ᓄᑕᖅᑲᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᐃᔨ 2019-2020 ᐊᕐᕌᒍᑕᒫᑦ ᐅᓂᒃᑳᓕᐊᖅ


ᐱᕙᓪᓕᐊᔪᑦ ᓴᖅᑭᑕᑦ
ᓯᑎᐱᕆ 22, 2020

ᓄᑕᖅᑲᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᐃᔨᐅᑉ ᓴᖅᑭᑕᖏᑦ ᖃᓄᐃᓕᖓᓕᖕᓂᖏᑦ ᒪᒃᑯᒃᑐᑦ ᓄᓇᕗᒻᒥᐅᑦ 2019-2020 ᐊᕐᕌᒍᓕᒫᖅᓯᐅᑎᒧᑦ ᐅᓂᒃᑳᖅ

ᐃᖃᓗᐃᑦ, ᓄᓇᕗᑦ – ᐃᓚᒋᔭᐅᓪᓗᓂ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ (ᑭᒡᒐᖅᑐᐃᔨ) 2019-2020 ᐊᕐᕌᒍᓕᒫᖅᓯᐅᑎᒧᑦ ᐅᓂᒃᑳᒥᑦ, ᐱᓇᔪᒃᓯᒪᓚᐅᕐᑐᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᐊ ᕿᒥᕐᕈᑎᑦᑎᓪᓗᓂ ᖃᓄᐃᒻᒪᖔᑦ ᒪᒃᑯᒃᓗᓂ ᓄᓇᕗᒻᒥᐅᑕᐅᓗᓂ, ᐱᓪᓗᒍ ᓄᓇᕗᑦ ᒐᕙᒪᒃᑯᖏᑦᑕ ᐱᔨᑦᑎᕋᐅᑎᖏᑦ.

ᖃᓄᐃᓕᐅᕈᒫᕐᓂᐊᕐᓂᖅ ᖃᓄᐃᓕᖓᓂᖏᓐᓂᑦ ᒪᒃᑯᑦᑐᑦ ᓄᓇᕗᒻᒥᐅᑦ ᕿᒥᕐᕈᔭᐅᓂᖓ "ᐊᑐᐃᓐᓇᐅᑎᑦᓯᓂᕐᒧᑦ ᐊᑐᖅᑕᐅᓂᐊᖅᑐᑦ ᑐᓴᐅᒪᔾᔪᑎᑦᓴᓂᑦ ᐊᑐᖅᑕᐅᒍᓐᓇᖅᑐᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ ᐃᓱᒪᓕᐅᖅᑎᓄᑦ ᑐᓴᖅᑎᑦᓯᓂᕐᒧᑦ ᐃᓱᒪᓕᐅᕈᑎᖏᓐᓂᑦ ᐃᑲᔪᕐᓂᕐᒥᓪᓗ ᐊᑐᐃᓐᓇᐅᑎᑦᓯᓂᕐᒥᑦ ᑐᑭᓯᓇᑦᓯᐊᖅᑐᓂᑦ, ᐱᓕᕆᖃᑎᒌᓪᓗᓂ ᑐᑭᒧᐊᑦᑎᑦᓯᓂᕐᒥᑦ ᖃᓄᖅ ᓯᕗᒧᐊᑦᓯᐊᕐᓂᕐᒧᑦ", ᐅᖃᕐᑐᖅ ᑭᒡᒐᖅᑐᐃᔨ, ᔭᐃᓐ ᐸᐃᑦᔅ.

ᒪᓕᒃᖢᒋᑦ ᑐᓴᖅᑕᐅᔪᑦ ᓄᑕᕋᓂᑦ−ᒪᒃᑯᒃᑐᓂᑦ−ᐱᔨᑦᑎᕐᑕᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᕝᕕᖏᓐᓂᑦ ᐆᒧᖓ, ᓇᓗᓇᙱᓚᖅ ᑐᓴᐅᒪᔭᒃᓴᑦ ᓄᓇᕗᑦ ᒐᕙᒪᒃᑯᖏᑦᑕ ᐱᔨᑦᑎᕋᐅᑎᖏᑦ ᑲᒪᒋᔭᐅᑦᑎᐊᙱᒻᒪᑕ ᑎᑎᕐᑕᐅᑦᑎᐊᕐᐸᒐᑎᒃ, ᐊᔾᔨᒌᙱᓐᓇᙱᑦᑐᑦ, ᐊᒡᓛᓪᓘᓐᓃᑦ, ᐱᓕᕆᕝᕕᐅᑉ ᐊᑐᐊᒐᖏᑦ. ᐃᓚᖏᓐᓂ ᖃᓄᐃᓐᓂᐅᔪᓂᑦ, ᓈᒻᒪᖏᑦᑐᑦ ᑐᓴᖅᑎᑦᓯᔾᔪᑏᑦ ᐊᑐᐃᓐᓇᐅᑎᑕᐅᓯᒪᔪᑦ ᐱᓕᕆᕝᕕᐅᔪᓄᑦ ᓇᒻᒥᓂᖅ ᑕᐃᒪᐃᓂᕋᖅᑎᓪᓗᒋᑦ. ᓇᐃᓴᖅᑕᐅᓯᒪᔪᑦ ᓴᖅᑭᑎᑦᑎᓚᐅᕐᐳᑦ ᐱᓕᕆᒃᑲᓐᓂᕆᐊᖃᖕᓂᖏᓐᓂᑦ ᐃᑲᔪᖅᑐᐃᓗᑎᒃ ᓴᐳᔾᔨᓗᑎᒃᓗ ᓄᓇᕘᑉ ᒪᒃᑯᒃᑐᖁᑎᖏᓐᓂᑦ. "ᐱᓕᕆᕝᕖᑦ ᓈᒻᒪᑦᓴᑐᐃᓐᓇᖏᓐᓇᕆᐊᖃᖏᑦᑐᐃᑦ ᐱᒻᒪᕆᐅᓂᖏᓐᓂᑦ ᐱᓕᕆᐊᑦᓴᖏᑦ ᐃᓅᓯᖏᓐᓄᑦ ᒪᒃᑯᑦᑐᑦ ᓄᓇᕗᒻᒥᐅᑦ ᐃᓚᖏᓪᓗ," ᐅᖃᖅᑐᖅ ᐸᐃᑦᔅ.

ᐅᖃᐅᓯᒃᓴᕆᔭᓂᑦ ᑭᒡᒐᖅᑐᐃᔨᒥᙶᕐᑐᒥᑦ ᐊᕐᕌᒍᓕᒫᖅᓯᐅᑎᒥᑦ ᐅᓂᒃᑳᒥᑦ, ᐸᐃᑦᔅ ᑲᓯᒪᕙᖏᑦ ᖃᓄᐃᓕᖓᓕᕐᓂᖏᑦ ᒪᒃᑯᑦᑐᑦ ᓄᓇᕗᒻᒥᐅᑦ ᖃᐅᔨᒪᓂᖕᒥᑦ ᐅᔾᔨᕆᔭᓂᒡᓗ ᑎᑎᕋᕐᕕᐅᑉ ᐱᓕᕆᐊᖏᓐᓂᑦ, ᓯᕗᓪᓕᖅᐹᖓᓃᖦᖢᓂ ᑭᒡᒐᖅᑐᐃᔨᐅᓂᖕᒥᑦ.

“ᐱᖓᓱᓪᓗᐊᑕᐃᑦ ᓴᖅᑭᔮᓗᐊᓚᐅᖅᑐᑦ ᐅᕙᓐᓄᑦ ᐃᓚᖏᑦ ᒐᕙᒪᒃᑯᑦ ᓄᓇᕗᒻᒥ (GN) ᐃᖅᑲᓇᐃᔭᖅᑎᖏᑦ ᓵᑕᐅᓕᕈᓐᓇᖏᒻᒪᑕ ᐃᓱᒪᓕᐅᕆᔭᖏᓐᓄᑦ ᐊᒻᒪᓗ/ᐅᕝᕙᓘᓐᓃᑦ ᖃᓄᐃᓕᐅᕐᓂᖏᓐᓄᑦ; ᐃᓕᑕᖅᓯᖏᓐᓂᕐᒥᑦ ᐅᖃᐅᓯᖃᖏᓐᓂᕐᒥᓪᓗ ᐱᑦᓯᐊᖅᑕᐅᖃᑦᑕᖏᓐᓂᖏᓐᓂᑦ ᐃᓚᖏᑦ ᐃᓄᐃᑦ ᓄᑕᖅᑲᐃᑦ ᓱᖁᑎᒋᔭᐅᖏᒻᒪᑕ; ᐊᒻᒪᓗ ᐊᖏᖅᑕᐅᒍᑕᐅᑐᐃᓐᓇᖅᓯᒪᔪᑦ “ᑕᐃᒪᐃᓐᓂᖓᓄᑦ ᐅᑭᐅᖅᑕᖅᑐᒥ” ᐊᒻᒪᓗ ᖃᓄᐃᓕᐅᕈᑕᐅᒋᐊᖃᖏᑦᑐᑦ ᐅᖃᐅᓯᖃᕐᓂᕐᒧᑦ ᐊᑲᐅᖏᓪᓕᐅᕈᑎᓂᑦ ᓴᖅᑭᖅᑐᓄᑦ."

ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᐊᑕ 2019-2020 ᐊᕐᕌᒍᓕᒫᖅᓯᐅᑎᒧᑦ ᐅᓂᒃᑳᖓ ᓴᖅᑭᑕᐅᓚᐅᕐᓯᔪᑦ ᒪᓕᒐᓕᐅᕐᕕᖕᒥᑦ ᓯᑎᐱᕆ 21, 2020-ᒥᑦ.

###

 

ᑐᑭᓯᒋᐊᒃᑲᓂᕈᒪᒍᕕᑦ:

ᑭᒻ ᕚᔅᑐ
ᐊᐅᓚᑦᑎᔨ ᑐᓴᐅᒪᔪᓕᕆᓂᖕᓄᑦ ᑭᒃᑯᓕᒫᓄᓪᓗ ᐅᔾᔨᖅᓱᐃᑎᑦᑎᓂᖕᒧᑦ 
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᑦ ᑎᑎᕋᕐᕕᖓ 
867-975-5091  |  kfoster@rcynu.ca