ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕ ᓴᖅᑮᕗᖅ ᓯᕗᓪᓕᖅᐹᒥ ᐊᕐᕌᒍᑕᒫᑦ ᐅᓂᒃᑳᓕᐊᕐᒥᓂᒃ


ᐅᓪᓗᒥ ᓄᓇᕗᒻᒥ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᖓ ᓴᖅᑮᕗᖅ ᐊᓪᓚᕝᕕᖓᑕ ᓯᕗᓪᓕᖅᐹᒥ ᐊᕐᕌᒍᑕᒫᑦ ᐅᓂᒃᑳᓕᐊᖓᓂᒃ ᒪᓕᒐᓕᐅᕐᕕᒻᒥ ᓄᓇᕗᒥ. ᐅᓂᒃᑳᖅ ᐅᖃᐅᓯᓕᒃ ᑎᓴᒪᐅᔪᖅᑐᑦ ᐊᑕᐅᓯᕐᓗ ᑕᖅᑭᓂᑦ ᖃᓄᐃᓕᐅᕐᓂᑯᒥᓂᖏᓐᓂᑦ: ᔫᓂ 16, 2014, ᓄᓇᕗᒻᒥ ᓯᕗᓪᓕᖅᐹᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕᕈᖅᑐᒥᓂᐅᓚᐅᖅᑎᓪᓗᒍ, ᐃᓱᓕᑦᑎᑦᑐᒍ 2014-2015 ᑮᓇᐅᔭᓕᕆᓐᓇᑉ ᐊᕐᕌᒍᖓᓂ. ᐅᓂᒃᑳᖅ ᐅᖃᐅᓯᖃᓗᐊᖅᑐᖅ ᐊᓪᓚᕝᕕᑉ ᐸᕐᓇᐅᑎᒋᒋᐊᙵᓚᐅᖅᓯᒪᔭᖏᓐᓂᑦ ᐊᒻᒪᓗ ᑐᙵᕕᓕᐅᖅᓯᒪᓪᓗᑎᑦ ᐱᓕᕆᐊᒥᓂᑯᖏᓐᓂᑦ, ᐱᒻᒪᕆᐅᓪᓗᑎᑦ ᐊᓪᓚᕕᒻᒧᑦ ᒪᑐᐃᖅᑐᒥᓂᐅᑎᓪᓗᒍ ᓯᑏᕝᕙ 30, 2015-ᒥ.