ᐱᓇᓱᐊᕈᓯᖓᓂ ᔮᓐᓄᐊᕆ 15ᒥᑦ 19ᒧᑦ, 2017, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐃᖅᑲᓇᐃᔭᖅᑎᖁᑎᖏᑦ ᓕᓐ ᒫᑦ, ᑕᐃᕕᑎ ᖁᐊᕋᖅ ᐊᒻᒪ ᑲᐃᑎ ᑎᑦᕼᐋᒻ ᐊᕐᕕᐊᓂ ᑐᙳᓱᒃᑎᑕᐅᓚᐅᖅᑐᑦ. ᓕᓐ, ᑕᐃᕕᑦ ᐊᒻᒪ ᑲᐃᑎ ᓄᓇᓕᒻᒥ ᐱᔨᑦᓯᕋᖅᑎᓂᒃ ᑲᑎᖃᑎᖃᓚᐅᖅᑐᑦ, ᐃᓚᒋᓪᓗᓂᒋᑦ ᐋᓐᓂᐊᖅᑐᓕᕆᔨᐅᔪᑦ, ᐃᓕᓴᐃᔩᑦ, ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᑦ ᐊᒻᒪᓗ ᐸᓖᓯᒃᑯᑦ.
ᐱᐅᓂᖅᐹᕆᔭᐅᓚᐅᖅᑐᖅ ᐊᕐᕕᐊᓂ ᐅᖃᓪᓚᒃᑎᓪᓗᒋᑦ ᑲᑎᖃᑎᖃᖅᑎᓪᓗᒋᓗ ᐃᓕᓐᓂᐊᖅᑎᐅᔪᓂᑦ ᐱᖓᓱᓂᑦ ᐃᓕᓐᓂᐊᕐᕕᓐᓂ; ᓕᕙᐃ ᐊᖕᒪᒃ ᓄᑲᖅᑎᐅᔪᓄᑦ ᐃᓕᓐᓂᐊᕐᕕᐅᔪᖅ, ᕿᑎᖅᖠᖅ ᐊᑯᓐᓂᖅᓱᖅᑐᓄᑦ ᐃᓕᓐᓂᐊᕐᕕᐅᔪᖅ ᐊᒻᒪᓗ ᔮᓐ ᐊᕐᓈᓗᕐᔪᐊᖅ ᐃᓕᓐᓂᐊᕐᕕᐊᓗᖕᒥ. ᐃᓕᓐᓂᐊᖅᑏᑦ ᐊᓕᐊᓇᐃᒍᓱᓚᐅᖅᑐᑦ ᐱᓕᕆᑦᑎᐊᖅᑐᑎᓗ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᖓᑕ ᐱᓕᕆᐊᒃᓴᕆᕙᒃᑕᖏᓐᓂᒃ, ᐊᐱᖅᓱᕈᓘᔭᖅᑐᑎ ᐅᖃᐅᓯᖃᖅᑐᑎᓗ ᖃᐅᔨᒪᓂᕆᔭᖏᓐᓂᒃ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ.
ᔭᓐᓄᐊᓕ 2017, ᒪᒃᑯᑦᑐᓄᑦ ᓄᑕᖅᑲᕐᓄᓪᓗ ᑭᒡᒐᖅᑐᐃᔩᑦ ᐃᖅᑲᓇᐃᔭᖅᑎᖏᑦ ᓕᓐ ᒫᑦ, ᑲᐃᑎ ᑎᑦᕼᐋᒻ, ᓈᓐᓯ ᐱᕋᓗᕆᓐ, ᑕᐃᕕᑎ ᖁᐊᕋᖅᓗ ᐳᓛᕆᐊᓚᐅᖅᑐᑦ ᐊᓪᓚᕝᕕᖓᓂᑦ ᓄᑕᖅᑲᕐᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᐃᕕᖓᓂᑦ ᐃᐊᑦᒪᑕᓐ, ᐃᐅᕘᑕᒥᑦ.
ᐱᔾᔪᑎᖓ ᐳᓛᕆᐊᕐᓂᐅᑉ ᐃᑲᔪᖅᑕᐅᓂᐊᖅᑎᓪᓗᑕ ᓴᓇᓂᕐᒥᑦ ᐊᑐᖅᑕᐅᖃᑦᑕᖅᑐᓂᑦ ᖃᐅᔨᓴᕐᓂᕐᒧᓪᓗ ᖃᐅᔨᒪᓂᖃᕐᓂᕐᒥᑦ ᑐᓐᖓᕕᐅᓗᓂ ᖃᐅᔨᓴᖅᑕᐅᑦᓯᐊᕐᓗᑎᓪᓗ. ᐱᕙᓪᓕᐊᑎᑦᓯᓂᕐᒥᑦ ᐱᓕᕆᐊᕆᖃᑦᑕᖅᑕᑎᓐᓂᑦ ᓯᕗᓪᓕᐅᔾᔨᒋᐊᖃᕐᑕᕗᑦ ᒪᒃᑯᑦᑐᓄᑦ ᓄᑕᖅᑲᕐᓄᓪᓗ ᑭᒡᒐᖅᑐᐃᔩᑦ ᐊᓪᓚᕝᕕᖓᓂᑦ ᖃᐃᔪᓄᑦ ᐊᕐᕌᒍᓐᓄᑦ.
ᐱᒋᐊᙵᕐᓂᖓᓂᑦ ᐆᑦᑑᕝᕙ ᐅᑉ 2016. ᐅᑯᐊᑕᒡᒐ ᓄᑕᖅᑲᕐᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᐃᔨ ᖃᐅᔨᒪᔨᑕᐅᑉ, ᑰᓪᐱ ᐅ’ᑖᓐᓂᐅᓪ, ᐅᖃᐅᓯᑦᓴᖏᑦ ᐊᐅᓪᓚᖅᓯᒪᓂᕆᓚᐅᖅᑕᖓᓄᑦ.
ᓛᕆᐊᖅᓯᒪᑎᓪᓗᖓ, ᐊᒥᓲᓚᐅᖅᑐᑦ ᓇᓗᓇᐃᖅᓯᔾᔪᑏᑦ, ᑭᓯᐊᓂ ᑲᑎᓐᓂᕐᒥᑦ ᓄᑕᖅᑲᓂᑦ ᒪᒃᑯᑦᑐᓂᓪᓗ ᓴᓪᓕᖅᒥᑦ ᓯᕗᓪᓕᐅᔾᔨᓯᒪᓚᐅᖅᑕᒃᑲ. ᐊᒥᓲᓚᐅᖅᑐᑦ ᑕᑯᔪᒥᓇᖅᑐᑦ ᐅᖃᖃᑎᒌᓐᓂᕗᑦ ᒪᒃᑯᑦᑐᐃᑦ ᐅᕙᖓᓗ ᐱᔾᔪᑎᒋᑦᓱᒍ ᐅᓂᒃᑳᕐᓂᕆᓚᐅᖅᑕᕋᓄᑦ ᓄᓇᓕᓐᓂᑦ ᐃᓕᓐᓂᐊᕐᕕᒻᒥᑦ ᓄᑕᖅᑲᕐᐃᑦ ᐱᔪᓐᓇᐅᑎᖏᓐᓂᑦ. ᓄᓇᓖᑦ ᑐᙵᓇᖅᑐᒪᕆᐅᓚᐅᖅᑐᑦ, ᐊᑐᓂᓪᓗ ᐃᓄᐃᑦ ᑲᑎᑕᒃᑲ ᐱᖃᓐᓂᖅᑐᐹᓘᓚᐅᖅᑐᑦ ᐅᖃᓪᓚᐅᑎᖃᑦᓯᐊᖅᓱᑎᓪᓗ. ᖁᕕᐊᓇᓚᐅᖅᑐᖅ ᐱᓕᕆᖃᑎᖃᕐᓂᕐᒥᑦ ᐊᒥᓱᓂᑦ ᐊᔾᔨᒌᖏᑦᑐᓂᑦ ᐃᓄᓐᓂᑦ ᓄᓇᓕᓐᓂᑦ. ᖁᔭᓐᓇᒦᕈᒪᕙᒃᑲ ᑭᒃᑯᑐᐃᓐᓇᑦᓯᐊᑦ ᐱᕕᖃᓚᐅᖅᑐᓂᑦ ᐃᑦᓯᕙᖃᑎᖃᕐᓂᕐᒥᑦ ᐅᖃᖃᑎᖃᕐᓂᕐᒥᓪᓗ ᐅᕙᓐᓂᑦ ᓴᓪᓕᖅᒦᑎᓪᓗᖓ.”
ᓄᕕᑉᐱᕆ 24, 2016−ᒥᑦ, ᓄᓇᕗᒻᒥᑦ ᑭᒡᒐᖅᑐᐃᔨᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᒪᓕᒐᓕᐅᕐᕕᖕᒦᖑᐊᖅᑎᓪᓗᒋᑦ ᐱᖃᑕᐅᓚᐅᖅᐳᖅ. ᑲᑎᒪᓂᐅᓚᐅᖅᐳᖅ, ᑭᒡᒐᖅᑐᐃᔨᑦ ᐅᖃᓪᓚᖃᑎᖃᖅᑎᓪᓗᒋᑦ ᒪᒃᑯᒃᑐᑦ ᒥᓂᔅᑕᓄᑦ ᑭᒡᒐᖅᑐᐃᔨᓂᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊᓂ ᐊᒻᒪ ᑭᐅᖃᑦᑕᖅᖢᑎᑦ ᐊᐱᖅᑯᑎᓂᑦ ᐊᔾᔨᒌᖏᑦᑐᓂᒡᓗ ᐊᑲᐅᖏᓕᐅᕈᑎᓂ.
“ᑖᓐᓇ ᑲᑎᒪᓂᐅᓚᐅᖅᑐᖅ ᐊᑑᑦᑎᐊᓚᐅᖅᐳᖅ ᑲᑎᑦᑎᔪᓐᓇᓚᐅᕐᒪᑦ ᒪᒃᑯᒃᑐᓂᑦ ᓇᒥᑐᐃᓐᓇᖅ ᓄᓇᕗᒻᒥᑦ ᐊᒻᒪ ᑎᑎᕋᕐᕕᕗᑦ ᐊᓕᓇᐃᒍᓱᓚᐅᖅᐳᖅ ᐱᖃᑕᐅᔪᓐᓇᐅᓚᐅᕐᒪᑕ,” ᑭᒡᒐᖅᑐᐃᔨ ᓯᐅᕆ ᒪᒃᓃᔪ-ᒧᓚᒃ ᐅᖃᓚᐅᖅᐳᖅ. “ᐅᐱᒍᓱᓚᐅᖅᐳᒍ ᐊᑲᐅᓕᐅᕈᑎᓂᑦ ᒪᒃᑯᒃᑐᑦ ᐅᖃᕈᓐᓇᓚᐅᕐᒪᑕ ᐊᐱᖅᓱᕈᓐᓇᕐᓂᕆᓚᐅᖅᑕᒥᖕᓂᒃ.”
ᑳᔫᒃ ᖃᑉᓛᓕᒃ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᕙᖕᓂᕐᒧᑦ ᐱᓕᕆᔨᓪᓚᕆᒃ, ᖃᖓᑦᑎᐊᓵᖅ ᑲᖏᖅᖠᓂᕐᒥᐅᓄᙵᐅᓚᐅᖅᑐᖅ ᑕᐃᑯᙵᐅᖃᑎᖃᑦᖢᓂ ᐆᒥᖓ, ᓯᐅᕋᓐ ᕆᐊᓲᕐ, ᑐᑭᒧᐊᖅᑎᑦᑎᔨᒋᔭᕗᑦ ᓄᑕᖅᑲᓂᒃ ᒪᒃᑯᒃᑐᓂᒡᓗ ᑭᒡᒐᖅᑐᐃᕙᖕᓂᕐᒧᑦ ᐱᔨᑦᑎᕋᕐᓂᕆᕙᒃᑕᑦᑎᓐᓂᒃ. ᐃᒪᓐᓇ ᑳᔫᒃ ᐅᖃᓚᐅᖅᑐᖅ ᐳᓛᕆᐊᕐᓂᕆᓚᐅᖅᑕᒥᓄᑦ:
“ᑕᒪᓐᓇ ᓇᒧᙵᐅᓂᕆᔭᐅᔪᖅ ᓇᐅᔮᓕᐊᕐᓂᐅᓂᐊᓚᐅᕋᓗᐊᖅᐳᖅ, ᑭᓯᐊᓂ ᑕᐃᒪᐃᓚᐅᙱᓚᖅ ᓯᓚ ᐱᔾᔪᑎᒋᓪᓗᒍ ᓯᓚᐅᓪᓗ ᓴᙱᓂᕆᔭᖓᓄᑦ. ᑕᐃᑯᙵᐅᙱᖔᖅᖢᓄᒃ, ᓯᐅᕋᓐᓗ ᑲᖏᖅᖠᓂᕐᒦᓕᓚᐅᖅᐳᒍᒃ. ᑕᒪᓐᓇ ᑕᐃᑯᙵᐅᓂᕆᔭᕗᒃ ᐅᕙᓐᓄᑦ ᐃᖅᑲᐃᓐᓇᖃᑦᑕᓚᐅᖅᐳᖅ ᓲᖃᐃᒻᒪ ᐃᓅᓯᓕᒫᑲᓴᖕᓂ ᑕᐃᑲᓂᕐᒥᐅᑕᐅᓚᐅᖅᓯᒪᔪᖓ!
ᓈᓐᓯ, ᖃᓄᐃᓕᐅᖅᑕᐅᕙᓪᓕᐊᔪᓂᒃ ᖃᐅᔨᓴᖅᑎᒋᔭᕗᑦ ᐊᒻᒪᓗ ᐅᑎᐅᓪ, ᐊᐅᓚᑦᑎᔨᒋᔭᕗᑦ ᑐᓴᐅᒪᑎᑦᑎᕙᖕᓂᕐᒧᑦ, ᐅᑎᓵᑦᑎᐊᓚᐅᖅᐳᒃ ᑲᑎᒪᖃᑎᖃᕐᓂᕆᓚᐅᖅᑕᒥᓂᒃ ᒪᒃᑯᒃᑐᓂᒃ ᐱᓕᕆᑎᑦᑎᔨᒋᔭᐅᕙᒃᑐᓂᒡᓗ ᐃᒡᓗᓕᒑᕐᔪᖕᒥᐅᓂ ᑲᖏᖅᖠᓂᕐᒥᐅᓂᓗ. ᐃᒪᓐᓇ ᓈᓐᓯ ᐅᖃᐅᓯᖃᓚᐅᖅᑐᖅ ᑕᒪᑐᒧᖓ ᑕᐃᒃᑯᖕᓄᙵ ᓄᓇᓕᖕᓄᙵᐅᓂᕆᓚᐅᖅᑕᒥᖕᓄᑦ:
ᑰᓪᐱ, ᐃᓚᖓᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᓕᕆᔨᒋᕙᒃᑕᕗᑦ, ᖃᖓᑦᑎᐊᓵᖅ ᐅᑎᓵᓚᐅᖅᑐᖅ ᑲᑎᖃᑎᖃᖃᑦᑖᓪᓚᓚᐅᖅᖢᓂ ᒪᒃᑯᒃᑐᓂᒃ ᐱᔨᑦᑎᕋᖅᑎᒋᔭᐅᕙᒃᑐᓂᒡᓗ ᐅᑯᓇᓂ ᓄᓇᓕᖕᓂ, ᑕᓗᕐᔪᐊᖅ, ᖁᕐᓗᖅᑐᖅ ᐊᒻᒪᓗ ᐃᖃᓗᒃᑑᑦᑎᐊᖅ. ᐃᒪᓐᓇ ᐅᖃᐅᓯᒃᓴᖃᓚᐅᖅᑐᖅ ᑕᒪᑐᒧᖓ ᑕᐃᒃᑯᓄᙵᐅᓂᕆᓚᐅᖅᑕᒥᓄᑦ:
ᖁᕕᐊᓇᑦᑎᐊᓚᐅᖅᐳᖅ ᑭᙵᒦᑎᓪᓗᑕ ᒫᔾᔨ 29-ᒥ ᐊᐃᕆᓕ 1-ᒧ, 2016.
ᑐᙵᓇᑦᑎᐊᖅᑐᓂᒃ ᓄᑕᖅᑲᓂᒃ ᒪᒃᑯᒃᑐᓂᓪᓗ ᐅᓄᖅᑐᓂᒃ ᑕᑯᓚᐅᖅᐳᒍᑦ! ᑕᑯᔪᒥᓇᖅᑐᖅᑕᖃᐅᓚᐅᕋᓗᐊᖅᐳᖅ ᑭᓯᐊᓂ ᐃᓕᑕᕆᔪᒪᑦᑎᐊᖅᐸᕗᑦ ᐃᓕᓐᓂᐊᖅᑏᑦ, ᐊᖓᔪᖅᑳᕆᔭᐅᔪᑦ ᐸᖅᑭᔨᒋᔭᐅᔪᓪᓗ ᐊᒻᒪ ᐃᖅᑲᓇᐃᔭᖅᑏᑦ ᐲᑕ ᐱᑦᑎᐊᓛᖅ ᐊᖓᔪᖅᖡᑦ ᐃᓕᓐᓂᐊᕐᕕᖓᓂ ᓵᒻ ᐳᑦᓚᑦ ᓄᑲᖅᖡᑦ ᐃᓕᓐᓂᐊᕐᕕᖓᓂᓗ.
ᐅᑭᐊᒃᓵᖅ ᐱᒋᐊᖅᖢᓂ, ᓄᑲᖅᖡᑦ ᐊᒻᒪ ᐊᖓᔪᒃᖡᑦ ᐃᓕᓐᓂᐊᕐᕕᖏᑕ ᐃᖅᑲᓇᐃᔭᖅᑎᖏᑦ ᐃᓕᓐᓂᐊᖅᑎᖏᓪᓗ ᓄᑲᖅᖡᑦ ᐃᓕᓐᓂᐊᕐᕕᖓᓂ ᐊᑐᖃᑦᑕᖅᓯᒪᖕᒪᑕ ᑭᖑᕝᕕᖅᑕᖅᑎᒌᒃᖢᑎᒃ. ᑕᒪᐃᓐᓂᒃ ᐃᓕᓐᓂᐊᕐᕕᖕᒦᑲᑕᒃᖢᑎᒃ ᐱᓕᕆᖃᑎᒌᓪᓚᑦᑖᖅᖢᑎᒡᓗ ᐊᒃᓱᕈᕐᓇᖅᑐᓂᒃ ᐱᓕᕆᐊᒃᓴᖃᕋᓗᐊᖅᑎᓪᓗᒋᑦ ᐊᑕᐅᓯᕐᒥ ᐃᓕᓐᓂᐊᕐᕕᖕᒦᑲᑕᒃᑎᓪᓗᒋᑦ ᐃᒃᐱᖕᓇᑦᑎᐊᓚᐅᖅᐳᖅ. ᐱᓕᕆᖃᑕᐅᓚᐅᖅᑐᓕᒫᑦᑎᐊᑦ ᐅᐱᒋᔭᐅᑦᑎᐊᖅᐳᑦ!
ᓯᐅᕋᓐ, ᑐᑭᒧᐊᒃᑎᑦᑎᔨᕗᑦ ᑭᒡᒐᖅᑐᐃᕕᖕᒥᑦ, ᑰᓪᐱᓗ, ᐃᓚᒋᔭᐅᔪᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᓂᑦ, ᐅᖅᓱᖅᑑᒧᐊᓚᐅᖕᒪᑕ ᑰᒑᕐᔪᖕᒧᓪᓗ ᕕᕝᕗᐊᕆ 2016−ᖑᑎᓪᓗᒍ.
ᐳᓛᕆᐊᖕᓂᖏᑦ ᐃᓚᒋᔭᐅᖃᑕᐅᔪᖅ ᑎᑎᕋᕐᕕᑦᑕ ᓄᓇᓕᖕᓄᐊᖕᓂᒃᓴᖏᓐᓄᑦ ᓄᓇᕗᒻᒥᑦ. ᑖᒃᑯᐊ ᐳᓚᕋᖕᓃᑦ ᐱᕕᖃᐅᑕᐅᕗᑦ ᑎᑎᕋᕐᕕᖕᒥᐅᑕᕗᑦ ᑲᑎᖃᑎᖃᕈᓐᓇᖁᓪᓗᒋᑦ ᓄᓇᕗᒻᒥᐅᑕᓪᓚᕆᖕᓂᑦ, ᑐᓴᕐᑎᓪᓗᒋᓪᓗ ᖃᓄᐃᓕᐅᖅᐸᖕᒪᖔᑦᑕ, ᐱᓗᐊᖅᑐᒥᒡᓗ, ᑐᓵᓗᑎᒍᑦ ᓄᑕᖅᑲᕗᑦ, ᒪᒃᑯᒃᑐᖁᑎᕗᑦ, ᐃᓚᒌᑦ ᐊᓯᖏᓪᓗ ᓄᓇᕗᒻᒦᑦᑐᑦ ᐊᔾᔨᒌᙱᑦᑑᑏᑦ ᖃᓄᐃᓕᔭᒃᓴᖃᖕᒪᖔᖏᓐᓂᑦ.
ᓯᐅᕆ, ᑭᒡᒐᖅᑐᐃᔨ, ᐊᒻᒪ ᑯᕆᔅᑕ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᖃᑎᑦᑕ ᐃᓚᖓ, ᐃᒡᓗᓕᖕᒧᑦ ᓴᓂᕋᔭᖕᒧᓪᓗ ᐳᓛᕆᐊᓚᐅᕐᒪᑎᒃ ᕕᕗᐊᕆ, 2016-ᖑᑎᓪᓗᒍ.
ᐳᓛᕆᐊᖅᓯᒪᑎᓪᓗᒋᒃ ᐃᒡᓗᓕᖕᒧᑦ ᓴᓂᕋᔭᖕᒧᓪᓗ ᐃᓕᓐᓂᐊᕐᕕᖏᓐᓄᑦ ᐅᐸᒍᑎᔪᓐᓇᓚᐅᕐᒪᑎᑦ ᑕᑰᑎᔪᓐᓇᓚᐅᖅᖢᑎᒡᓗ ᓄᓇᕗᒻᒥᐅᑦ ᒪᒃᑯᒃᑐᑦ ᐃᓚᖏᓐᓂᒃ. “ᐃᓚᐅᑦᑎᐊᖃᑦᑕᓚᐅᖅᑐᑦ ᖁᕕᐊᒋᑦᑎᐊᓚᐅᖅᑕᕗᓪᓗ ᐅᖃᐅᓯᕆᔪᒪᔭᖏᑦ ᐅᖃᐅᓯᕆᔪᓐᓇᓚᐅᕐᒪᒋᑦ,” ᑯᕆᔅᑕ ᐅᖃᓚᐅᖅᐳᖅ. ᓯᐅᕆᒃᑯᒃ ᑯᕆᔅᑕᒃᑯᒃ ᑲᑎᖃᑎᖃᕈᓐᓇᓚᐅᕐᒥᔫᒃ ᒐᕙᒪᒃᑯᓐᓄᑦ ᐱᔨᑦᑎᕋᖅᑎᓄᑦ ᐱᓕᕆᖃᑎᖃᓲᓄᑦ ᓄᑕᖅᑲᓂᒃ, ᒪᒃᑯᒃᑐᓂᒃ, ᐃᓚᖏᓐᓂᒡᓗ (ᖃᑕᙳᑎᒌᓂᒃ).
ᑐᓴᖅᑎᑦᑎᓚᐅᕆᓪᓗᑎᒡᓗ ᐊᒡᓚᕝᕕᖓᓐᓂ ᖃᓄᐃᓕᐅᖅᐸᓪᓕᐊᖕᒪᖔᑕ ᑖᒃᑯᓄᖓᓗ ᐃᖅᑲᓇᐃᔭᖅᑎᓂᒃ ᑐᓴᕈᓐᓇᓚᐅᕆᓪᓗᑎᒃ ᐱᓕᕆᐊᖃᕐᔪᐊᓲᓂᒃ ᐃᑲᔪᕋᓱᒃᖢᒋᑦ ᓄᓇᕗᒻᒥ ᓄᑕᖅᑲᑦ ᐊᒻᒪ ᒪᒃᑯᒃᑐᑦ. ᐊᒡᓚᕝᕕᑦᑎᓐᓂ ᐊᓯᖏᓐᓄᑦ ᓄᓇᓕᖕᓄᑦ ᓄᓇᕗᒻᒥ ᐳᓛᕆᐊᒃᑲᓐᓂᖃᑦᑕᕈᒪᑦᑎᐊᖅᑐᒍᑦ!