ᓄᓇᓕᐅᔪᓂᑦ


“ᓂᐱᖃᕆᐊᕐᓗᑎᑦ” ᓇᒻᒥᓂᖅ ᑭᒡᒐᖅᑐᖅᑎᐅᓂᕐᒧᑦ ᐃᓕᓐᓂᐊᕐᓂᕐᒧᑦ ᐃᓚᒋᔭᐅᔪᑦ ᓴᓪᓕᕐᒥᑦ
ᓴᓪᓕᕐᒥ ᒪᐃ 28ᒥ − ᔪᓂ 1ᒧ, 2017
02/03/2018

ᓂᐱᖅᑯᖅᑐᒋᐊᕆᑦ: ᓇᒻᒥᓂᖅ ᑭᒡᒐᖅᑐᐃᓂᕐᒧᑦ ᐃᓕᓐᓂᐊᒐᒃᓴᖅ

RCYO −ᒃᑯᑦ ᐅᐸᒍᑎᓂᖓᑦ ᓇᐅᔮᓄᑦ ᒪᐃ 25-ᒥᑦ – ᒪᐃ 28-ᒧᑦ 2017
10/12/2017

ᓈᓐᓯ, ᐊᐅᓚᑦᑎᔾᔪᑎᓄᑦ ᖃᐅᔨᓴᖅᑎᐅᖃᑕᐅᔪᖅ, ᐅᑎᓵᓚᐅᖅᑐᖅ ᑲᑎᒪᑎᑦᑎᓂᕐᒥ ᒪᒃᑯᒃᑐᓂᒃ ᐊᒻᒪ ᐱᔨᑦᑎᕋᖅᑎᓄᑦ ᐊᑐᐃᓐᓇᐅᑎᑦᑎᔪᓄᑦ ᓇᐅᔮᓂ. ᐅᕝᕙᐅᑯᐊ ᐅᖃᐅᓯᕆᓚᐅᖅᑕᖏᑦ ᐊᐅᓪᓚᕐᓂᕆᓚᐅᖅᑕᖓᓂ:

ᐱᖓᓱᐃᖅᖢᖓ ᑎᑭᓐᓇᓱᓚᐅᖅᑐᖓ ᓇᐅᔮᓄᑦ, ᐅᐱᒍᓱᑦᑎᐊᓚᐅᖅᐳᖓ RCYO − ᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᑎᑭᑦᑐᓐᓇᓚᐅᕐᓂᕐᓄᑦ ᑕᒪᐅᖓ ᐱᐅᔪᒻᒪᕆᖕᒧᑦ ᓄᓇᓕᖕᓄᑦ.

ᓇᐅᔮᓃᑎᓪᓗᖓ, ᑲᑎᖃᑎᖃᓚᐅᖅᐳᖓ ᐃᖅᑲᓇᐃᔭᖅᑎᓂᒃ ᐃᓕᓐᓂᐊᖅᑎᓂᒡᓗ ᑐᓴᕐᕕᒃ ᓴᓪᓕᖅ ᐃᓕᓐᓂᐊᕐᕕᖕᒥ ᐱᕕᖃᓚᐅᕐᓂᓐᓄᑦ ᐅᖃᐅᓯᖃᕈᓐᓇᖅᖢᖓ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ ᐱᓕᕆᓂᕆᔭᑦᑎᓐᓂᓗ ᑎᑎᕋᕐᕕᑦᑎᓐᓂ. ᑲᑎᒪᓂᑦᑎᐊᕙᐅᓚᐅᖅᑐᖅ ᐃᓕᓐᓂᐊᖅᑎᓕᒫᑦ - ᐊᓕᐊᓇᐃᑦᑎᐊᓚᐅᕐᒪᑕ! ᑭᖑᓪᓕᖅᐹᖅᓱᕈᔪᖕᓇᕐᓂᕐᒧᑦ ᐃᓕᓐᓂᐊᕐᓂᐅᑉ ᓄᙳᐊᓂ, ᑲᑎᖃᑎᖃᓕᓚᐅᕐᒥᒐᒪ ᑎᓪᓕᖅ ᐃᓕᓐᓂᐊᖅᑎᓂᒃ ᐱᙳᐊᕐᕕᖕᒥ ᐅᓐᓄᒃᑯᑦ. ᐅᓄᖅᑐᑦ ᒪᒃᑯᒃᑐᑦ ᑲᑎᖃᑎᒋᓚᐅᖅᑕᒃᑲ ᐊᒃᓱᕉᑎᖃᑦᑎᐊᓚᐅᖅᑐᑦ ᐃᓄᒃᑎᑑᕐᓂᕐᒥᒃ ᐱᖅᑯᓯᖏᓐᓂᒡᓗ.

2017 ᐸᖕᓂᖅᑑᖅ ᕿᑭᖅᑕᕐᔪᐊᕐᓗ ᓄᓇᓕᖏᓐᓄᑦ ᐅᐸᒍᑎᓂᖅ v
07/19/2017
ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ, ᓯᐅᕆ ᒪᒃᓂᐅᓪ−ᒧᓚᒃ ᑭᒡᒐᖅᑐᐃᔨᒻᒪᕆᖕᒥᒃᓗ, ᐋᓐᑐᕉ ᓄᓇᔾ, ᐅᐸᒍᑎᓪᓗᑎᒃ ᓄᓇᓕᖏᓐᓄᑦ ᐸᖕᓂᖅᑑᖅ ᐊᒻᒪ ᕿᑭᖅᑕᕐᔪᐊᖅ ᒫᑦᓯᒥ 27- ᐊᐃᕆᓕᒧᑦ 1, 2017. ᐅᐸᒍᑎᓯᒪᑎᓪᓗᒋᒃ, ᓯᐅᕆ ᐊᒻᒪ ᐋᓐᑐᕉ ᐱᕕᖃᓚᐅᖅᑐᒃ ᑲᑎᖃᑎᖃᕐᓂᕐᒥ ᓄᓇᓕᖕᒥ ᐱᔨᑦᑎᕋᖅᑎᑦ ᐱᑎᑦᑎᔨᖏᓐᓂ ᓲᕐᓗ Hᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂ, ᐃᓕᓴᐃᔨᓂᒃ, ᐃᓕᓴᐃᔨᑦ ᐊᖓᔪᖅᑳᖏᓐᓂᒃ, ᐋᓐᓂᐊᕕᖕᒥ ᐃᓱᒪᓕᕆᔨᒃᑯᓪᓗ ᐃᖅᑲᓇᐃᔭᖅᑎᖏᓐᓂ, ᐃᓄᓕᕆᔨᒃᑯᓐᓂ ᐸᓖᓯᒃᑯᓐᓂᓗ.
2017 ᐃᒃᐱᐊᕐᔪᒃ ᖃᐅᓱᐃᑦᑐᕐᒧᓪᓗ ᓄᓇᓕᖏᓐᓄᑦ ᐅᐸᒍᑎᓂᖅ
07/19/2017
ᑰᓪᐱ ᐅᑕᓄ, ᒪᒃᑯᒃᑐᓄᑦ ᑭᒡᒐᖅᑐᐃᔨᓕᕆᔨᒻᒪᕆᒃ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑎᑎᕋᕐᕕᖓᓂ (RCYO), ᑎᑭᖦᖢᓂ ᐃᒃᐱᐊᕐᔪᖕᒧᑦ ᒫᑦᓯ 2017−ᒥ, ᐱᕕᖃᕐᖢᓂ ᑲᑎᖃᑎᖃᕐᓂᕐᒥ ᐅᓄᖅᑐᓂᒃ ᐃᓄᑦᑎᐊᕙᐅᑎᓂᒃ, ᐃᓚᐅᓪᓗᑎᒃ ᐃᓚᖏᑦ ᐋᓐᓂᐊᕕᖕᒥ ᐱᓕᕆᔨᒻᒪᕆᑦ ᐊᑯᓂᐅᔪᒃᑯᑦ ᓄᓇᓕᖕᓃᖃᑕᐅᓯᒪᔪᓂᒃ ᐊᕐᕌᒍᒐᓴᖕᓄᑦ. ᐊᑐᕐᓂᑯᖏᑦ ᖃᐅᔨᒪᓂᖏᓪᓗ ᓄᓇᓕᖕᒥ ᓯᕗᕋᐃᓪᓗᑎᒃ ᑰᓪᐱᐅᑉ ᑲᑎᖃᑎᒋᔭᖏᓐᓂ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑕᐃᑲᓃᑎᓪᓗᒍ. ᑰᓪᐱ ᓴᖅᑭᑎᑦᑎᒋᓪᓗᓂ ᐃᓅᔭᖅ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᖏᓐᓄᑦ ᐱᓪᓗᒍ ᓄᑕᖅᑲᑦ ᒪᒃᑯᒃᑐᓪᓗ ᐱᔪᓐᓇᐅᑎᖏᑦ ᖁᔭᓕᑦᑎᐊᕐᖢᓂᓗ ᐃᑲᔪᖅᓱᖅᑕᐅᑦᑎᐊᕐᓂᕐᒥᓂᒃ ᕌᐱᓐ ᖃᐅᓇᖅᒧᑦ, ᖁᑦᑎᖕᓂᖅᓴᒥ ᐃᓕᓐᓂᐊᖅᑎ ᐱᑎᑦᑎᓪᓗᓂ ᑐᑭᓕᐅᕆᓂᕐᒥ ᐱᔨᑦᑎᕋᐅᑎᖏᓐᓂ ᐃᓄᒃᑎᑐᑦ. ᑰᓪᐱ ᓄᓇᓕᖕᒧᑦ ᐳᓛᕐᓂᖓ ᐃᒃᐱᐊᕐᔪᒃᒥ ᐃᓱᓕᖦᖢᓂ ᑲᑎᖃᑎᖃᕐᓂᕐᒥ ᐃᓚᒋᔭᐅᔪᒥᒃ ᒪᓕᒐᓕᐅᕐᕕᖕᒥ ᓄᓇᕗᒻᒥ; ᐊᐃᓴᒃ ᓲᔪᒃ ᑐᓴᖅᑎᑦᑎᓪᓗᓂ ᑕᐅᑐᙳᐊᖅᑕᒥᓂᒃ ᑐᑭᒧᐊᕈᑎᒃᓴᖓᓄᑦ ᓄᓇᕗᒻᒥ ᓂᕿᐅᒋᔭᖏᓐᓄᓪᓗ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ.
2017 ᒥᑦᑎᒪᑕᓕᒃ ᓄᓇᓕᖓᓄᑦ ᐅᐸᒍᑎᓂᖅ
07/19/2017
ᐱᓴᓱᐊᕈᓯᖓᓂ ᒫᑦᓯ 6-10, 2017, ᒪᕐᕉᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒻᒪᕆᖁᑎᕗᒃ, ᑕᐃᕕᑦ ᖁᐊᕋᖅ ᐊᒻᒪ ᑯᕆᔅᑕ ᑯᓄᒃ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓᓂ (RCYO) ᐅᐸᒍᑎᓪᓗᑎᒃ ᓄᓇᓕᖓᓄᑦ ᒥᑦᑎᒪᑕᓕᒃ. ᐅᐸᒍᑎᓯᒪᑎᓪᓗᒋᒃ, ᑕᐃᕕᑦ ᐱᕕᖃᓚᐅᖅᑐᖅ ᑲᑎᖃᑎᖃᕐᓂᕐᒥ ᐃᓕᓐᓂᐊᖅᑎᓂᒃ ᐅᓛᔪᒃ ᐊᑦᑎᓐᓂᖅᓴᒥ ᐃᓕᓐᓂᐊᕐᕕᖓᓂ ᐊᒻᒪ ᓇᓯᕝᕕᒃ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖓᓂ ᐅᔾᔨᕈᓱᒃᑎᑦᑎᒋᐊᕐᖢᓂ ᓄᑕᖅᑲᑦ ᒪᒃᑯᒃᑐᓪᓗ ᐱᔪᓐᓇᐅᑎᖏᓐᓂ. ᑯᕆᔅᑕ ᑕᐃᕕᑦᓗ ᐊᓕᐊᓇᐃᒍᓱᓚᐅᕐᒥᔪᒃ ᐃᓚᐅᖃᑕᐅᓂᕐᒥᓂᒃ ᓄᓇᓕᖓᑕ ᓈᓚᐅᑎᖃᕐᕕᖓᓂ ᐅᖃᐅᓯᖃᕐᖢᑎᒃ ᐃᖅᑲᓇᐃᔮᖏᓐᓂ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓᓂ, ᑐᓴᖅᑎᑦᑎᓪᓗᑎᒃ ᓇᓗᓇᐃᔭᐅᑎᓂᒃ ᐅᐸᒍᑎᓯᒪᔾᔪᑎᖏᑕ ᓄᓇᓕᖓᓄᑦ ᑭᐅᒋᐊᖅᐸᒃᖢᑎᒃᓗ ᐊᐱᖅᑯᑎᒃᓴᓕᖕᓄᑦ ᓄᓇᓕᖕᒥᐅᑕᓂᒃ.
2017 ᖃᒪᓂᑦᑐᐊᖅ ᑎᑭᕋᕐᔪᐊᕐᓗ ᓄᓇᓕᖏᓐᓄᑦ ᐅᐸᒍᑎᓂᖅ
07/19/2017
ᒪᐃ 5th − 12th, ᐋᓐᑐᕉ ᓄᓇᔾ ᐊᒻᒪ ᑕᐃᕕᑦ ᖁᐊᕋᖅ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒻᒪᕇᒃ, ᐅᐸᒍᑎᓪᓗᑎᒃ ᖃᒪᓂᑦᑐᐊᖅ ᑎᑭᕋᕐᔪᐊᒧᓪᓗ. ᑕᐃᑲᓂ, ᐋᓐᑐᕉ ᐊᒻᒪ ᑕᐃᕕᑦ ᑲᑎᖃᑎᖃᕐᖢᑎᒃ ᐅᓄᖅᑐᓂᒃ ᐃᓚᒋᔭᐅᔪᓂᒃ ᓄᓇᓕᖕᓂ. ᖃᒪᓂᑦᑐᐊᕐᒥ, ᑕᒪᒃᑮᓂᒃ ᐃᓕᓐᓂᐊᕐᕕᖕᒦᑲᑕᓚᐅᖅᑑᒃ ᐅᖃᖃᑎᖃᕐᖢᑎᒃ ᓄᑕᖅᑲᑦ ᐱᔪᓐᓇᐅᑎᖏᓐᓂ ᐃᓕᓐᓂᐊᖅᑎᓄᑦ ᐃᓕᓐᓂᐊᓕᓵᖅᑐᓂ ᖁᑦᑎᖕᓂᓕᖕᓄᑦ ᑕᓪᓕᒪᓄᑦ ᕋᐃᑦᓱ ᐊᕐᖕᓇᒻᒪᒃᑎᖅ ᒥᑭᓐᓂᖅᓴᓄᑦ ᐃᓕᓐᓂᐊᕐᕕᖕᒥ ᖁᑦᑎᖕᓂᓕᖕᓄᑦ 6-12 ᔫᓇ ᐊᒥᑦᓈᖅ ᐃᓕᓐᓂᐊᕐᕕᖓᓂ. ᑲᑎᖃᑎᖃᕆᓪᓗᑎᒃ ᒐᕙᒪᒃᑯᑦ ᐱᔨᑦᑎᕋᖅᑎᒃᑯᖏᑕ ᐱᑎᑦᑎᔨᖏᓐᓂ ᐃᓚᐅᓪᓗᑎᒃ ᐃᓕᓴᐃᔨᑦ, ᐃᓗᐊᖅᓴᐃᔨᑦ, ᒪᒃᑯᒃᑐᓕᕆᔨᑦ, ᐊᓯᒃᑲᓐᓂᖏᓪᓗ. ᓄᓇᓕᖓ ᐃᓚᐅᖃᑕᐅᑦᑎᐊᓚᐅᖅᑐᑦ ᐅᖃᖃᑎᖃᕐᓂᕐᒥ ᐃᖅᑲᓇᐃᔮᖓᓂ ᑎᑎᕋᕐᕕᐅᑉ ᑐᙵᓇᑦᑎᐊᕐᖢᑎᒃᓗ. ᐋᓐᑐᕉ ᐊᒻᒪ ᑕᐃᕕᑦ ᑭᐳᖃᓚᐅᖅᑑᒃ ᓂᐅᕕᕐᕕᖕᒥ ᐅᓄᖅᑐᑦ ᐱᔪᒪᓂᖃᑦᑎᐊᖅᑐᑦ ᖃᑕᙳᑎᒌᑦ ᓄᓇᓕᐅᔪᓪᓗ ᐃᓕᑦᑎᒃᑲᓐᓂᕈᓐᓇᓚᐅᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑕ ᑭᒡᒐᖅᑐᐃᔨᖏᓐᓂ.
2017 ᐊᐅᓱᐃᑦᑐᖅ ᓄᓇᓕᖓᓄᑦ ᐅᐸᒍᑎᓂᖅ
07/19/2017
ᐅᐸᒍᑎᓯᒪᑎᓪᓗᒋ ᐊᐅᓱᐃᑦᑐᒧᑦ ᒪᐃ 2017−ᒥ, ᑰᓪᐱ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒻᒪᕆᒃ, ᐃᒃᐱᒋᓚᐅᖅᑐᖅ ᐅᐸᒍᑎᓯᒪᓂᕐᒥᓂᒃ ᐊᑕᐅᓯᐅᓪᓗᓂ ᖃᑕᙳᑎᒌᒃᔪᐊᓂ. ᓄᓇᓕᖕᒥ ᐃᓚᒋᔭᐅᔪᑦ ᐱᓕᕆᔨᒻᒪᕆᓪᓗ ᑲᑎᑦᑐᐃᓐᓇᐅᓪᓗᑎᒃ ᐃᑲᔪᖅᓱᐃᓇᓱᒃᖢᑎᒃ ᐃᖕᒥᖕᓄᑦ. ᑰᓪᐱ ᑕᐅᑐᒍᓐᓇᓚᐅᖅᑐᖅ ᐸᓖᓯᒃᑯᑦ ᐅᓪᓛᕈᕐᒥᓴᓕᐅᖅᑎᓪᓗᒋᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᓄᑦ. ᐱᔪᓐᓇᓚᐅᕐᒥᔪᖅ ᐃᓚᐅᖃᑕᐅᓪᓗᓂ ᓄᓇᓕᖕᒥ ᓂᕆᕕᒃᔪᐊᕐᓇᒥ ᓈᓚᒃᖢᓂᓗ ᐃᓚᖓᓂ ᐃᓐᓇᑐᖃᕐᒥ ᐅᓂᒃᑳᖅᑐᒥ ᐃᓅᓯᕐᒥᓂᒃ. ᐱᒻᒪᕆᐅᓛᖑᔪᖅ, ᑰᓪᐱ ᐅᖃᖃᑎᖃᕈᓐᓇᓚᐅᖅᑐᖅ ᓄᑕᖅᑲᓂᒃ ᓄᓇᓕᖕᒥ ᐊᒥᖅᑳᖃᑎᒌᒃᖢᑎᒃ ᐃᓱᒪᒋᔭᕐᒥᓂᒃ ᐃᓱᒫᓘᑎᖏᓐᓂᒃᓗ. ᖁᕕᐊᓱᖕᓂᕐᒥ ᐃᒃᐱᒋᓚᐅᖅᑐᖅ ᒪᑐᐃᖓᑦᑎᐊᕐᓂᖏᓐᓂᒃ ᓱᓕᑦᑎᐊᕐᓂᖏᓐᓂᒃᓗ ᒪᒃᑯᒃᑐᑦ ᐅᐱᑦᑎᐊᕐᖢᓂᓗ ᑐᓴᕆᐊᒃᓴᖅ ᐃᒪᓐᓈᖅᑐᕈᑎᖏᓐᓂ. ᑕᐅᑦᑐᖓ ᐊᔾᔨᖃᓚᐅᖅᑐᖅ ᐃᓄᖏᓐᓂ ᓄᓇᓕᖕᒥ; ᐱᐅᔪᐊᓗᒃ ᐳᐃᒍᒐᒃᓴᐅᓇᓂᓗ.
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᐊᓪᓚᕕᖓ ᑭᒻᒥᕈᒻᒦᓚᐅᖅᑐᑦ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᐊᓪᓚᕕᖓ ᑭᒻᒥᕈᒻᒦᓚᐅᖅᑐᑦ
04/19/2017
ᕕᕗᐊᕆ 6, 2017 ᐱᓇᓱᐊᕈᓯᐊᓂᑦ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᒃ, ᑯᕆᔅᑕ ᑯᓄᒃ ᑭᒻᒥᕈᒻᒧᑦ ᐳᓛᓚᐅᕐᒪᑦ, ᐃᓕᓐᓂᐊᖅᑎᓂ ᐃᓕᓐᓂᐊᕆᐅᓕᓵᑐᓂᑦ ᐃᓕᓐᓂᐊᕐᓂᓕᓐᓄᑦ 12ᓄᑦ ᐅᖃᐅᓯᖃᓚᐅᖅᑐᖅ ᖃᐅᔨᒪᖁᔨᓪᓗᓂ ᐊᔪᖏᔾᔪᑎᖏᓐᓂᑦ. ᓄᓇᓕᓐᓄᑦ ᐳᓛᕆᐊᖅᓯᒪᓂᕆᓚᐅᖅᑕᖓ ᐱᕕᖃᓚᐅᕐᒥᔪᖅ ᑲᑎᖃᑎᖃᕈᓐᓇᓚᐅᕐᒪᑦ ᐊᔾᔨᒌᖏᑦᑐᓂᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᐅᔪᓂᑦ ᐃᓚᒋᔭᐅᓪᓗᑎᒃ ᐃᓄᓕᕆᔨᒃᑯᑦ, ᑭᒻᒥᕈᒻᒥᑦ ᐋᓂᐊᓯᐅᖅᑎᓂᑦ, ᐃᓚᒋᓪᓗᒋ ᕼᐊᒻᓚᒃᑯᑦ. ᑯᕆᔅᑕ ᖁᕕᐊᓚᐅᖅᑐᖅ ᑐᙵᓱᑦᑎᑕᐅᓂᕐᒥᓂᑦ, ᐊᒻᒪᓗ ᐱᓕᕆᖃᑎᖃᒃᑲᓐᓂᕈᒪᔪᖅ ᑭᒻᒥᕈᒻᒥᐅᓂᑦ, ᓴᐳᒻᒥᔭᐅᔪᓐᓇᕐᓂᖏ ᐱᔪᓐᓇᐅᑎᖏᓐᓄᑦ ᐊᒻᒪᓗ ᖃᓄᐃᖁᓇᖏᑦ ᐅᕕᒃᑲᐃ ᓱᕈᓰᓪᓗ ᓄᓇᕗᓕᒫᒥᑦ.
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐅᐸᒍᑎᕗᖅ ᓴᓂᑭᓗᐊᕐᒧᑦ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐅᐸᒍᑎᕗᖅ ᓴᓂᑭᓗᐊᕐᒧᑦ
03/02/2017

ᔮᓄᐊᕆ 15−ᒥᑦ 19-ᒧᑦ, 2017−ᒥ, ᓈᓐᓯ ᐱᐅᓪᓚᕆᓐ, ᖃᕆᓴᐅᔭᑎᒎᖓᔪᓂᒃ ᖃᐅᔨᓴᖅᑎᒻᒪᕆᐅᖃᑕᐅᔪᖅ ᓴᓂᑭᓗᐊᕐᒧᑦ ᐳᓛᕆᐊᓚᐅᖅᐳᖅ. ᓂᐅᕐᕈᓯᒪᑎᓪᓗᒍ, ᓈᓐᓯ ᓄᐃᔭᒃ ᓄᑲᖅᖡᑦ ᐃᓕᓐᓂᐊᕐᕕᐅᑉ ᐃᓕᓐᓂᐊᖅᑎᖏᓐᓂᒃ ᐊᒻᒪ ᐃᖅᑲᓇᐃᔭᖅᑎᖏᓐᓂᒃ ᐱᓕᕆᖃᑎᖃᕈᓐᓇᖅᓯᓚᐅᖅᐳᖅ. ᑲᑎᖃᑎᖃᓚᐅᕆᓪᓗᓂ ᓄᓇᕗᒻᒥ ᓯᕗᓂᒃᓴᒥ ᐃᓕᓴᐃᔨᒃᓴᑦ ᐃᓚᖏᓐᓂᒃ; ᐃᓕᓐᓂᐊᖅᑏᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐃᓕᓴᐃᔨᒃᓴᑦ ᐃᓕᓐᓂᐊᕈᑎᖏᓐᓄᑦ ᐊᒻᒪᓗᑦᑕᐅᖅ ᐊᓯᖏᓐᓂᒃ ᓄᓇᕗᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᔪᓂᒃ. ᐹᑦᓵᓕ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑏᑦ ᐃᓕᓐᓂᐊᕈᑎᒥᖕᓂ ᖃᐅᔨᓴᖅᑕᐅᒐᓗᐊᖅᑎᓪᓗᒋᑦ, ᓈᓐᓯᐅᑉ ᑲᑎᙵᖃᑎᒋᔪᓐᓇᓚᐅᖅᐸᖏᑦ ᐱᒻᒪᕆᐅᔪᓂᒡᓗ ᐅᖃᖃᑎᒋᔪᓐᓇᖅᓯᓪᓗᓂᒋᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐊᒻᒪ ᑎᑎᕋᕐᕕᒃᐳᑦ ᐱᔾᔪᑎᒋᓪᓗᒋᑦ. ᓈᓐᓯ ᑲᑎᖃᑎᖃᓚᐅᕆᕗᖅ ᐸᐃᕆᕝᕕᐅᑉ ᐃᖅᑲᓇᐃᔭᖅᑎᖏᓐᓂᒃ, ᒐᕙᒪᒃᑯᓐᓂ ᐱᔨᑦᑎᕋᖅᑎᓂᒃ, ᕼᐋᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐅᖃᓚᐅᖅᖢᓂᓗ ᑐᑭᓯᕚᓪᓕᕕᒡᔪᐊᓚᐅᕐᓂᖓᓂᒃ ᑲᑎᒪᖃᑎᖃᖅᖢᓂ ᐃᓐᓇᐃᑦ ᐃᓚᖓᓐᓂᒃ ᓄᓇᓕᖕᓂ.

ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᓂᐅᕐᕈᓚᐅᖅᑐᑦ ᐊᕐᕕᐊᓄᑦ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᓂᐅᕐᕈᓚᐅᖅᑐᑦ ᐊᕐᕕᐊᓄᑦ
03/01/2017

ᐱᓇᓱᐊᕈᓯᖓᓂ ᔮᓐᓄᐊᕆ 15ᒥᑦ 19ᒧᑦ, 2017, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐃᖅᑲᓇᐃᔭᖅᑎᖁᑎᖏᑦ ᓕᓐ ᒫᑦ, ᑕᐃᕕᑎ ᖁᐊᕋᖅ ᐊᒻᒪ ᑲᐃᑎ ᑎᑦᕼᐋᒻ ᐊᕐᕕᐊᓂ ᑐᙳᓱᒃᑎᑕᐅᓚᐅᖅᑐᑦ. ᓕᓐ, ᑕᐃᕕᑦ ᐊᒻᒪ ᑲᐃᑎ ᓄᓇᓕᒻᒥ ᐱᔨᑦᓯᕋᖅᑎᓂᒃ ᑲᑎᖃᑎᖃᓚᐅᖅᑐᑦ, ᐃᓚᒋᓪᓗᓂᒋᑦ ᐋᓐᓂᐊᖅᑐᓕᕆᔨᐅᔪᑦ, ᐃᓕᓴᐃᔩᑦ, ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᐸᓖᓯᒃᑯᑦ.

ᐱᐅᓂᖅᐹᕆᔭᐅᓚᐅᖅᑐᖅ ᐊᕐᕕᐊᓂ ᐅᖃᓪᓚᒃᑎᓪᓗᒋᑦ ᑲᑎᖃᑎᖃᖅᑎᓪᓗᒋᓗ ᐃᓕᓐᓂᐊᖅᑎᐅᔪᓂᑦ ᐱᖓᓱᓂᑦ ᐃᓕᓐᓂᐊᕐᕕᓐᓂ; ᓕᕙᐃ ᐊᖕᒪᒃ ᓄᑲᖅᑎᐅᔪᓄᑦ ᐃᓕᓐᓂᐊᕐᕕᐅᔪᖅ, ᕿᑎᖅᖠᖅ ᐊᑯᓐᓂᖅᓱᖅᑐᓄᑦ ᐃᓕᓐᓂᐊᕐᕕᐅᔪᖅ ᐊᒻᒪᓗ ᔮᓐ ᐊᕐᓈᓗᕐᔪᐊᖅ ᐃᓕᓐᓂᐊᕐᕕᐊᓗᖕᒥ. ᐃᓕᓐᓂᐊᖅᑏᑦ ᐊᓕᐊᓇᐃᒍᓱᓚᐅᖅᑐᑦ ᐱᓕᕆᑦᑎᐊᖅᑐᑎᓗ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᖓᑕ ᐱᓕᕆᐊᒃᓴᕆᕙᒃᑕᖏᓐᓂᒃ, ᐊᐱᖅᓱᕈᓘᔭᖅᑐᑎ ᐅᖃᐅᓯᖃᖅᑐᑎᓗ ᖃᐅᔨᒪᓂᕆᔭᖏᓐᓂᒃ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ.

Pages