕐᕕᒋᔭᐃᑦ;
  • ᖃᓄᐃᑦᑐᒥᒃ ᕿᓂᕈᑎᒥᒃ ᐊᑐᖅᑐᖃᕐᒪᖔᖅ; ᐊᒻᒪᓗ
  • ᖃᕆᑕᐅᔭᒃᑰᖓᔪᓄᑦ ᒪᓕᒐᕐᓄᑦ ᑐᕌᕈᑎ (IP) ᐊᑐᖅᐸᑦᑕᖓ ᖃᕆᑕᐅᔭᖅᐱᑦ.

IP ᑐᕌᕈᑏᑦ ᐊᔾᔨᐊᓐᖏᑦᑐᑦ ᓈᓴᐅᑏᑦ ᑐᓂᔭᐅᓲᑦ ᖃᕆᑕᔭᐅᒃᑰᖓᔪᓂᒃ ᐊᑐᖅᑐᓕᒫᓄᑦ ᖃᕆᑕᐅᔭᒃᑰᖓᔪᓄᑦ ᐱᔨᑦᓯᕋᖅᖏᓐᓄᑦ (ISP). ᑖᓐᓇ ᑐᕌᕈᑎ ᐊᑐᖅᑕᐅᒍᓐᓇᖅᑐᖅ ᓇᓗᓇᐃᖅᓯᒍᑕᐅᓗᓂ ᖃᓄᐃᑦᑐᕐᒥᒃ ᑐᑦᑕᕐᕕᖃᕐᒪᖔᖅ ᖃᕆᑕᐅᔭᒃᑰᖓᔪᓄᑦ ᐱᔨᑦᓯᕋᖅᑎᒋᔭᐃᑦ (ᓲᕐᓗ gov.nu.ca ᐅᕝᕙᓗ mycompany.com). IP ᑐᕌᕈᑎ ᓇᓗᓇᐃᔭᖅᓯᒍᑕᐅᒐᒧᐃᑦᑐᖅ ᐃᓄᒻᒥᒃ ᑕᓐᓇᑑᓗᓂ. ᐃᓚᖓᓂ, ᑭᓯᐊᓂ, ᐊᑐᖅᑕᐅᑐᐃᓐᓇᕆᐊᖃᕐᒥᔪᖅ ᐊᓯᖏᓪᓗ ᑐᓴᕋᓴᐃᑦ ᓇᐃᐱᑦᓯᒍᑕᐅᓗᓂ ᓇᓗᓇᐃᖅᓯᒍᑕᐅᓗᓂᓗ ᐃᓄᒻᒥᒃ. ᑐᓴᕋᑦᓴᐃᑦ ᓄᐊᑕᐅᔪᑦ ᐃᑭᐊᖅᑭᕕᑦᑎᓐᓄᑦ ᐊᑐᖅᑕᐅᒍᓐᓇᖅᑐᑦ ᓇᓗᓇᐃᖅᓯᒍᑕᐅᓗᑎᒃ ᐃᓄᒻᒥᒃ ᑲᓐᖑᓇᖅᑑᑎᑕᐅᔪᑦ ᑐᓐᖓᕕᒋᑦᓱᒋᑦ ᑭᒡᒐᖅᑐᐃᓂᕐᒧᑦ ᓄᑕᖅᑲᓂᒃ ᒪᒃᑯᑦᑐᓂᓪᓗ ᒪᓕᒐᕐᔪᐊᖅ.

ᕿᒥᕐᕈᒍᑏᑦ

ᐅᓇ ᐃᑭᐊᖅᑭᕕᒃ ᐊᑑᓲᖑᒻᒥᔪᖅ ᑕᑯᓂᐊᖅᓯᒪᔪᖃᖅᑎᓪᓗᒍ ᕿᒥᕐᕈᒍᑎᓂᒃ ᐃᓕᓐᓂᒃ ᐃᑲᔪᖅᑐᑦᓴᓂᒃ ᓄᑦᑕᑎᓪᓗᑎᑦ ᐅᑭᐊᖅᑭᕕᒻᒥ ᑭᓪᓕᓯᓂᐊᕋᑦᓴᓂᓪᓗ ᑐᓴᕈᑎᒋᑦᓱᒍ ᖃᓄᖅ ᑕᑯᓂᐊᖅᑎᕗᑦ ᐊᑑᓲᖑᒻᒪᖔᑕ ᐃᑭᐊᖅᑭᕕᑦᑎᓐᓂᒃ. “ᕿᒥᕐᕈᒍᑎ” ᑎᑎᖅᑲᒃᑯᕕᓪᓚᑐᖅ ᖃᕆᑕᐅᔭᕐᓅᕕᑦ ᐊᐅᓪᓚᖅᑎᑕᐅᓲᖅ ᐃᑭᐊᖅᑭᕕᓐᓄᑦ ᑕᖅᑯᖅᑕᐅᓯᒪᓲᖑᑦᓱᓂ ᖃᕆᑕᐅᔭᓐᓅᕕᑦ ᑕᑯᓂᐊᖅᓯᒪᓂᓐᓃᕕᑦ ᐃᑭᐊᖅᑭᕕᑦᑎᓐᓂᒃ. ᑕᑯᓂᐊᖅᓯᒪᔪᓄᑦ ᕿᒥᕐᕈᒍᑏᑦ ᓄᐊᑦᓯᓲᖑᓐᖏᑦᑐᑦ ᑐᓴᕋᑦᓴᓂᒃ ᐃᓕᓐᓂᒃ ᓇᓗᓇᐃᖅᓯᒍᑎᑦᓴᐅᔪᓂᒃ. ᓄᖑᓴᖅᑕᐅᓲᖑᒻᒥᔪᑦ ᒪᑐᑐᐊᕋᕕᐅᒃ ᖃᕆᑕᐅᔭᖅᑎᒍᑦ ᕿᒥᕐᕈᔾᔪᑏᑦ. ᐊᑐᓲᖑᓐᖏᑦᑐᒍᑦ ᐊᑕᐃᓐᓇᕐᓂᐊᓕᖅᑐᓂᒃ ᕿᒥᕐᕈᒍᑎᓂᒃ. ᐊᑕᐃᓐᓇᖅᑐᑦ ᕿᒥᕐᕈᒍᑏᑦ ᖃᕆᑕᐅᔭᕐᓃᕖᓲᑦ ᐅᓪᓗᖅ ᐃᓱᓕᕝᕕᑦᓴᖓ ᑎᑭᐅᑎᓐᖏᓐᓂᖓᓂ ᑐᖅᑯᖅᑐᐃᒍᓐᓇᖅᓱᑎᓪᓗ ᑐᓴᕋᖅᓴᓂᒃ ᐊᑐᖅᑕᐅᒍᓐᓇᖅᑐᓂᒃ ᐃᓕᓐᓂᒃ ᓇᓗᓇᐃᖅᓯᒍᑕᐅᓗᑎᒃ ᐃᑭᐊᖅᑭᕕᒻᒧᑦ ᑕᑯᓂᐊᕈᕕᑦ

ᐊᑦᓱᖏᖅᓯᒪᓂᖅ

ᑭᒡᒐᖅᑐᐃᔨᐅᑉ ᓄᑕᖅᑲᓂᒃ ᒪᒃᑯᑦᑐᓂᓪᓗ ᐊᓪᓚᕕᖓᑦ ᓴᐳᔾᔨᔪᖅ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ ᐊᑦᓱᖏᖅᓯᒪᓂᕐᒧᑦ ᐸᕐᓇᐃᕈᑎᖃᖅᓱᑎᒃ ᓴᐳᔾᔨᒍᑕᐅᓪᓗᓂ ᐃᑭᐊᖅᑭᕕᒻᒥᒃ ᐅᓗᕆᐊᓇᖅᑐᓂᒃ ᑕᐃᒫᒃ ᐱᔪᓐᓇᐅᑎᖃᓐᖏᑦᑐᓄᑦ ᐊᑐᐃᓐᓇᐅᓂᕐᒧᑦ. ᑭᒡᒐᖅᑐᐃᔨᐅᑉ ᓄᑕᖅᑲᓂᒃ ᒪᒃᑯᑦᑐᓂᓪᓗ ᑲᓲᒪᔾᔪᑎᖏᑦ ᐊᑐᓲᖑᔪᑦ ᖃᕆᑕᐅᔭᒃᑰᖓᔪᓂᒃ ᖃᐅᔨᓴᕈᑕᐅᑦᓱᑎᒃ ᐱᔪᓐᓇᕐᓂᖃᖅᑎᑕᐅᒐᑎᒃ ᐆᑦᑐᕋᖅᑐᓂᒃ ᐃᑖᑦᓯᒐᓱᐊᖅᓱᑎᒃ ᐊᓯᔾᔨᖅᑐᐃᒐᓱᐊᖅᓱᑎᓪᓘᓐᓃᑦ ᑐᓴᕋᑦᓴᓂᒃ ᐅᕙᓂ ᐃᑭᐊᖅᑭᕕᒻᒥ ᐅᕝᕙᓘᓐᓃᑦ ᓱᕋᑦᑎᖅᑕᐅᓗᓂ. ᖃᐅᔨᒐᓱᐊᖃᑦᑕᖏᑦᑐᒍᑦ ᐃᑭᐊᖅᑭᕕᒻᒥᒃ ᑕᑯᓂᐊᖅᑐᓄᑦ ᐅᕝᕙᓗ ᐊᑐᕐᓂᐅᕙᑦᑐᓂᒃ ᑖᒃᑯᑎᒎᓇ ᐊᑦᓱᖏᖅᓯᒪᔪᖅᑎᒍᑦ ᐋᒡᒐᐅᒐᓗᐊᖅ ᓱᕋᑦᑎᕆᒐᓱᐊᖅᑐᒥᒃ ᖃᐅᔨᔭᐅᔪᖃᓕᖅᐸᑦ. ᑐᓴᕋᑦᓴᐃᑦ ᑐᓂᔭᑎᑦ ᐅᕙᑦᑎᓐᓄᑦ ᐅᕘᓇ ᐃᑭᐊᖅᑭᕕᒃᑯᑦ ᐊᑦᓱᖏᖅᑕᐅᓲᑦ ᑎᑭᐅᑎᑐᐊᕋᒥᒃ ᑭᒡᒐᖅᑐᐃᔨᒧᑦ ᓄᑕᖅᑲᓂᒃ ᒪᒃᑯᑦᑐᓂᓪᓗ ᑐᑦᑕᕐᕕᖓᓐᓄᑦ. ᑭᓯᐊᓂᓕ, ᑐᓴᕋᑦᓴᐃᑦ ᐊᐅᓪᓛᖅᑎᑕᐅᕙᓪᓕᐊᔪᑦ ᖃᕆᑕᐅᔭᓐᓃᕕᑦ ᑐᑦᑕᕐᕕᒻᒧᓪᓗ ᐊᑦᓱᖏᖅᓯᒪᓐᖏᑐᐃᓐᓇᕆᐊᓖᑦ. ᐅᕙᑦᑎᓐᓄᑦ ᖃᓄᐃᓕᑦᑕᐃᓕᓐᖏᑦᑐᑎᑦ ᐅᐸᒍᑎᓗᑎᑦ, ᐅᖄᓚᐅᑎᒃᑯᑦ, ᓱᑲᑦᑐᒃᑯᑦ ᐅᕝᕙᓘᓐᓃᑦ ᑎᑎᖅᑲᑎᒍᑦ ᑕᐃᒪᐃᑦᓱᒪᒍᕕᑦ. ᐅᓇ ᐃᑭᐅᖅᑭᕕᒃ ᑲᓲᒪᔾᔪᑎᖃᑐᐃᓐᓇᕆᐊᓕᒃ ᐃᑭᐊᖅᑭᕕᓐᓄᑦ ᐃᓄᓐᓄᓪᓘᓐᓃᑦ ᑎᑎᕋᖅᑕᕐᕕᐅᔪᓄᑦ ᐊᐅᓚᑕᐅᔪᓄᑦ ᐊᓯᖏᓐᓄᑦ ᒐᕙᒪᓄᑦ, ᑎᒥᐅᔪᓄᑦ, ᐱᓇᓱᐊᕐᕕᓐᓄᓪᓗ. ᑭᒡᒐᖅᑐᐃᔨᖓᑦ ᓄᑕᖅᑲᐃᑦ ᒪᒃᑯᑦᑐᓪᓗᑎᒍᒥᐊᓐᖏᑦᑐᑦ ᐃᒻᒥᓅᖓᔪᓂᒃ ᐊᐅᓚᓂᕆᕙᖏᑦᑕᖏᓐᓂᒃ ᐃᓗᓕᖏᓐᓂᓘᓐᓃᑦ ᓯᓚᑖᓃᑦᑐᑦ ᐃᑭᐊᖅᑭᕖᑦ.